المصرية اللبنانية............. اعط رايك

[βǻŋǾừŧά ₡ǖŦё]

مساء الخير واش راكم ناس اللمة تبانلي اكل راكم :santa_1:
ملاح قرب العيد والغاشي اكل يخمم
على اللحم :showoff:
المهم بدون اطالة ندخل فالموضوع
حبيت نعرف السبب الي يخلي الجزائريين يبدلو
اللهجة تاعهم _o:اللي تهدرلك باللبناني واللي كي
تلقاها بالتركي واللي بالمصرية نعطيكم
مثال اللي تقول بس و كذا و ذي:shay:
ومانعرف علاماه عليكم احنا جزايريين نورمالمو
نفتخر باللهجة تاعنا:sheer: ماشي نبدلوها
علابالي خلطتهالكم نعطيكم مثال
مرة شفت في وحد الحصة
ضايفووحدة جزائرية ووحدة لبنانية ووحدة
مصرية ايا اللبنانية والمصرية يهدرو عادي
نلقا الجزايرية دخلت فيها يعني زي كدا وبس و ماعلباليش _o:
واشيهوا علاماه عليك اهدر باللهجة تاعك و خلاص
:sadwalk::sadwalk::sadwalk::sadwalk:
وعلابالكم انا ولله كي نشوفهم هكيك راسي يتقلب
انا هذا رايي حبيت نعرف رايكم
بااااااااااااااي​

 

[adel-mz]

سلام
صح كاينة هادي واش راكي تقولي
السبب هوما قدرو ينشرو ثقافتهم ولهجاتهم فينا عبر الفضائيات
واحنا منيش عارف بلاك مقدرناش
+
اللهجة نتاعنا نعتزو بيها وان شاء الله كل واحد منا يحاول ينشر ثقافتنا بقدر المستطاع .
شكرا اختي الكريمة


​

 

[07 _H@yThm]

ضعف شخصيه برك
ديجا مهمش كامل
​

 

[CHOUAIB12]

يا اختي vive حنا
لي يهدر بلهجات اخرى بين جزائريين هادا عندو نقص
بصح لي يهدروها مع اخرين نورمال على خاطر كون تهدري بالدزيريه تاعنا معاهم مايفهمو والو

 

[دروب الرحمة]

هذوك كي نشوفهم يرني قلبي راهي كاينه مام فالمنتديات وام حنا في حنا وتلقايهم يطيشو كلمات
أما قضية كي يكون واحد فبلد آخر ومستضاف تما تبالي لازم يهدر بلهجتهم لانهم مستحيل يفهمو الطلاسم تاعنا
مارسي عليك
​

 

[Midia]

wwalah sah lazem kol wahad yahki bel lahja ta3o
mais hna b hokm ena 3echna m3a franca 132 ans
dima nahkiw en francais presk f kol kelma ndakhlo fiha des mots en francais
c pr ca mayakadrouch yefahmou 3lina
mais pr moi ana dima jazayri
djini tkila ki nahki blahja khlef
merciiiiiiiii​

 

[مرام التيبازية]

السلام عليكم.
شكرا اختي على الموضوع بارك الله فيك.
والله العظيم كاين ناس يحيروك تقول يحشموا باللهجة اتاعهم vive لهجتنا انا الانسان اللي يحشم باللهجة اتاعه نحسبه ماشي انسان بالطبع وربي يهديهم ولا يديهم.
وشكرا ليك مرة ثانية ربي يسترك.

 

[ماكانش]

يعطيك الصحة شيما على الموضوع الباهي
مام انا هذي نحير فيها، وعلاه دوروهانا لبنانية ؟؟؟
زعما لغة انوثة ورومانسية ولا واش ؟؟؟
يعطيك الصحة ​

 

[bombardino]

ههههه
والله ديما يحشمونا و ديما نقلب لقناة

بالاك يديروها بلعاني باش ما يفهموناش
​

 

[تاج الجزائر]

تحيا هدرتنا ولي ما يفهمهاش يروح يقرها من الابتدائي

لحتى الجامعة

وممبعد يجي يهدر مع الجزائريينi-o:

وكيماراكي تقولي كي لخرين هدرو هدرتهم كان لازم على الجزائرية تهدر لغة فصحى



لباش لخرين ما يفهموناش تقول رانا نهدرو

بالشنوة:schmoll:


ونجيك في الصح يفهمونا غير يبغو يلعبوها


علينا

شكرا على الموضوع ختي ربي يبارك فيك

جزائرة حرة انتي :shay:
​

 

[القطة الزهرية]

سلالالالالالالالام
انا نظن يقولو بلي مايفهموناش مي كي مايفهموناش يهدرو باللغة عربية انا نحب لغتنا فوووووووووور مكانش زيها ونهدر بيها والي مايفهمنيش نهدرلو باللغة عربية ماش بلوغتو :re_gards:

 

[nawal 88]

كاين منها صح والله انا مرات نكون نشوف فيهم وكي يستقبلو جزايرية تبدا غير تخلط عليهم مي هوما يقولو مايفهموناش بالعكس يفهمونا نورمال مع الوقت علاه التوانسة بقاو يحكيو لهجتهم والفوهم نورمال مي حنا الله غالب نحبو نخلطوههههههه​

 

[═♥.ЈŪšť_ màn.♥═]

..
امممممممممممم
تحيا اللهجــة الدزيزيــة .. يعني ليزالجيروااااااا
ابااااار صـــا.. احم احم
ربي يستر
و فيف الدزاااااااير
:re_gards:​

 

[βǻŋǾừŧά ₡ǖŦё]

مرسي على المرور​

 

[DARINE05]

Oui sah tsraaaaaaaaaaaaaaaaaa

 

[**** بنت أبوها ***]

شكرا ليك اختي شيماء على الموضوع الشباب و كيما قلتي لازم نختافرو بلهجتنا الجزائرية و كيما انا فهمت لغتهم هوما ثانيك يحاولو يفهموني بلغتي​

 

[ALEXIS SANCHEZ]

اودي امعاااااات
غاشينا يحلب البراوي و وليد البلاد يركبو عليه
ماعندمش شخصية مام مايقدروش حتى يفرضو رايهم
وهاذو لي شوهو صورتنا مع البعض
​

 

[farouk sansiro]

جامي شفت جان يبدل اللهجة نتيعو مي شفت بالشكاااااااااااااااااااااير لبنات اللي يبدلو اللهجة نتيعهم وهذا كامل على المغنيات الفاسدات والمسلسلات اللي فسدو العقلية وهذااااااااا رايي وحدي والله اعلم​

 

[adraa]

باااينة علييك سكيكدية من الكلام نتاعك ...
خيااار النااس حنوونة
شتي شتي انا كتييييير ادايء لما بشوف مواقف زي هايدي
كتير ازعل عليوون
احنا جزايريين و نتكلم دارجتنا و كلنا افتخاار...
واللي فهم صحا لييه و اللي ما فهمش يروح يترجم و الا يخبط راسو فالحيط

مووووغ دوو غيييغ

و نزيدك الجزايريين كي يبدلو لغتهم و يهدرو زعما كي لخرييين
والله والله والله يديرو العياااااااااااااااااااااا​