اهلا الخاوا . واش راكم . ان شاء الله لاباس و تمام.
كي قعدت ف الليل . زعمة حاب نرقد .
قعدت تراود فيا وحد الافكار جامي حسيت بيها . حتى لهاذ الايام
رانا نقراو ف الثانوية
خصوصا في المرحلة الاخيرة . يعني التارمينال
و الله يعني انك غادي تصاحب ناس . يدخلولك ف القلب عرفتهم غير دا العام او قراو معاك من قبل
تضحك معاهم . تزعق معاهم . الطوايش ف القسم . واحد يحصل في واحد
الاستاذ يشرح و نتوما ديروا وحد الصوالح العقل و مايتقبلهمش
احيانا بالفيبرور تبيبيو لبعضاكم و احيانا بالستيلو ترمو ف الكواغط .
. كي تكون فاجعة ولا مصيبة الواحد يوقف مع الواحد . ف وقت الشدة مع بعض
ف وقت الفرحة مع بعض . سيرتو الساعة تاع السبور . ديرو فيها العجب نتا و صحابك
و اذا كانت كاينة حفلة . شا تصاور و شا مسرحيات مع صحابك
و ايضا و خصوصا
مع البنات . تزعق معاهم . تضحك معاهم . اي فلانة كتبيلي . اي نتي اعطيني نحل التمرين
يعني توالفهم صح صح
و هكدا هي رايحة الايام ........
مي في لحظة انك ....
تتفكر نهار البكالوريا . و نتائجها . و بعدها كل واحد ما يحكم دومان في حياتو
كاين منهم اللي يدخل ف الجيش و منهم من يروح للخارج و منهم من يحبس الدراسة
و منهم من يروح بلارجعة
الاصدقاء اللي عشرتهم تفارقهم . ليام الحلوة تروح بلا رجعة .
كي غادي تكون ردة فعلك ..
واعذروني اذا جيتكم ثقيل على القلب .
