كل واحدة تدخل اتقولنا واش الجهاز تاع ولايتهم

[imane27]

هايل لقماش هاجر بصحتك غير خيطيه راه شباب

 

[ديني حياتي]

السلام عليكم ورحمة الله وبركاته
جزيت خيرا اختى زوزو ​

اتفضلو

​

​

​

​

وهادا قماش اللي رايحة نخيط بيه الصالون

​

​

ماشاء الله

ربي يكملك​

 

[فرح36]

جهاز العروس في تلمسان

السلام عليكم انا فرح 36 بالنسبة لتجهيز العروس في تلمسان فيلزمه اموال طائلة وابوها تاع العروسيصاب بشبه افلاس بعد زواج ابنته ودالك بعد شراء الافرشة والالبسةوالمجوهرات و و و

 

[فرح36]

توكلنا على الله

 

[بلسم السطايفية]

السلام عليكم

 

[بلسم السطايفية]

وان شاء الله نجيبلكم لجهاز واش تدي لعروسة السطايفية
تحياتي ليكم

 

[جميلة العيون]

للرفع

 

[ftouha42]

شكرا ليك على الموضوع شباب انا من ولاية تيبازة.اسمحيلي ماعندي حتى فكرة على الجهاز المهم يدو الفراش و الحوايج وبزاف عفايس.ما تضحكيش عليا خاطر انا مانتولهش لهاد الصوالح بزاف
.بصح نسقسيك
انا ماني متزوجة ماني مخطوبة بصح عندي الام نتاعي راهي تقولي نبدا نقص.يعني الحاجات اللي تقيلة.شورات ولي كوات و الفراش عامة.بصح انا نقول مازال الحال افيديني ربي يخليك.وشكرا ليك مرة اخرى
ملاحظة;خدمتلي شهرة بوحدات نتاع الكروشي و راهي تزيد تخدملي في زوج نتاع غرزة الحساب

 

[minoucha anoucha]

السلام عليكم
نشكرك اختي على الموضوع
حنا عدنا نديرو على حساب جيبنا بصح العادات
المنسوج التلمساني و ال****و الحر أو الشعرة و 1أو2 بلايز و قفطان مغرابي أو فوقية لاتوني(سروال و بالطوه أو جيبة و جيلية على حساب الذوق انتاعك)
أما الملابس ألى تسكتي وحدك شري على راسك الملابس فروني راكي فاهمة و لا معا عيال اشري المتور و البدعيات و اللباسات
أنا نسكن وحدي مي مارانيش مكثرة الحوايج درت حاجة قليلة و همية و على حسابي

 

[خولة الصحراوية]

مشكوووووووووورة اختي ام امينة افدتيني بززززاف انا جاية عروس لعندكم و حبيت نعرف في تحضيرات العرس ما دابيا تقوليلي نهار لي روحوا لدار لعروس واش يدوا معاهم و كيفاه يكون هداك النهار باه نعرف لخاطر حنا يدولها الشاة و المصروف و واش حبوا هوما هل كي تكون بعيدة لعروس نتوما عندكم يديورا الجفنة انصحيني كيفاه نديرها و عندكم هل تدي لاهل العريس الهدايا و للعريس واش ممكن نديرلوا حبيت افكار و لخاطر عندنا هي ديرلوا و هو يديرلها و استفسار اخير حبيت نعمل الخاتم لفيونساي نهار التصديرة هل عندكم نتوما هاد العادة ممكن يعني يدخل العريس و يلبسلها لخاطر هادي فيها اراء اسمحيلي اذا تعبتك و مشكوووووووووورة حبيبتي اذا ساعدتني مهما كان اي عروس تكون تالفتلها :up::regards01:

 

[سمية25]

اختي خولة
راهي جاوباتك اختي امينة
حبيت نقولك على عادات الجفنة مادامك نتي من بسكرة وجاية ل عين الدفلى انشاء الله تجيبي معاك جفنتك عادي يعني كسكس يابس وكي تجي لهنا تشري اللحم وكل متطلبات الكسكس عادي من سمن وزبيب ودراجي وخضرة وحمص .هههه
المهم عادات عين الدفلى تقريبا كيما الشلف يماك وخواتاتك ايلا جاو معاك هوما يطيبوها واذا مكانش عادي اهل العريس يتكفلو بيها ويقومولكم تاع الصح ويغديو الضبياف
ومبعد يلبسولبك لباس نتاع عجوزتك ولا جدة عريسك ويديرولك الحايك من الفوق بطريقة معينة احنا هذي العادة يسموها نهار الحزام يعني يحزموك بحزوام عجوزتك ويحطولك السكر قطع وحلوة الدراجي في الحايك ونتي تخرجي ترمي بيهم ويدخلوك في كامل غرف البيت ويدوك برا تقشقشي يعني تلمي شوية اعواد صغار ولا حشائش وتدخلي تحطيهم فوق موقد المطبخ وتقعدي في حجر عجوزتك وينوضوك ومبعد تني كلشي وتقعدي عادي تلبسي منصورية ولا جبة تكون شابة وتقعدي عند الضياف بعدا كانو تغداو طبعا ومبعد يقسمو لاتاي بالقاطو ويروحو كل واحد لداروا ههههههه
هذي عادات عين الدفلى اللي قريبة للشلف طبعا واذا سقسيتي حماتاتك يعني خواتات راجلك يكون احسن
وبالنسبة للهدايا ايييه يديييو لام العريس وجدته وعماته وخواتاته وخاوته وطبعا لزوجك الهدية تكون مليحة وكبيرة
انا راني دايتلو سوغتي دبا وجال دوش وشمبوان وقرعة ريحة وديودورو
هذي هي واي استفسار راني هنا اختي
شكرااااااااا

 

[خولة الصحراوية]

مشكوووووووووورة حبيبتي سمية هاد لحكايات كامل ما في باليش بيهم رايحة ندخل انا و سلفتي يعني 2 عرايس و الله يعطيك الصحة نورتيني و ربي يهنيك و راني مصبتش الرد نتاع اختي أم امينة ؟؟؟:up:

 

[miss miss]

2 مطارح صوف ​

صالون مغربي بالكاش ريدو ناهو لون بني مبلي 2 غلاف مطارح 6 مساند ​

ريدو بني و ريدو ابيض ​

كوفرولي ***عنابي و اخضرو كوفرلي ساتن حرير ابيض​

كوات مليحة سوداء و بيضا ​

زاورة خشينة حمراء و زاورة رقيقة وردية​

دروات 1 ابيض برودي 1 وردي تاع شبيكة 1 بنفسجي بلبياس كروشي​

بلبياس توعهم لنبخو كروشي و شبيكة و برودي...و تاني لملايق تاع لخزانة و ليغطيو بيهم الفليزات ​

اما لذهب و بماما انني الطفلة الوحيدة فالدار درتلي ماما محزمة ذهب و 2 مسايس العجب ..منقشات طوال تاع سهرة 2 خوتمات ماشي كبار ملاح و تاع ديمة و راح يزيد بابا يشريلي سلسلة و قورمات و مناقش و خاتم يعني مع ذهب لي يجيبوه هوما هداك هو .....​

ملابس انا كلما نخرج نخطف حاجة اه ملا راني خاطفة ​

عباية سوداء و حجاب تاع مغرب بني ​

الجبات راني خاطفة 2 قطيفة وحدة خشينة شوية و حدة سامبل ​

بيجمات راني خاطفة 2 وحدة تاع شتاء وحدة تاع صيف وحدة 1روبة بيجامة قصيرة ​

كاين تاني جبات تاع المناسبات عندي4 يعني هادو جبات فخمة تاع مناسبات​

1 نهار جاو خطبوني لبستها و خبيتها ​

2 بلايغ و سابو ​

جبات تاع دار تاع صيق درت 3 مممممم عيت و نسيت امبعدا نولي نكمللكم

بصح حبيت نعرف عوايد ناس بجاية واش يديرو

 

[yasmine mimina]

بالصحة عليك اختي ميس ميس
تلبسيهم بالصحة و الهنا ان شاء الله​

 

[عاصفة النار]

رد: كل واحدة تدخل اتقولنا واش الجهاز تاع ولايتهم

السلام عليكم اخواتي
ممكن لي تعرف واش يديو جهاز في شلغوم العيد
و ربي يجازيكم كل خير

 

[عاصفة النار]

رد: كل واحدة تدخل اتقولنا واش الجهاز تاع ولايتهم

هل من مساعد؟؟؟؟؟؟؟؟؟