حلوى سريعة **مناسبة للضيف المفاجيء ** بالشرح المصور

[اميرة الساحل]

السلام عليكم​

اليوم جبيتلكم حلوى سريعة و خفيفة و لذيذة جدا و هي مناسبة للضيف المفاجيء و للامانة هذه الوصفة لقيتها في منتدى اخر و جربتها و فعلا طلعت النتيجة روعة لانو صراحة استغربت من بساطة مقاديرها في الاول لكن كي جربتها طلعت روعة و شكر جزيل لصاحبة الوصفة ​

اليكم المقادير المرفوقة بالشرح المصور ​

المقادير​

2 بيض​

2 ملعقة أكل زيت​

2ملعقة أكل سكر​

ملعقة صغيرة خميرةكيميائية​

ملعقة صغيرة فاني ​

2ملعقة أكل فرينة​

​

التحضير​

أمزجي المقادير جيداضريي البيض مليح حتى يبيض و يضاعف حجموثم زيدي السكر و ضربي مليح زيدي الزيت و ضربي مليح ثم اضيفي الفرينة والخمير ة + لفاني وخلطي من الاسفل الى الاعلى​

​

​

وضعيها في صينية صغيرة بيها ورق زبدة ( انا ديت صينية مستطيلة 28سم/23سم )​

​

وضعيه في الفرن مدة 10د لا اكثر حتى يميل لونها إلى الوردي​

​

​

عند نزعها إطليها بالشكولاطة أو بالمربى( انا طليتها بلاجيلي نتاع سفرجل)​

​

ثم أثنيها بتأني للأخير حتى تكون على شكل حربوش​

​

​

​

و زينيها و هنا لك الاختيار( انا هنا زينتها بسكر رطب و عملت تزيين صغير بالكاكاو على شكل قلوب)

ثم قسميها و قدميها بالصحة و الراحة ​

و هذا شكلها النهائي

اي استفسار او سؤال انا في الخدمة لكم مني اعطر التحايا :re_gards:​

 

[كوثر الوهرانية]

بارك الله فيك اختي اميرة الساحل وصفة هايلة الله يعطيك الصحة و مقاديرها موجودة في كل بيت جاري التطبيق ان شاء الله:sheer::sheer::sheer::sheer::sheer::sheer:

 

[Djazaire-El-Ghalia]

أمممم يعطيك العافية أميرة

 

[bachboucha]

وصفة هايلة الله يعطيك الصحة

 

[نبيلة شباح]

قاطو هايل

 

[جزائرية مكاش كيفي]

وصفه ساهله و هايله شكرا لك
​

 

[•• AméL Là Stàr ••]

.... ​

خفيفة سريعة واقتصادية مشكورة وراح نجربها عن قريب
بصح 2 معالق فرينة ماشي شوية !! ​

.....​

 

[imane27]

جاتك هايلة نوع من لرولي اسمها يعطيك الصحة

 

[حكيك]

يعطيك الصحة
خرجلك هااااااااايل كيما العادة وصفاتكي كلها رائعة

 

[تسنيم الهناء]

فوووووووووووووووووووووور

ربي يبارك
​

 

[***سوسن الجزائرية]

ساهلة و مقادير موجودة دائما .

خرجلك روعة يعطيك الصحة الله بارك.

 

[الاختان سوسو ونونا]

شكرا ليكي جاري التطبيق

 

[ندى الورود]

وصفة بسيطة في مقاديرها بصح النتيجة النهائية روعة
يعطيك الصحة اختي
​

 

[nina ricci1]

ymmmmmmmmmmmmmm

tayba
ya3tik saha
merci pour la recette

​

 

[merieme hassi]

تبارك الله عليك حنونة
يعطيك الصحة

 

[*ليديا*]

مساء النور
وصفة شابة يعطيك الصحة اختي​

 

[السلطانة]

يممممممممم يعطيك الصحة وصفة هايلة

 

[cherine]

يعطيك الصحة حنونة
مشكوورة​

 

[ISMA.dz]

خرجتلك روعة حبيبتي

لكن استفسار فقط

هل نقدر نعوض ورق الزبدة؟
​

 

[اميرة الساحل]

ردود مشجعة و عطرة نورتو الصفحة لكم مني اجمل تحية لكل وحدة باسمها
بالنسبة للاستفسارات

.... ​

خفيفة سريعة واقتصادية مشكورة وراح نجربها عن قريب ​

بصح 2 معالق فرينة ماشي شوية !!

.....​

اختي امال هنا مافهمتش واش حبيتي تقولي على الفرينة المهم ديري 2 مغارف اكل فرينة يكونو معمرين مليح و هذا هو المقدار المضبوط ماتنقصي ماتزيدي

​

خرجتلك روعة حبيبتي​

​

​

​

لكن استفسار فقط​

هل نقدر نعوض ورق الزبدة؟​

نعم تقدري بصح انا راني موالفة نستعمل ورق الزبدة لانو يسهل في عملية لف الحلوى اذا لم يكن متوفر عندك استعملي ورق المنيوم عادي و لفي الحلوى غير بتاني باش ماتغلبكش
​