وسامة الرجل ............هل تعتبرينها شرطا

Β

βǻŋǾừŧά ₡ǖŦё

:: عضو مُشارك ::
سلااااااام
ليوم حبيت نطرح موضوع يمس الجميع
وهو
هل وسامة الرجل شرط في نجاح الزواج
خاصة ان هذا الامر اصبح يحضى باهتمام
كثير من الفتيات املا في الفوز بزوج
يحمل هذه السمة
اريد رايكن يا بنات ويا شباب:shay:​
 
لوكان جات شرط راني أزوجت بكري ههههههه
والله الشرط هو زين لفعايل
بلعكس الرجل كي يكون زين يكون عرضة لأمور بزاف تخافها مرتو
لازم باشع وياربي ههههه
يعطيك الصحة شيومة ...​
 
الراجل مش عيبو زينو عيبو جيبو
منحبش نوع تاع وسامة نحب يكون لباس عليه في العقليةة وخلاص
والزين صح تاع البنات
مرسي
​
 

ليس الجمال شرطا من شروط أساسية في الرجل المثالي

الرجل الذي يتبع دينه ويكون له رجاحة عقل تجد وجهه منورا وتجده بهي الطلعة

أما الوسامة فهي شيء آخر وربما تكون في مرحلة المراهقة والشباب وتزول في الكهولة والشيخوخة


شخصيا أعتبر حتى جمال المرأة ليس بالشرط الأساسي, لأن ذلك سيزول وتبقى الكلمة الطيبة بين الزوجين


​
 
الراجل لي يملك عقليه زينه هداك هوا الصح مي الزين و العقليه 000 وعلاه

​
 
شوية عقل وشوية شبوب وشوية دراهم والحاجة لي كثر الدين والاخلاق b1 suur بلا بيهم ما نديرو والو

مرسي​
 
الزين ندار للمرأة ماشي للرجل
الزين تاع الراجل في لسانوا و عقليتو و دراعوا و جيبوا
في لسانوا : ما سجرحش بيه الناس و يعرف كيفاش يهدر مع الناس
في عقليتوا : قبل ما ينطق بكلمة لازم يوزنها
في دراعو و جيبوا : يتكل على روحوا ما يقولش ما عنديش باش نصرف و لا باش نجيب لزوجتي و لا أولادي لقمة
العيش و لا يتكل على الوالد تاعوا باش يصرف عليه

مشكورة على الطرح الرائع
باش الناس كامل يخموا بعقولهم و فالمستقبل ديالهم كيما يقلك وحد المثل : الزين ما يبني خيام

مشكورة مرة ثانية + تقييم
 
هو ماشي شرط مي شوية شوية ماشي تديه كوسموس ما تقدريش حتى تشوفي فيه وكل واحد وكيفاش يخمم كاينة لي تبغي تديه توم كروز
 
الزين ماعندو حتى أهمية
وين راهي الفايدة في راجل شباب ووسيم وهو لادين لااخلاق؟
​
 
سلام

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.

اعتقد من هذا الحديث الشريف وسامة الرجل ليس شرطا في الزواج او نجاحه.يبقى ذوق فقط .
بارك الله فيك

​


​
 
أنا مانكذبش عليك ...زين هههههههه
ونحب المرأة ديالي تكون شااااااااااااااااااااااااااااااااااااابــــــــــــــــــــــــــــة بزاف
ونورمالمون راني لقيتها ..ههههه​
 
زين زين لفعايل الراجل عيبو الوحيد جيبووووو:shiny::shiny:
 
لالا ماشي مقياس لوكان خلات على الباشعين الزين زين لفعايل و الزين مابني قصور بل العكس يولي عرضة للأختطاف من طرف النساء المحيطات حوله
 
اسمحيلي الاخت
مي الراجل جامي يقولو عليه شباب ولا ماشي شباب
النسا هوما لي يشوفوهم على زينهم
اما الراجل نورمالمو يشوفوه على الرجلة نتاعو وبس
​
 
بالرغـــم ـأن ـالسؤوال موجه للبنات
لكـــن جاني فضول باش نرد ..هههه

باش يكــون في علمكـ فقط فــان الوسامة و خاصة
للرجــــال تكون متفارقة من بنت الى اخرى
كــل وحدة وكيفاه تحب الرجل

يعنــــي ـالرجل الــي يروقها و يطيح في قوسطوها
هداك هو ـالوسيم عندها و نــظن مش عيب ـأنها تلقى واحد يروقها
بصح متتخداهش شرط ـأساسي ولــازم

يعني كيمــا يقولو ـاذا لقات واحد وليد فاميليا و لقاتو وسيم
تقول مزيدة الخير خيرتين

مـلــأحظــة : ـالوسيم تتعب معاه المــرا تعيا تعسوا هههههه ..
​
 
الجمال نسبي ولي نشوفو انا وسيم يمكن تشوفو اخرى
عادي جدا او حتي ماشي شباب
انا بالنسبة ليا اخر شيئ نهتم بيه هو الشكل الخارجي
مع اني شااااااااااااابة بزاااااف هههههههههههه
اللي يهم حقا الاخلاق وانو يكون انسان جاد
وخدام وحقا الزين لنسا وما نقدروش
نعيبو راجل بسبب الشكل الخارجي
ونقوللكم بصراحة الراجل لي شباب انا
ما نفضلوش
 
لالالا ليس شرط ان يكون الرجل وسيم
ان كان فيه مواصفات الرجل المميز
ويتمتع باخلاقه الحميدة وكل ماهو جميل فلا يهم جماله
لان الجمال ليس جمال الوجه ايضا انما جمال القلب
يعطيك الصحة حنونة​
 
الزين زين العقل، ويلا هو زين في شكلو الخارجي وفي داخلو راجل سيء واش راح ندير بيه ، على قول ناس بكري ( الشكل غالي والمرسم خالي) بالنسة لي عندي الأخلاق أهم شيء أما الجمال فهو حاجة شكلية فقط.


قال الجاحظ: لامروءة لكذوب ولاورع لسئ الخلق
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

Dalida1993
هل تعتبر قسوه الرجل تعبر عن رجولتة ؟؟
المشاركات
7
المشاهدات
977
الظل الطويل
ا
العودة
Top Bottom