لامود لي راهي دور هاد لي جوغ

[nour mary]

................

الســــلام علـــــيكم

واش راكم يا الحبـــاب عندي بــــــزاف مادخلتش
توحشتكم
.
.
.
واحد لامود جديدة راهي دور ماعاندهاش بزاف

هي الزواج المــــبكــــــر :scared:


تلقى طفلة هادا وين دارت 18 ولا 19 سنة راح تتزوج

و برضاها نورمال

قرايتها مزال مامبا ماكملتهاش

هادا وين بدات تفهم للدنيا تزوجت

انا مانيش ضد الزواج المبكر كفكرة

مي بالنسبة ليا انو الطفلة مازال منضجتش و ماتقدرش تتحمل

مسؤولية دار و ولاد

فهاد السن

ولا واش رايكم نتوما ؟؟؟؟؟؟

راني نستنا في ردودكم نتمنا ماتبخلونيش منها:re_gards:​

 

[ماكانش]

أهلا بيك نور
دارت القطة الزهرية موضوع مشابه لهذا
بلاك الطفلة تزرب تزوج لأنها شافت وسمعت بحالات عنوسة بزااااااف
تقلك ألي يجي اللول مانراطيهش بلاك هذا اللول واللخر
ياخي يقلك ألي يكثرو خطابها تبور ...​

 

[إنسانة ما]

يعطيك الصحة أختي
أختي لو كان جات برك على 18 أو 19
الآن جماعة 16 و 17
والله يا أختي رانا كبار والواحد لما يفكر في مسؤولية الزواج غير يتخلع.
الزواج مسؤولية كبيرة مش حاجة ساهلة تع يوم والا يومين .
ربي يقدر الخير
​

 

[homework]

يعطيك الصحة اختي هذا الموضوع عندوا اتجاهين اذا كانت الطفلة بعقلها و شاطرة ومتربية وقادرة على شقاها و متقراش وجها زوج صالح مايهمش العمر لأنوا الزواج سترة
اما اذا كانت صغيرة وقليلة صحة و تقري الأفضل انها تتعلم لحوايج نتاع الدار من طبخ و نظافة من بعد ربي يجيب لي فيه الخير

 

[07 _H@yThm]

ياودي خليهم يزوجو
​

 

[hadil2044]

احنا كاين حتى 14 و15 تحير والله
انا ضد هذه الفكرة على الاقل 20 سنة

 

[القطة الزهرية]

ياه ياه ياه ......سبقتتتتتتتتك i-o:i-o:i-o:درت هاد الموضوع قبلك احم احم
مي نجاوبك انا ضد اكييييييييييييييد هد الظاهرة :re_gards:

 

[القطة الزهرية]

https://www.4algeria.com/forum/t/318872
او الموضوع

 

[ام سندس]

لعقوبة ليك حنونتي انا من ر اي لجيها مكتوبها تر وح وعلاه لا لا تستر ر وحها الفائدة الهناء ناس بكر ي يتزوجو
هما صغار:sheer::sheer::sheer:

 

[احلى لمة]

ياودي خليهم يزوجو
​

عندك الصح خو خليهم يتزوجو خير من يبورو ......

 

[جزائرية واعشق بلدي]

والله يا اختي اذا كانت الطفلة قادرة على شقاها وعلاش لا نعرف بنات تزوجو عمرهم 18 سنة ومازالهم يقراو وعندهم ولاد يعني هاذي حاجة عادية
وربي يبعت كل وحدة النصيب اللي تبغيه

 

[adel-mz]

................

الســــلام علـــــيكم
وعليكم السلام

واش راكم يا الحبـــاب عندي بــــــزاف مادخلتش
توحشتكم

يتوحشك الخير ان شاء الله
.
.
.
واحد لامود جديدة راهي دور ماعاندهاش بزاف

هي الزواج المــــبكــــــر :scared:


تلقى طفلة هادا وين دارت 18 ولا 19 سنة راح تتزوج

و برضاها نورمال
وعلاه اختي حاجة بيزار!؟

قرايتها مزال مامبا ماكملتهاش

هادا وين بدات تفهم للدنيا تزوجت
القراية مليحة مي واذا ماعطاهاش ربي في قراية واش دير ؟

انا مانيش ضد الزواج المبكر كفكرة
بيان سير متكنيش ضد باسكو شرعا يجوز + الفرصة في الزواج لازم ماتضيعش ،زيد الشباب اغلبيتهم يحوسو على 18ans لوكان ديباصي رايحة تدخل في خط احمر .

مي بالنسبة ليا انو الطفلة مازال منضجتش و ماتقدرش تتحمل
مسؤولية دار و ولاد
فهاد السن

بالنسبة ليك انت مي ديري في بالك لو نطاوعو النضج في هذا الوقت وقيلا مكانش خلاص ههههه
بصح عندي سؤال علاه بكري البنت تتزوج صغيرة والحمد لله بولادها ودايا الدار ،مثال انا امي تزوجت في سن 15 عشرة .



ولا واش رايكم نتوما ؟؟؟؟؟؟
راي مخالف تماما ليك الاخت

راني نستنا في ردودكم نتمنا ماتبخلونيش منها:re_gards:
لا نبخل اختنا بارك الله فيك ؛موضوع نقاش نافع.
​

 

[nour mary]

أهلا بيك نور

دارت القطة الزهرية موضوع مشابه لهذا
بلاك الطفلة تزرب تزوج لأنها شافت وسمعت بحالات عنوسة بزااااااف
تقلك ألي يجي اللول مانراطيهش بلاك هذا اللول واللخر

ياخي يقلك ألي يكثرو خطابها تبور ...​

ايــــــه بلاك تخاف على روحها :sadwalk:
ألي يكثرو خطابها تبور
عجبتني هادي هههههههه

شكرا على المرور خويا سفيان:re_gards:
​

 

[nour mary]

يعطيك الصحة أختي

أختي لو كان جات برك على 18 أو 19
الآن جماعة 16 و 17
والله يا أختي رانا كبار والواحد لما يفكر في مسؤولية الزواج غير يتخلع.
الزواج مسؤولية كبيرة مش حاجة ساهلة تع يوم والا يومين .
ربي يقدر الخير​

هاديك هي وضرك ماهمش يخمو هاكا تقولك نزوج و خلاص مايخموش فالمستقبل
مغسي اختي
شكرا على المرور
​

 

[nour mary]

يعطيك الصحة اختي هذا الموضوع عندوا اتجاهين اذا كانت الطفلة بعقلها و شاطرة ومتربية وقادرة على شقاها و متقراش وجها زوج صالح مايهمش العمر لأنوا الزواج سترة
اما اذا كانت صغيرة وقليلة صحة و تقري الأفضل انها تتعلم لحوايج نتاع الدار من طبخ و نظافة من بعد ربي يجيب لي فيه الخير

وي عندك الحق خويا
ماهمش كامل كيفكيف
مي القرايا تكون فالمرتبة اللولة
شكرا على المرور ​

 

[nour mary]

ياودي خليهم يزوجو ​

وانا قلتلهم ماتزوجوش؟؟؟؟؟؟
بالاك راني حاكمتهم وماعلاباليش ​

 

[nour mary]

احنا كاين حتى 14 و15 تحير والله
انا ضد هذه الفكرة على الاقل 20 سنة

بزاااف 14 و 15
واش هادا
انا تاني مع فكرة بعد 20 سنة هاديك نورمال
شكرا هديل على المرور العطر​

 

[nour mary]

ياه ياه ياه ......سبقتتتتتتتتك i-o:i-o:i-o:درت هاد الموضوع قبلك احم احم
مي نجاوبك انا ضد اكييييييييييييييد هد الظاهرة :re_gards:

هادا وين شوفتو الموضوع :shay:
مي ماعليش
كترت بزاف الظاهرة هادي وين نروح نلقاها
يعطيك الصحة حنونة
​

 

[βǻŋǾừŧά ₡ǖŦё]

أهلا بيك نور

دارت القطة الزهرية موضوع مشابه لهذا
بلاك الطفلة تزرب تزوج لأنها شافت وسمعت بحالات عنوسة بزااااااف
تقلك ألي يجي اللول مانراطيهش بلاك هذا اللول واللخر

ياخي يقلك ألي يكثرو خطابها تبور ...​

ههههههههههههه تحب تزرب لالالالا
الاهل هوما يبداو ندبر عليك اديه دوكا او تندمي مبعد
او تبقاي بايرة ويهدرووووووو حتى يقنعوها
وهذي تاع اللي كثرو خطابها تبور واين عادا اي فالاول قبلاتو
واين شافت لالالا هذا مش حل يعني كانو الاهل
قلقو منها وحابين يتخلصو منها يا ربي مازالت صغيرة خليها
تقرا وخلاص كي تعود قارية وتخدم الاخطاب ام يعودو غير هوما
وكاين اللي تلقاهم18 سنة عندها اولاد ولله ماشي مليحة هذي
وللاسف الاغلبية هكا منعرف علاه بالاك علي احنا جزايرين برك
هههه الامهم شكرا لك اختي على طرح الموضوع الذي يمس الجميع
واتمنى انها تكون عبرة لشباب هذا الجيل حتى هوما تاني ما يديروش
لولادهم هكا:shay:​

 

[nour mary]

لعقوبة ليك حنونتي انا من ر اي لجيها مكتوبها تر وح وعلاه لا لا تستر ر وحها الفائدة الهناء ناس بكر ي يتزوجو
هما صغار:sheer::sheer::sheer:

ناس بكري كان عقلهم يوزن ذهب ماشي كيما ضرك
و كيما قلتي كلشي بلمكتوب
شكرا على المرور
ربي يخليلك سندس :shiny:​