- الأوسمة
- 1
السلام عليكم
اليوم جبتلكم عصير الجزر (الزرودية) البعض يقول هل الجزر يتعمل على شكل عصير؟
انا كنت غير متقبلة للمذاق نتاعو ولكن بعد ما جربتو وباضافة نكهات اخرى أكيد يتغير الذوق
ومراح تفرق الا فيه الجزر اترككم مع كيفية التحضير
بعد ما انقي الجزر ونغسلو مليح نقطعو على شكل دوائر ونوضعو داخل قدر ونطيبو مليح
وهذا بعد الطياب نحتفض بالماء ديالو
بعدها نوجد حبة موز وحبة تفاح وحبة ليمون نغسلهم مليح وانقيهم ونقطعهم ونضيفلهم باطة ياهورت تكون فرويتي باه يتغير المذاق
نوضع الجزر بالماء ديالو في خلاك كهربائي ونريح مليح
وبعدها نضيف الموز+ التفاح + الليمون + علبة الياهورت + سكر (حطي على حساب الحلاوة الي تحبي)
نتحصل على هذا فالنهاية
ملاحظة الا صبتيه عاقد وخاتر ضفيلو شوية ماء وبصحتكم
ان شاء الله يعجبكم
