علاه يا عرايس المستقبل ؟؟؟؟؟

لاجودان شاف

:: عضو بارز ::
أحباب اللمة
إنضم
6 جويلية 2011
المشاركات
2,434
نقاط التفاعل
648
النقاط
91
السلام عليكم ورحمة الله وبركاته
أهلا بجميع ناس اللمة الناس الملاح
وان شاء الله راكم ملاح واتونسيو راهي جات الشتا ولرياااح
اليوم
حبيييت نحكيلكم عاى وحدة الحاجة لاحظتها تصرا مع كل بنت
وهي لما يجيو ناس يخطبوها من باباها ويروح باباها
زعما يشاورها وياخذ راييها ولا يبعث مرطو
ديما تسمع نفس الجواب من بنت في الجزائر
:scared::scared::scared::scared::scared:لي بغيتو يا بابا هذاك هو
يعني علاه البنات كامل حافظين هذا الجواب
مع اننا
:heh:علابالنا وعلابالكم وعلابالهم
:eek:i-o::eek:i-o::eek:i-o::eek:i-o::eek:i-o:باننا ندري انكن تدرين
يعني الزواج هذا نتي لي باغياتو ونتي لي خطييلو وحاباتو يتم
ورضيتي هذا الرجل شريك حياتك
:santa_1::santa_1::santa_1:وعلاه هاذ البوليتيك والديبلوماسية المزيفة
واش فيها لو تقولو : ايييه يا بابا هذا هو زواجي وغيرو منيش راضية
علاه مش هاك
يعني علاه عليكم البوليتيك ؟؟؟؟
هيا وافرضي باباك دار على رايوو وقال
لااااااااا مانيش قابل
:tears:مايش دور عقلية شومبرا ومقفولة ودمعة عاى الخدين
وبابي موشوار في زوج يدين واضراب على الطعام:crying_1: وووو
علاه الانسان ما يكووونش وااضح
قال قابلة قابلة
مش قابلة مش قابلة

ولا وش رااااااايكم آليكيب
شكرا
:re_gards:​
 
وعليكم السلام ورحمة الله
صح كاين منها
لكن نظن أنو السبب ممكن يكون الحشمة والخجل من باباها، فتقول وش بغيت هذاك هو. وزيد ممكن يكون السبب أيضًا أنها لو قالت قابلة من المرة الأولى ممكن باباها يكشف أمرها،
فتلجأ لهاذ الوسيلة.
لكن
تبقى مشكل أنو باباها العزيز رفض، وهنا الذكية والقافزة هي لي تحط كل الإحتمالات من قبل وبالأخص هذا الإحتمال. وهنا تحظر نفسها من الأول فلازامها تهيأ وتعتمد على وزارة الداخلية لي هي أمها العزيزة، وهاذي الأخيرة أكيد رح تستخدم كل الأسلحة المشروعة وغير المشروعة والمتاحة وغير المتاحة باه تنقع زوجها العزيز وتسعد بنتها العزيزة
.
وفي نهاية الأمر رح يقبل الوالد العزيز تحت ضغوطات وزارة الداخلية ورح تتزوج البنت بالرجل لي بغاتو ورح يعيشو في سعادة وهناء ..
وشكرًا

 
آخر تعديل:
لسلام عليكم
يعطيك الصحة خو تناولت موضوعا مهما
بصح من وجهة نظري انو الطفلة قادرة تكون تحشم و لا ما تقدرش تقول لا
 
السلام عليكم ورحمة الله تعالى وبركاته
هاذ اامر يختلف من بنت الاخرى
يمكن صح يكون بوليتيك
لكن في اغلب الاحيان هو حشمة وقدر من والدها
انا نشوف كانها قاتلو ايه قابلة في وجهو راهي صحانية وجه
ومن جيهة تانية باباها ادرى بمصلحتها
يعني الاصح انها تقولو كيف ماتحب على انها تقولو ندي فلان ولا مكاش !!!!
وكيما قالت الاخت قبلي الاحسن والاحسن
انو وزارة الداخلية تكون همسة وصل بينهم ههه
هذا اكيد اذا كانت مش كيف وزارة الداخلية نتاعنا
نهدر مع ابي ومانهدرش معاها ههههه
شكرا خيي
موضوع باهي
++++
متتبعة للنقاااش

 
أنا نشوف لي هدا من باب الاحترام ...
يعني الطفلة ما تقدرش تحتم رايها ... لازم تحترم را باباها بويسك هو لي يعرف مصلحتها وكاين حوايج هي ما تشوفهمش في الراجل بالصح هو يشوفهم

 
السلام عليك
الاحترام يلعب دور كبير على هذا يكون رد البنات هكذا
والي ماتحتارمش راي والديها تقول ايه بلا ديبلوماسية
 
سلام اخي لاجودان
والله موضوع في قمة القمم هههه
لكن انا نشوفها من باب الاحترام والحشمة
متقدرش تقولوا ايه بابا راني قابلة على خاطر قابلتو وتفاهمت معاه وحكينا وتفاهمنا هههه
ماجاياش حبيت ثم ماكان لا عرس لا والو ههههه
هي لازم تقولوا هكذا من بعد الاب يشوف ويزيد يبعت الام تسقسي بنتها وهكذا فرات
على سبيل المثال لو الام تسقسي البنت رايحة تقولها ايه قابلة
على عكس الاب
تقبل مروري المتواضع
 
حشمة هدي مي نظن اليوم ماكانش اللي تقول اللي تشوفو يا باا بصح تقول انا لي بعثتهولكم و جايين تشاوروني سي سير اني داكور ° بالفرنسية طبعا هدي مكاكية °
المهم انا قلت ل الوالد الكريم السيد معريفتي و السلام هو قالي ادا ديتيه ما ترجعيش .. و خلصت الحكاية
 
هاذي من لقدر تقول لباباها هاكا
مش تسوتيث
 
سلام و عليكم
هههههههه حرام عليك تاطاكي فينا هكدا
و الله لو يلحق هداك اليوم :shay: وو يجي ليا بابا و زعمة يسقسيني :shay: :shay: :shay: :shay: :shay: :shay: :shay:
يآآآآا ربي :tears: ما نعرفش واش نقولو :eek:i-o: ياو الحشمة أنآ وحدة ما نقدرش نهدر خلآآآص
و سيغتو بابا مكانش مواضيع من هاد النوع
و نزيدلك حاجة نهار ماما تحكي وتقول لبابا على بنت عمتي راهم خطبوها و رايحة تتزوج ,وقت نكون قاعدة و نهدر و نقصر غير يجبدو هاد السوجي :shay: خلاص حسي ينقطع و نرفد روحي و نبعد والله ما نقدر :blushing: :blushing::blushing::blushing::blushing::blushing:
الله غالب هادي ماشي دبلوماسية و بوليتيك على الأقل عندي ، ممكن نقول لماما إيه ولا لالا بصريح العبارة لكن لبابا مستحييييييييييييييييل:shay:

merci lik
 
الأب هو رجل الدار و الكلمة الأخيرة ترجع ليه و ماكاش ليحب الخير للطفلة كثر من باباها
فيقول لها رأيه في الخاطب
مثلا يقوللها بلي راني شايفوا وليد فاميليا وهي تقولو كيما تشوف بابا بمعنى راني قابلا

وماشي gاع للبنات يعرفوا الراجل قبل ما يتزوجوه

 
لي بغيتو يا بابا هذاك هو
ههههه اه يا لاجودان
واش بيك جايبها ورانا كي انت كي صاحبك
ياو اي طفلة تقولها باسكوا متربية و تحشم من والديها و ديما تخلي كلمة والديها تمشي حتى واذا علابالهم ميش معنى انها تقولوا قابلة هيه ياو صحنت وجه هدي
و كاين اللي تلقاها تقول غير هو اللي نديه ومنعرف واش
هدي والديها ما يرضاوش عليها
مشكور خويا لاجودان
 
اواه بعدة شوي حشمة و زيد قاع و هي صح بغياتو يليق راي باباها اللي يمشي فكرتني بوحدة صحبتي هوما 6 شيرات الله يبارك شابات المهم صحبتي عرفت واحد و راح يخطب فيها ايا كي جا عند باباها راح ليهم و قالهم اللي جابتو تروح تتفاهم معاه
 
ايييه يا بابا هذا هو زواجي وغيرو منيش راضية

هههههه
واش يا لاجودان
مام هذي راهم ولاو يقولوها غير ماتكسرش راسك هههه
 
سلام واش راك يالشاف
ههههه
انت راك داير استطلاع للبنات ،والذكور نسيتهم هههه
المهم انا كي يجو يخطبوني نطيح في الارض ونتخبط ونقلهم زوجوني زوجوني شغل جاني حالي الله يسترهههههه
مارسي الشاف .

 
نقلك علاه هههههههههه
باش نهار تجي تغضب كشما يبندرها ولا يزرقلها عينيها تقول لباباها انت لي مديتني هههههههه
 
يزيٌرو برك
تلقاها ناسجة الخيوط الكل ههه و تقولو الراي رايك باابا
 
من باب الحشمة فقط
وتاني علابالها بلي باباها يعرف لصلاحها كتر منها ومارايحش يرميها لناس مايعرفهمش
بصح هدي قليلة ضروك اغلب البنات يعرفو ازواجهم قبل هي تجيبو كيما نقولو
ههههههه
 
سلام اخي لاجودان شاف الله يبارك عليك مواضيعك روعة الله يبارك كيما الاخ مكانش"سفيان" اديرولنا مواضيع من الواقع ربي يستركم ويخليكم انشاء الله..
ايه ياخويا الاحترام يلعب دور كبير في حياتنا وهادوا هما البنات ولا كيما قلت انت "العرايس تع هاد الوقت"..والاب هو الراجل تع الدار والكلمة الاخيرة دايما ترجع ليه....
المهم خويا ربي يحفظك ويخليك ليناااا....
 
زعما داك تلعبها سيريو مع باباها هههههههههههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top