هذه الخصلة فيا ومانكذبش ههههههههه

souhila_95

:: عضو فعّال ::
إنضم
20 فيفري 2009
المشاركات
2,062
النقاط
77
السلام عليكم ورحمة الله وبركاته
عاشوراء مباركة على كل أعضاء اللمة الكرام وعلى كل الجزائريين والأمة الإسلامية
صراحة ما نحبش المقدمات بزاااااف دونك ندخلو في الموضوع ديروكتومون

نظن بلي كامل تعرفو هذه القصة اللي رايحة نحكيها ورايحين تستنتجو الموضوع من خلاللها
ها شفتو معولة نديركم علميين تعرفو الموضوع راحكم المهم نحكيها باللهجة الجزائرية بما أننا في واش راك تهدر
كاين زوج أعرابيين كانوا يمشوا وظهرتلهم حاجة كحلة من بعيد .يخي الأعرابي الأول قال لصاحبو *إنها معزاة* يخي قالو الآخر لا هذا راه طائر .ولمباعد زاد ظهر مليح هذا الكائن يطير .يخي تأكد الأعرابي الثاني أنها طائر -قال لصاحبو راهي طائر--وهذاك صاحبو ماحبش يعترف يخي قالو : "إنها لمعزاة ولو طارت "

واش فهمتو الموضوع ولا مازال

أيا ماعليش ندخلو في التفاصيل

ياسيدي الموضوع على واحد العقلية مدرجة فينا وراثيا في الصبغيات ألا وهي التمفهيم والمشاحنة

يعني كايني شي ناس لما يكون داخل في نقاش حاد وفي وقت النقاش يعرف نفسو غالط بصح يتم في رأيو باش زعما ما يتبهدلش

:shay::shay: وأنا صراحة هههههه فيا هذي العقلية حتى صحبتي خرجتها من عقلها لما نتشاحن معاها في حاجة نتم فيها مهما يكون حتى نلقا روحي تبهدلت خلاص هههههههه تما الواحد يشد فيمو خير هههه
بصح ميكونش في بالكم بلي صحبتي ديمة تغلبني بالعكس ديمة نغلبها غير في نادر الأحيان:eek:i-o:برك

المهم والمختصر المفيد واش رايكم في هذه العقلية اسكو ديمة تخرجك ولا لا؟

وكما جرت العادة سلام:re_gards:
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
وعليكم السلام ورحمة الله
أهلا بيك أختي سهيلة
يعطيك الصحة على الموضوع، هاذي يسموها خشونية الراس
نظن أنو كامل الجزائريين يتميزو بهاذ الشي، كامل تقريبا راسهم خشين.
وأنا وحدة من بين الجزائريين هاذو، لكن في النقاشات نتمسك برأيي لما يكون عندي دليل وحجة، ولكن لما يتوضح ليا الدليل عكس ما أنا عليه أستسلم وأتراجع عن رأيي.
ربي يحفظك

 

bachboucha

:: عضو مُتميز ::
إنضم
10 أكتوبر 2011
المشاركات
1,056
النقاط
37
انا تاني في يسموها تاغنانت عندنا و يقولو على الباتنية 05 الصفر على لفهامة و 5 على الراس لخشين و مايرجعش اللورا
هي صفة تعيي و فرشة مي مانفهمش كيفاه حتى نلقى روحي نعاند و نبدا نعيط و .......
هههه الي يشوف يقول المعاندة تبان حكيم و حنا ماكان والو الراش خشين هدا ماكان
شكرا لك على الموضوع​
 

hadil2044

:: عضو بارز ::
إنضم
28 جوان 2011
المشاركات
6,052
النقاط
351
اذا كنت غالطة نستعرف ما فيها والو -كل بني آدم خطائون وخير الخطائين التوابون-
زعلاه كي نغلط راح تطيح السماء فوق الارض
زمن ناحيتي هذه العقلية مليحة هههه ومش مليحة كي يعود واجد يجادل فيك على حاجة ما يعرف فيها حتى حاجة وهو حاسب روحو ................
مرسي على الطرح وتقبل مروري
هديل​
 

بلد المليون

:: عضو مُتميز ::
إنضم
9 ماي 2010
المشاركات
1,045
النقاط
37
لالالا احنا تخشان راس نقولوا عليه شاوي اللي يخشن راسوا
ياو كاين بزاف ناس كيما هك
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
ههههههه
ألي مافيهش هذ الخصلة ماهوش جزايري هههههه
قليل ألي يستعرف بلي راهو غالط
مام علابالو بلي راهو غالط بصح مايقدرش يستعرف ههههه
أنا نقصت منها بزاف هههه
يعطيك الصحة
 

═♥.ЈŪšť_ màn.♥═

:: عضو بارز ::
إنضم
3 ماي 2009
المشاركات
5,377
النقاط
317
العمر
27
اممممم..
و الله غير حااااااالة حالتكــ هااااااادي علابالكــ
اناااا شخصيــا ما نحبشــ المنااااقشــة .. التي تؤدي الى المشاحنــة
و شخصيــا .. ا>ا كنتــ غالط .. امممم عاااااادي الاعترااااااااف نورمال ماشي عيبـ
نظن هادي العادة ماشي شابــة .. و في بعض الاحيااااااااااااااان تؤدي الى حوااقب لا يحمد عقبااااه
على كلــ . شكرا لكــ :shay:
 

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
هههههههههه كون تشوفي قلبك يضرك من المبالطة تاعي
 

ملكًة الاحسآس

:: عضو شرفي ::
إنضم
30 ماي 2009
المشاركات
5,835
النقاط
351
محل الإقامة
جيجلية بسطيف
الجنس
أنثى
وعليــكم الســلام
ايه هاد الخصلة عندنــا كامــل وكمــا قلتي انا مرااات نقعد نغانن ، وامبعد كي نكتشف بلي غالطة نبدا نقص فالنقاش ومراات نقول ايا بدلوو علينــا السوجي باش مانديش التبهديلة ههه ، بصــح غالبــا كي نقتنع بالحجة نستعرف نورمــال
يعطيكـ الصحــة على الموضوع

 

sali-sali

:: عضو مُتميز ::
إنضم
28 سبتمبر 2011
المشاركات
862
النقاط
17
انا وقت كنت نقرا نحب النقاشات في المجال العلمي بصح ماشي بالتبلعيط
هههههه كنا كيما حصة الاتجاه المعاكس
 

الظل الطويل

:: عضو فعّال ::
إنضم
12 أوت 2009
المشاركات
2,714
النقاط
157
هذيـ يسموهــا ـالموضوعية في ـالنقاش
و صح ديفوا كــي تولي مع جـماعة باش ميشموكش
تزيد تثبت في راييكـ بصح في ـالــأخير تزيد تحشم روحكـ ـأكثر

و ـأنا نشوف فيهــا مش عيب ـأنكــ تكــون خسرت في نقاشكـ
راح تكــون ربحت معلومـــة جديدة وهذي فائدة ـالنقاش

و ـأذا سنطحت فمــا يزيدو يكــاشولكـ بلي ـأنت مسنطح وغير قابل للنقاش ههههه
بصح متخليش صاحبتكــ تغلبك في كل خطرة ههه\

 

simou11

:: عضو متألق ::
إنضم
16 مارس 2010
المشاركات
4,346
النقاط
191
وش تحبي شاوية منتبدلوش
مي انا اني تحلبت عدت نحسبها bien قبل مانحل فمي
نشوفها من الجوانب كل
و نلم شوية ادلة باه نحكم المتهم كيما يقولو فل la grande
مي حتى كون نظهر غالطة منستعرفش
تجيني صعيبة وحد الزي نقولهم اني غالطة​
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
وش تحبي شاوية منتبدلوش​

مي انا اني تحلبت عدت نحسبها bien قبل مانحل فمي
نشوفها من الجوانب كل
و نلم شوية ادلة باه نحكم المتهم كيما يقولو فل la grande
مي حتى كون نظهر غالطة منستعرفش

تجيني صعيبة وحد الزي نقولهم اني غالطة
هههههه
ايه مانعرف العقلية هذي كاينة في المهرية و لالا ؟؟؟ هههههههه
 

وردة رمال الصحرا

:: عضو مُتميز ::
إنضم
18 فيفري 2009
المشاركات
1,476
النقاط
37
المشاحنة بلا رأي صائب .....حاجة بزاف غالطة
انا زمان كنت هكا.... بس لقيت روحي ندير ف حاجة غلط
ايا حاولت انحيها.... لدرجة انو وصلت كي نكره من الهدرة بزاف ..نقول للشخص لي معايا ...اوكي كيما حبيت ههههه....و انا راني على رايي (طبعا اذا كان صح)
احسن شي الواحد ما يسبقش الأحكام ... يعني لما يناقش ف موضوع يحاول قد ما يقدر يفهم الاطراف الاخرى...و ف الأخير ولا واحد فينا رايو دايما صحيح
بس في مسألة مزالت فيا ...لي هي ...العنــــــــاد هههه
يعطيك الصحة ع الموضوع
 

souhila_95

:: عضو فعّال ::
إنضم
20 فيفري 2009
المشاركات
2,062
النقاط
77
وعليكم السلام ورحمة الله
أهلا بيك أختي سهيلة
أهلا بيك يا وخيتي:sheer:
يعطيك الصحة على الموضوع، هاذي يسموها خشونية الراس
نظن أنو كامل الجزائريين يتميزو بهاذ الشي، كامل تقريبا راسهم خشين.
ويعطيك الصحة على المرور .ايه هذه هي dz هههههه كامل خشينين الراس مصيبة اذا تلاقاو جماعة وكل واحد رأيو ههه تما ارواح نتا وفكها:santa_1:
وأنا وحدة من بين الجزائريين هاذو، لكن في النقاشات نتمسك برأيي لما يكون عندي دليل وحجة، ولكن لما يتوضح ليا الدليل عكس ما أنا عليه أستسلم وأتراجع عن رأيي.
ربي يحفظك
ههههههههه شيء جميل انك تعترفي بالخطا انا لما نعرف روحي غالطة نقلهم ايا بدلو السيجي راه سامط وأحكولي واش تعيشو البارح هههههه:shay:

مرور عطر الموضوع شكرااااااااااااااااااا:shiny:
 

souhila_95

:: عضو فعّال ::
إنضم
20 فيفري 2009
المشاركات
2,062
النقاط
77
انا تاني في يسموها تاغنانت عندنا و يقولو على الباتنية 05 الصفر على لفهامة و 5 على الراس لخشين و مايرجعش اللورا
هي صفة تعيي و فرشة مي مانفهمش كيفاه حتى نلقى روحي نعاند و نبدا نعيط و .......
هههههههههههه هذي مليحة 0 على الفهامة و5 على الراس الخشين نظن هذي باتنة بلاد الشاوية :re_gards:
الحمد لله لي مارانيش وحدي هه:shiny:
هههه الي يشوف يقول المعاندة تبان حكيم و حنا ماكان والو الراش خشين هدا ماكان
معليش في بعض الاحيان مليحة
شكرا لك على الموضوع​
الله محييك على المرور شكرا:sheer:
 
Top