ماذا ستطبخين سيدتي ......الجزء العاشر

[ام أمينة]

صباح الانوار

اليوم درت قرتان شوفلار و عجنت خبز الفرينة

صباح الخير
ام كوثر
بصحتكم الشوفلار و خبز الفرينة
​

 

[ام أمينة]

هدا فطوري

الله الله عليك يا أم كوثر قطورك يشهي
بصحتكم
تحياتي لكي
​

 

[ام أمينة]

السلام عليكم

بصحتكم
وصح غداكم كااااااامل يالغاليات


​

و عليكم السلام
الله يسلمك
و صح غداك انتي ثاني
​

 

[ام أمينة]

ام امينة لكبريائي امنياتي ام فاروق ام نيسو عفوفة ام سيف وشراكم وصح غداكم يالغاليات
​

راني بخير و الحمد لله
صح غداك انتي ثاني
​

 

[ام أمينة]

سلام لبنات واش راكم صح فطوركم
كوثر فطورك يشهى بصحتكم
لبارح عشايا كان دولمة كرمب ومكرونى تشيز لولادى

ام ايمان بصحتكم الظولمة و الماقارون تشهي
​

 

[ام أمينة]

السلام عليكم واش راكم
والله طياباتكم الكل تشهي يعطيكم الصحة يا لبنات
والله تمنيت نشارك باطباقي ولكن معنديش الزهر
يا ابتسام راه ما جاني والو يعني ماقبلتونيش?

و عليكم السلام
الله يسلمك اختي
بالتوفيق ان شاء الله

​

 

[ام أمينة]

الله يبارك عليكم مممممممم رشته تشهي اميرة الساحل
الغرتان والخبز تاني روووعة فريدة
بسومة ممممممممم على الطاجين ريحته عملت حالة
ايمانو دولمة تشهي الله يبارك
هذا غدا اليوم

وهذا غداء تاع البارح

​

بصحتك فوفة غداكم يشهي

​

 

[ام أمينة]

مساء الانوار عليكم اليوم درت للفطور عدس وبوراك بقالي من البارح
اميرة الساحل الرشتة تشهي بصحتكم
فريدة القراتان هايلة ياريت الوصفة
ايمانو الدولمة تشهي والمقرون تاني اممممممم بصحتكم
سلامي للجميع

بصحتك ام ايناس العدس و البوراك
تحياتي لكي
و الله يطلعك على خير ان شاء الله
​

 

[ام أمينة]

السلام عليكم
بصحتكم كامل واش طيبتوا ربي يدومها نعمة ​

و عليكم السلام
الله يسلمك
​

 

[ام أمينة]

اليم وصفة القرتان بقلم صاحبة الوصفة ياسمين

بعد بسم الله السلام عليكم
ليوم جبتلكم وصفة ساهلة ولذيذذذذذذذذذذذذذذذذة جدااااااااااااااا وجربوها وردو عليا جات بنينة بزاااااااااف
التحضير: راس شفلور تغليه او تفوريه مبعد قطريه وعبزيه بفرشيطة + بصلة مسكرفجة+ معدنوس+ ملح + فلفل اكحل + فورماج ابيض مقطع + كاس شابلير وخلطي + 3 الى 4 بيضات مضربين وخلطي الكل
3الى 4 حبات بطاطة قطعيهم مربعات صغيرة واقليهم
لحم مرحي طيبيه كيما البوراك بالبصل والمعدنوس
كريمة الفورماج: لتر حليب+ 3 بيضات + 150غ مايزينة+ ملح+200غ فورماج ابيض حطيها على النار وخلطي حتى تعقد كيما تحضري البيشمال متخليهاش تعقد بزاف
تحضري مول تاع كوشة ادهنيه ديري طبقة بطاطة مقلية ثم طبقة الثانية لحم مرحي ثم طبقة تاع الشوفلور اسويها مليح وغطيها كامل بكريمة الفورماج ورشي عليها جبن مرحي

الله يعطيك الصحة على الوصفة
ان شاء الله نجربها
​

 

[ام أمينة]

الله يسلمكم لبنات
جبتلكم تتقهواو هذا تطبيقي لبينيي تاع حبيبتي ام منصف جاو خفااااااااااااف وبنان روعة

الله الله عليك يا فوفة البينيي جاوك هايلين
بصحتكم
​

 

[ام أمينة]

بصحتكم لبنات مشاء الله عليكم

الله يسلمك حنونة
​

 

[ام أمينة]

مساء الخيرات عليكم
في قمة السعادة نحيت البلاتر والحمد لله عملت الراديو وارتاحت يدي
لكن لازم نبقى مساعدتها على طول
حاسة روحي خفيفة ما تتصوروش شحال
من السبيطار رحت لاختي
عملتلها العشاء غراتان بطاطا ممروسة بالفرماج واللحم المرحي والكورجات والقارص
سلاطة وفلفل
دارنا عملو بركوكس
جيت درك برك جيت نبشركم
الحمد لله الحمد لله الحمد لله
دعوات الخير نجاوني بالخير
​

الحمد لله على سلامتك الاخت عفاف
و يعطيك الصحة على العشاء اللي درتيه لام عمر
و بصحتكم البركوكس
دعواتنا معك
​

 

[ام أمينة]

الله يخليكم لبنات ويعطيكم الصحة
انا العشاء درت بربوشة بدجاج والخضر

بصحتكم
بربوشة بدجاج والخضر
تحياتي
​

 

[ام أمينة]

الحمد الله كي رتاحيتي من يدك عفاف غي حافضي عليها دركة و بصحتكم البركوكس
فوفة بصحتك الطعام
اليوم ولاول مرة جربت باطوط وصفة اختي بسومة
اعطوني رايكم فيه
بصح الصورة خرجت شويا فلوا

بصحتك الباطوط ام كوثر
​

 

[ام أمينة]

مساكم بالخير لبنات بصحتكم واش طيبتوا الكل اطباق تشهي
​

اهلا اختي الله يسلمك و بصحتك انتي ثاني وش طيبتي
​

 

[ام أمينة]

السلام عليكم أخواتي بنات اللمة.أنا ضيفة جديدة يشرفني نكون وحدة من هادي اللمة الحلوة انشاء الله نفيد و نستفيد تحية عطرة لكل أخت و تحية خاصة لأم ندى و لازم ديريلي des cours accélerés في الكوزينة ههه.

اهلا و سهلا و مرحبا بيك بيناتنا
ان شاء الله تستفادي من وصفات ركن المطبخ

​

 

[ام أمينة]

سلام عليكم كامل يا طبخات اللمة ان شاء الله راكم كامل بخير​

تسلمي ابتسام و ام امينة و لكبريائي رواية tasnim55 و فوفة 2011 و ام ايناس على ردود الطيبة لطبق الرشتة ​

ام كوثر كرتان هايل ان شاء الله نجربو و شكرا على اعطاء الوصفة و الخبز جاك يهيل بصحتكم​

ايمان27 و فوفة 2011 اطباق تشهي يعطيكم الصحة و بصحتكم ​

تطبيق رائع اختي فوفة 2011 لبنيي​

فطورنا اليوم كان عدس مع خرشف و سلاطة + مخلع و هو يشبه الملوي و يعمل بحشوة شحم الخروف الممزوج بالتوابل و الحار و ثوم
بصحة الجميع واش تناولو اليوم بالصحة و راحة ​

الله يسلمك حنونة
و بصحتك وش طيبتي
​

 

[ام أمينة]

مساء الخير عليكم يا بنات لقد تغيبت كثيرا عن المنتدى بسبب الدراسة
حبيت نسقسيكم على ام ندى ماهيش تبان

​

اهلا و سهلا اختي
ماعليش ربي معاك و الله ينجحك
ان شاء الله
​

 

[ام أمينة]

يا بنات و سيدات اللمة
ام ندى و maha 16 و مريم حاسي
ما بانوش غير الخير ؟؟؟

ان شاء الله يكونو بخير
​