شفت حوايج بزاف ما يعجبوش.مخي صح حبس مام عيني ما فهموش

souhila_95

:: عضو بارز ::
أحباب اللمة
إنضم
20 فيفري 2009
المشاركات
2,062
نقاط التفاعل
61
النقاط
77
السلام عليكم ورحمة الله وبركاته:shiny:
إنشاء الله كل الأحوال بخير :showoff:
وكلكم çava :sheer:

اليوم كالعادة رحت للمسيد نقرى صباح ربي الحمد لله لا باس بيا:rolleyes: وفجأة نسمع في معمعة عند الباب :schmoll: وأنا بطبعي فضولية رحت نشوف:eek:i-o: نلقى هذاك المدير يبهدل في الحارس المسكين والله حتى حسيت قلبي يرتجف والدمعة رايحة تنزل من عيني:crying: موقف الحارس لايحسد عليه :sadwalk: والسبب أنو المدير طلب من الحارس أنو يغلق الباب قبل الساعة ثمنية بخمس دقايق وهو المسكين خلاها حتى لحقت الثمنية شفوه التلاميذ اللي يسكنو بعيد وتعرفو الشتاء يطول مايطلع النهار:tears: ..واللي شافها من المسيخ الله لا تربحو هذا المدير شايف روحو بزااف:cursing: ...والله العظيم اللي غاظتني أكثر أنو الحارس كبير في العمر واكبر من المدير:angry: ..كان على الاقل يتكلم معاه بيناتهم مي هو حاب يبين شطارتو وبهدلو قدام الكل بهذيك الالفاظ اللي توجع القلب:blink: ......يعني علاه هذي الحقرة فقط على خاطر ماقراش مسكين وحاب يجيب لاولادو الخبزة ويخي هذي خدمة حلال ؟؟ :az_flw:
:sadwalk:
مي في هذيك اللحظات تفكرت أغنية لطفي دوبل كانو اللي يقول فيها : شفت حوايج بزاف ما يعجبوش مخي صح حبس .meme عينيا ما فهموش .telmentيعيفو تمنيت نكون مكفوف:no_1:

وفي ألأخير حبيت نعطيلكم الخط وحرية الرأي والتعبير أنو كل واحد يرد فيكم يحط حاجة حابها تتنح جذريا من المجتمع الجزائري:smoke:
PG48_microphone.jpg

ومسك الختام ألاو هو السلام:re_gards:
 
السلام عليكم
راني تعبان بزاف
لعشية نولي ان شاء الله
 
الناس ماولاتش عندها دم مي نقولك ادا بغينا دولة قانون نطبقو القانون بدون مشاعر المشكل حنا ماناش لاقيين طريقة للتسيير ... ديما نقولها اليابان و كوريا كفاه نجحو ف تسيير الشعب بينما حنا عجزنا ؟؟
 
ههههه فكرتيني في مديرنا لعاقل ياو شفتي القصة نتاعك واققلبيها
احنا العساس اللي ييتحكم فينا تقدري تقولي
العساس هو المدير و المدير هو االعساس
نولي لموضوعك
أكره حاجة عندي هدوا الناس مفهمتش باه زايدين عليهم
ربي سبحانه اللي يرزق عباده على كل حال ربي ييهدي ما خلق
 
هاذا هوالبنآدم غير يشم الهوا شوية يبدا يتفرعن على خلق ربي
هادي عقد فقط..ويفرغو فيها في كل بلاصة
الــgـليـل هو لي يخلص برك لأنو مستحيل كان يعيط على واحد مرفه ولا كاينلو
 
الناس ماولاتش عندها دم مي نقولك ادا بغينا دولة قانون نطبقو القانون بدون مشاعر المشكل حنا ماناش لاقيين طريقة للتسيير ... ديما نقولها اليابان و كوريا كفاه نجحو ف تسيير الشعب بينما حنا عجزنا ؟؟
:sadwalk:والله عندك الحق أختي عن بالي القانون يطبق على الجميع مش القانون يطبق على القليل المسكين ...شكرا على المرور الطيب:re_gards:
 
وعليكم السلام ورحمة الله
أهلا بيك أختي سهيلة
يعطيك الصحة، مثل العادة مواضيعك ماشاء الله
هذا الإنسان مش مربي برأيي، والحقرة هاذي رانا نشوفوها دايما، مانعرف علاه الناس تتكبر على الفقير؟؟
بصح نقولك، تلقاي هذا المدير يجي لي فوق منو يعفسو مثلما عفس هو هذا الحارس وتلقايه ما يفتح فمو حتى بربع كلمة.
كما تدين تُدان.
الله غالب، الزوالي في بلادنا صعب يعيش
ربي يهدي الخلق

 
ههههه فكرتيني في مديرنا لعاقل ياو شفتي القصة نتاعك واققلبيها
ههههههههههههههههه هذه مليحة هذي:eek:_o:
احنا العساس اللي ييتحكم فينا تقدري تقولي
العساس هو المدير و المدير هو االعساس
هههههههه لا أنا معارضة لفكرة التسلط معناها كل واحد يعرف قيمتو وحدو:shiny:
نولي لموضوعك
أكره حاجة عندي هدوا الناس مفهمتش باه زايدين عليهم
ربي سبحانه اللي يرزق عباده على كل حال ربي ييهدي ما خلق
آآآآآآآآآآآآآميييييييييين يا رب العالمين
أشكركي شكرا جزيلا على هذا المرور الطيب:re_gards:
 
هاذا هوالبنآدم غير يشم الهوا شوية يبدا يتفرعن على خلق ربي
هادي عقد فقط..ويفرغو فيها في كل بلاصة
الــgـليـل هو لي يخلص برك لأنو مستحيل كان يعيط على واحد مرفه ولا كاينلو
صحيتي التفرعين على القليل الكسكين ربي يهدي ماخلق أشكركي شكرا جزيلا على هذا المرور الطيب:re_gards:
 
وعليكم السلام ورحمة الله
أهلا بيك أختي سهيلة
أهلا بيك أختي العزيزة البيت بيتك ههه الموضوع موضوعك هههههههه والله ماعرفت كيفاش نسويها مرحبا بيك
يعطيك الصحة، مثل العادة مواضيعك ماشاء الله
والله أنتي اللي ردوك ديمة ماشاء الله
هذا الإنسان مش مربي برأيي، والحقرة هاذي رانا نشوفوها دايما، مانعرف علاه الناس تتكبر على الفقير؟؟
ويبقى السؤال مطروحا ؟
بصح نقولك، تلقاي هذا المدير يجي لي فوق منو يعفسو مثلما عفس هو هذا الحارس وتلقايه ما يفتح فمو حتى بربع كلمة.
كما تدين تُدان.
يعطيك الصحة كما تدين تدان:eek:i-o:
الله غالب، الزوالي في بلادنا صعب يعيش
صعيييييييييييب بزاااااااااااف
ربي يهدي الخلق
آآآآآآآآآآآآآآآآآآمين يارب العالمين:sadwalk:
أشكركي شكرا جزيلا على المرور الطيب + تقييم من اختك :re_gards:
 
أشكركي شكرا جزيلا على المرور الطيب + تقييم من اختك :re_gards:

ربي يحفظك أختي سهيلة وشكرًا على التقييم
وديما ديريلنا مواضيع مليحة نجو نحكو فيها
ربي يوفقك وينجحك في دراستك


 
سلام
كاين مثل يقول :""حقار الرجال يموت ذليل "" والحديث قياس
بارك الله فيك
 
والله غير تحير
نقرو على 8 علاش يقفلو قبل 5 دقايق والله صرات معايا بزاف
الله يهدي
 
وعليكم السلام
ايه واش تحبي هاذا هو حكم القوي على الضعيف
وتاكدي بلي حتى هذا المدير راه محقور من كاش جهة وجا يخرج زعافوا ويوري شطارتو على الحارس مسكين
ربي يهدينا
مرسيع السوجي​
 
والله حتى المدير نتاعنا يدير كيما هك والله يشفوني واش ذنبهم مساكن وربي وصانا على حسن التعامل زعم المدير يحسب في روحو. راو هذاك العساس مظرف أحسن منو يحسب المال اللي يدوم يدوم غير العمل الصالح ربي يهدي الخلق ويلين قلوبهم آمييييييين.وشكرا وألف شكر على المضوع الشائع بوركت
 
وعليكم السلام ختي
انا برايي هدا الراجل ماش مربي مام يكون سغير عليه يقادرو يواين يكون كبير والله غير عيب
هدي هي بلادنا غير الحقرة
ربي يهدي من خلق
مرسي سهيلة
 
يا سهيلة هذي هي الدنيا
كل واحد يعفس على لي تحتو
المدير يبخص العساس خاطر مشو قاري و معندوش ني الصوارد ني لكتاف
و المفتش يرخس المدير
و هكذا دواليك حتى توصل للرئيس لي ميترخسش
انا ضد الحقرة الف بالمية
عندك الصوارك ربي يزيدك مي مش تجي تتكبر على خلق الله خاطر اقل منك مرتبة
كان جيت انا اني درت حالة للمدير نقولو كيفاه يقفل الباب على غير 5 انا نسكن بعيد (حتى كون ماجيتش نسكن بعيد نكذب عليه ) و مايكفينيش الحال
و ايلا حابني نجي بكري جيبلي شيفور يوصلني كل صباح ^^
 
سلام
كاين مثل يقول :""حقار الرجال يموت ذليل "" والحديث قياس
بارك الله فيك
مثل رائع جدا ....يعطيك الصحة على تدعيم الموضوع:shiny:
 
والله غير تحير
نقرو على 8 علاش يقفلو قبل 5 دقايق والله صرات معايا بزاف
الله يهدي
ايه والله غير هبلونا زعما التزام والنظام حنا عندنا بنت المدير تجي 8و5 دقايق حتى حد يديرونجيها ..عيش تشوف وجوه الزمان ..الله يهدي شكرا:re_gards:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top