السندويش

[رآج ـية العفو]

السلآم عليكم ورحمة الله

جبت ليكم وصفة يمكن كآين نآس اللي أول مرة يتعرفو عليهآ
ولكن هنآ عندنآ الكل يعرفهآ وحتى أنهآ تبآع وبطلب من الغآليآت
حبيبآتي جيت نحطلكم الوصفة

لم أصور التفآصيل لانهآ ليست بصعبة ولآ تحتآج لصور مشروحة

المهم نخليكم مع الطريقة

السندويش

المقـآدير:

دوٍآرة
ثوم مرحي
ملح وفلفل أسود
كمون
راس الحآنوت
قليل زيت
زعفرآن
قصبر , معدنوس
معجون طمآطم
مآء

طريقة التحضير:

تطهى الدوآرة في طنجرة الظغط في مآء مملح
ثم تطحن وفي طنجرة نضعهآ مع قليل من الزيت وتقلى جيدآ
مع التقليب المستمر وفي وعآء آخر نضع قليل مآء مع زعفرآن
وطمآطم معلبة وملح وفلفل أسود وكمون ورآس الحآنوت
نخلطهم مع بعض ونضيهم على الدوآرة بعد مآ تتقلى جيدآ
ونضيف قصبر ومعدنوس مقطعين قطع صغيرة
ونخلط الكل مع بعض ونتركهآ على نآر هآدئة مع التحريك
ونطفئ عليهآ وتقدم
لآ نتركهآ على النآر حتتى تنشف



أي استفسآر أنآ حآضرة ​

 

[ibtesem]

اه اول مرة نسمع بيها :scared:
شكرا على الوصفة :sheer:
كي قلتي سندويتش حرت قلت مالها اسومة الصورة تختلف على الاسم هههههههههه
سندويتش عندي هو الكسكروط هههههههه:shay:
بصحتكم كي تتوفر عندي الدوارة نجربها

 

[كوثر الوهرانية]

السوندويتش هو العصبان عندنا مع اضافة اروز يتباع في المحلات و يجي امممممممم
الف شكر اسومة على الوصفة بارك الله فيك يا الساجية

 

[Djazaire-El-Ghalia]

يعطيك الصحّة أسّومة ممممم شهيّةتبان

 

[ŚσÚмĨÁ.Ďz]

يشهي مشكورة على الوصفة
اول مرة نسمع بيها
​

 

[karima tati]

يعطيك الصحة ، ختي المرة اللولة لي نسمع بيها

 

[fati mosta]

اختي الثوم نقلوه مع الدوارة

 

[merieme hassi]

اول مرة نسمع بيه
بالصحة و الهنا يا الحبيبة

 

[rima29]

يعطيك الصحة اسوووووووووومة​

 

[bachboucha]

اول مرة نسمع بيه يعطيك الصحة
السندويش عندنا خبز محشي لداخل
تقبلي مروري​

 

[imane27]

بارك الله فيك اسومة على الوصفة صراحة اول مرة نسمع بيها

 

[oumsif]

اول مرة نسمع بيها يعطيك الصحة​

 

[نور الهدايات]

أنا تاني اول مرة نسمع بيها مي مدامها من تحت يدين العزيزة راجية العفو اكيد رات تكون بنينة يعطيك الصحة

 

[ام منصف]

هايلة يا اسومة
يعطيك الصحة
ان شاء الله نجربها

 

[أم نيفين]

شكرا ليك اسومة على الوصفة ... انا اول مرة نسمع بيها

 

[bachira 2]

الله يبارك اختي تبان تشهي

 

[حكيك]

قلتلي عليها بنتي بصاح مستلفتلهاش شكرا اسماء على الوصفة

 

[ندى الورود]

يعطيك الصحة غاليتي راجية طبق جديد عليا واول مرة نسمع بيه
المرة الاولى كي شفت العنوان حسبتو السندوتش العادي
بصح كي دخلت لقيت شي وحد آخر

​