نشوفلك عروسة

[kazawa]

قاع باغيين عروسة ....زينة و بقوسة مارسي

 

[nawal 88]

خليه يحوس على عروستو وحدو هاكا يلا مل منها يقول هذا اختياري أنا وماشي اختيار أختي.​

​

غرية رجالة هاد الزمان، يحوسو على الزين ونساو الدين، سبحان الله.​

ايه يجيب لي بغاها ولا هاو قاعد بلاه​

شكرا أختي​

 

[nawal 88]

هههههههههههه موضوع شباب كيما هذا وانا روطار:cra_zy:

مي خوك راه شارط بزاف في بنت الناس :shiny: ربي يوفقو ويصيب ع قد نيتو ياسيدي
علابالك حنا من جوايهنا واحد قاللهم جيبوهالي عقونة يعني ماتهدرش كي سقساوه علاه قاللهم بلي انا بهدرتي النطق الجبل كيفاه وهي مرتي :scared:هههههههههه وصح راه مازال يحوس عليها هاذي
مي فريمو يهدر بزاف يخلي لي ماشي ناوي يهدر يهدر سيف عليه

سلامي حنونتي نوال طلب برك تقدري تقولينا الشخشوخة كيفاه اطيبوها انتوما راني نسمع ايقولو بنينة حبيت نسييها :shay:

وفي الاخير سلامي واحترامي
:re_gards:

خلي عليهم يهدرو ياك الهدرة باطل هههههه
وفي لاخر جيه غير لي مكتوبو
مرسي حنونة​

 

[nawal 88]

علابالك اختي لازم نجيبولو شحال من طفلة كل وحدة فيها صفة ههههههه ونخلطوهم مع بعضاهم هههههههههههه
وهكا يدي واش يبغي
مشكورة على الموضوع الشيق

تبالي هكا برك
مرررررررررسي​

 

[nawal 88]

:schmoll:​

:shiny:​

 

[nawal 88]

وعليكم السلام

ههه خوك راه يتمنى
قولو متحلمش بزاف تزيد تطيح في كاش مخلوقة ماش كيما تمنيتيها
الله يرزقو ببنت لحلال
الشعب الجزايري لام يشرط ههه
تحياتي​

نهار يطيح في واحد ماشي كيما لي راه يحلم بيها هذاك وين تولي تبالو هي أجمل وحدة فيهم ههههه
امين اختي
شكرا للمرور​

 

[nawal 88]

انا الصراحة منحبش ندخل روحي فهادو الامور الله يسهل عليهم واش خيرو خاطر والله الواحد يخاف من لا قدر الله ميتفاهموش يقلك جرتك اختيارك لعوج والوووووووووووووووو

يعطيك الصحة على الموضوع​

خلي عليه أنا نشيطو ونضحك عليه شوية وهو يدبر راسو هههه
شكرا للمرور​

 

[nawal 88]

قاع باغيين عروسة ....زينة و بقوسة مارسي

أمين ان شاء الله تلقاو و كل واحد يمدرو ربي واش باغي
شكرا أخي​

 

[mahwossat crochet]

والله غير ضحكتيني على الصباح نحب نقول ان الزواج السعيد هو الهنى فالعقل و كي تكون الصحة والله يبارك في الزواج كي يكون المهر بسيط ماشي تشرط عليه جيب هذا و هاذا وهذا اي حبيت نقول المراة ماتشرط على ملك معاه قصر و راجل ما يتشرط على فازة معاها الورد يجي النهار وين تتكسر ايه كيما يقولو ناس زمان سعد الجايحة في السماء وسعد الحادقة في الحمى.روحو و نولو ونقولو كلشي مكتوب من عند الله

 

[NIZAR.DZ]

ههههههههههههههههههههههه
موضوووع رووووووعة
مي علابالك لما يكون يحب فتاة معينة ثم ينسى المواصفات تاعها
بصح البروبلام في اللي ماعندوش طفلة يحبها ثم المشكل
وأنشاء الله تكوني فهمتي قصدي
++++++++++++++
​

 

[FATIMA 19]

لازم زينة وقراية وخدامة ومترسمة وفحلة وطويلة وبيضاء وااااااااااااع
منين نجيبو هاذ المواصفات
مرسي اختي موضوع هايل

 

[kariim]

هههههههههههههههههههه
يا حصراه واش راه صاري في شباب وبنات الله يلطف
مازال ياناس راكم شدين في حكاية زينة ولا شينة
الحمد لله مكانش لي راه كامل لان الكمال لـ الله وحده سبحان تعالى
ولا كان بنت ولا شاب عنده ديفو لوكان جات جميع الناس تشوف على الزين والله لوكان حتى الن مافرات ابدا
اللهم اهدنا واجعلنا من عبادك الصالحين يارب
شكرا لك اختي الفاضلة على طرحك الموضوع المميز

* أحسن شيء بنت الحلال و بنت الاصل يا ناس *
* او الرجل يكون ولد حلال وابن الاصل *
​

 

[أمازيغي]

واش اللي خلاّ معدل سن الزواج في الجزائر يقفز من 15 سنة إلى 30 سنة غير التشراط...مرّة واحد جا من الغربة راح للدوّار وقال ليماه اللي ربّاتو (مربياتو) نحوس واحدة من عندكم باهية وحافظة السّتّين....قاتلوا هاذي في الجنة ما تلقاهاش.
راهو اللي يشرط بزّاف يطيح على راسو....يشوف واحدة مدّينة في قلبها ويهنّي روحو.
​

 

[حالمة بالجنة]

السلام عليكم
حنا عندنا خالي مشيبنا ومشيبينو هههه
باغيها سلفية وتدير نقاب و ستار وو.....
قتلو نروح نقارعلهم عند كلية الشريعة ونهني راسي ..ولا نجيبولك وحدة من السعودية
ربي يرزق شبابنا إن شاااء الله بلي يتمناوهم وببنات الحلال
وشووووكرن على الموضوع الهااايل
ربي يهنيييك ويرزقك =)
​

 

[ضو العش]

ههههههههههههههه
انا نحبو اسمر طويل مي مشي ياسر واعر نقولو صباح الخير يديني كف هكا رجلة ولا خلي اااا مشي واعر كان في حتى لبرا رجلة لداخر وبرة

 

[دعاء19]

لي كيتشرط كيجيبها مكفسة ههههههههههههههههههههههههههههه بالي من شروط خوك من احسن ياخد ثلاجة هي لي فيها هاد موصفات زائد خدامة ههههههههههههههههههههه
مبقاتش في الزين وطولة وووووووووو لكلا الطرفين كاين شروط اهم وهي واش بنت الناس ولا ولد الناس وافعالهم وسولوكهم اما المظهر خداع

 

[*ليديا*]

السلام عليكم ورحمة الله وبركاته
نوال اختي شفتي وكان ما تقوليش ليه نشوفلك عروسة خير
كي تقوليلو راسك يحبس ههههههههههه
والله كامل هاك
يعطيك الصحة على الموضوع
ايا شدي حيلك رانا نستو العرضة للعرس ان شاء الله
ربي يخليك
​

 

[iman la brune]

ههههههههه

هايلة هاذي

نصيحة قوليلو بركا من التشراط راك طيح في الاسوا

راني شفت اللي شرطو فاه طاحو

​