خلعتني.....هذا وقت قبيح

اعيش راضية

:: عضو مُشارك ::
إنضم
6 ديسمبر 2011
المشاركات
311
نقاط التفاعل
3
النقاط
7
السلام عليكم ورحمة الله وبركاته
واش راكم يا اعضاء اللمة الاعزة
ليوم جيت نحكيلكم على واحد البنت خلعتني بزاف هدي قبالة الليسي و كانت 4 و باباها جاي يديها يا سيدي باللوطو يسنا فيها هي الله يهديها ما كانتش تقرا كانت في بلاصة اخرى جات كي شافت باباه تخبات و انا راني نشوف و خايفة في بلاصتها الا يحكمها امالا لبست تابليي سقمت روحها و راحت قاتلاه باب انا نخرج حتى 6 غير روح باباها مغلوب على امره راح على نيته و هي عيطت لواحد جا داها
انا نخلعت و حرت و بقيت غير نشوف قلت في نفسي واش هذا الجراة تاع الكدب و واش هذا القباحة اللي وصلنالها
من فوق هاد الشي ما نزيدكمش اتهلا في رواحكم
سلام
 
وعليكم السلام ورحمة الله
الله المستعان
والله جيل يخوف أختي ربي يسترنا ويعافينا ..

 
ياختي والرقابة والمدير وين راهم ؟
ربي يستر علينا
 
السلام عليكم ختي
يا لطيييييف واش هاذ الطفلة ؟
عندها الجرأة لهاذ الدرجة
سبحان الله العظيم و ربي يلطف بينا
و شوفي لباباها لي راقد على وذنيه
علاه ما يتولهش لبنتو وين رايحة
و شكون لي يخرج على 6
مي هي ثاني عرفت كيفاه تكذب
ربي يهديها ولا يديها
يعني واحد الجيل ربي يسترنا
مارسي ختي ع الموضوع
سلاااام
 
واش يستفادوا كي يديروا هكدا
فترةى مراهقة و تحب فيها مي ماشي هكدا
 
ta3 sah labnat ta3 darwak mabkawsh yahashmou.yrisquiw b charafhoum ou ysrat rabi 3lihoum wèsh ngoulou rabi yahdina ou yahfadna ou yostor bnatna u rwatatna
 
عيش تشوف
انا ماوليتش نحير لاخاطر ديما نشوف ووالفت نشوف ومازلت نشوف ...
 
لبنات اليوم ولاو يديرو كلش رانا عارغين بالي القرمود كامل مشخ المهم ماتكونش مكسرة
 
انا جات ليا مرة استادة ثانوية متزوجة قالتلي تحب تلعب في لا بيست ولا غازو انا قلتلها الغازو انا مافهمتش نية بصح صاحبي الي كان معايا قلي راهي تقلك تحب وحدة عدراء او مكسرة ثمة عرفت بالي انا ما نعرف والو
 
ربي يهدي ما خلق البنات ما ولاوش بنات
والاهل ثاني عندهم دور وهاد الشيئ كامل يرجعلهم هوما لخاطر لوكان جاو حاكمين فيها ما ديرش هكدا
ميرسي على الموضوع
 
ربيــ يهديــ o_O
هذيـ مشيـ عبد !
و باباها كيـ الاطرشـ فيـ الزفة !
ميـ والله المشكلـ مشـ فيها بركـ فيـ دارها ليـ ميعرفوشـ حتى وقتاهـ تخرجـ بنتهمـ
و فيـ الادارة تاعـ الليسيـ ليـ مخلينـ الدعوة سايبة
 
الحق سلاحي، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
ماهيش غير هادي
الشعب كامل متمرغ في الفساد القلة القليلة اللي تسلك من هاد المجتمع

 
في هدي الفترة راهي غافلة ومبعد تندم المهيم ياختي انتي واحد مايغرك ليحب ايجي لدار ماشي يزنق بها برا حتى يشبع منها ومبعد يخليها اويرميها
 
,,,
ياااا الاهي
واااشــ هادا
حاااااااوزتــ باباهاااا و جااا داااااااها حنونـــهاا
ياخو
بنااااااتــ اخر زماااااااان
..
 
لا حول ولا قوة الا بالله
اكاد اقسم على الزواج كل ما ارى هذا الشيء او اسمع عنه
 
الله يهديها الى الطريق الصواب
شكرا

 
عيش تشوووووووووووووف
 
عيش تشووف
ولله يعني حتى باباها وين راحلو لعقل
كاين واحد يخرج على 6
مي نقولك اختي انا عدت مانتاثرش باي حاجة نشوفها
والفت ومازلت نوالف وانت تاني نورمالمو توالفي
مرسي على الموضوع الباهي
 
اشكر كل من نور الموضوع يمروره و لو انو الموضوع ماهوش كامل منور لانو يطرح قصة انا شوكيتلها بزاف
كيما قلتوا كاملين الله يهدي من خلق
و كيما قلتو كلشي على التربية و الوالدين البنت و لا الولد ما يحتاجش ينحكم بزاف لا بصاح يحتاج يفهم الدنيا عن طريق والديه كيما هي غلطت اي بنت كانت قادرة تغلط و هاديك الطريق راحولها و راهم يروحولها بزاف ربي تنجينا يا رب و تفتح عينينا مليح في هذا الوقت المظلام
مشكورين مجددا على مروركم الطيب
 
عيش تشوف .... الطفلة تبحث عن الحرية فالخارج مرحلة مراهقة نتمناو ماتنضرش فيها و والديها يكونو حرصين كثر​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top