كارثةنتائج الفصل الاول دراسي تا ع اولادنا

[hadjer 1996]

الحق على الأولياء راهم ما يحرصوش على أولادهم

 

[SirineUSA]

نورمال وين راح المشكل ياك يتفرجو لميس
اي تنجحهم راهي رجعت آرتيست
باااي
​

 

[الجندية]

بآرك اله فيك على الكرح
صحيح الفصل الاول كان كارثة بالنسبة لأغلب المستويات
خاصة الثانوي يآآخلاااااه ... السقوط الحــر كيما هو
إيماجيني قسم فيه 40 تلميذ 5 برك جابو المعدل والمخير فيهم 10.36
؟؟؟؟؟
حاجة بيزار ماشي نورمال .... ​

 

[الجندية]

الحق على الأولياء راهم ما يحرصوش على أولادهم

راكي غالطة اختي
الاولياء بالعكس هوما اللي يضلو مورا ولادهم على القاريه لكن المشكل فينا
كاين مزال اللي ماراهش مقتنع بلي قرايته هي اللي تسلكه عاطيينها للعب والزعاقة راكي تعرفي ليجان سيرتو في الليسيات أوليو يبنو حياتهم قاعدين يهدمو فيها وراكي تعرفي واش راه صآري وزيد وزيد
بلامانحكيو على التكنولوجيا اللي عماتنا ضربة وحده :santa_1:​

 

[OUM MINNA]

شكرا اختي على الموضوع والله انا ما عنديش هذا المشكل الحمدالله ابنتي من المتفوقين لاني واقف معها ليل مع النهار . وانا ارى ان السبب الاول هم الولدين ميقفوش مع اولادهم لان المسؤلية متقعش على المعلم وحدو لازم يكون تعاون بين الولدين والمعلمين بش ينجح التلميذ لان لازم تكون راقابة على المعلم باش ادي الواجبه . والله من تجربتي الخاصة ان يجب المراقبة يومية من الولدين والمراجعة لكل الدروس وتطبيق لكل الوجبات . انا حتى العطلة نستغلها في اكتساب شئ جديد مثلا ابنتي في السنة الثانية والعام الجاي تبدا الفرنسية راني نعلم فيها الفرنسية . ونراجع معاها الثلاثي الاول كل .بتوفيق لكل ابنائنا فهم امانة يحسبنا الله عليها يوم القيامة .

 

[˜•ȘħåŨŋä βřįťŤ•˜]

راي من رايك اختي​

راني معاكم

 

[بيّاع الورد]

عجبتني اللي قالت لميس هي السبه ههه

صح راني معاك في هاد الشي بصصح لميس غير للبنات و الاولاد شاهو ديفوهم ؟ لي ماتش يمكن ؟

احنا في قسمنا الـ 3 ثانوي

فيها 11 فوق المعدل و 11 تحت المعدل و المسستوى تراجع بزززززززززززافً

انا مع اللي فوق المعدل
2 ولاد و 9 بنات جابو المعدل و 11 الباقيه فيها 7 ولاد 4 بنات تحت المعدل ><

شو هو حل المعادلة هاذي ؟

ربي يهدينا

 

[sabrina17]

والله سيvري عندك الحق

والفوت ماشي في الاستااذ برك والله لافوت في التلميذ ما يحبش يقرى واااش يعملو الاستااذ يقريه سيف ولا كيفاااش

المهم ربي يجيب الخير

وعلابليك مام حنا فيالليسي طحنا بزاااف وهذا راااجع لاسبااب كتييرة منا التليفزيوون الانترنيت البورتاابل هادو هوما الي يضيعو الوقت
المهم
وبالتوفيق للجميع

سلام​

 

[mishou44]

المشكل وينهوا ان العدوة انتقلت الى الثانوية
فحنا ف قسمنا فقط 9لي عندهم معدل واليسي كامل هكاك
يعني ربحنا على ربي

 

[زهرة الجنوب9]

شكرا اختي على الموضوع والله انا ما عنديش هذا المشكل الحمدالله ابنتي من المتفوقين لاني واقف معها ليل مع النهار . وانا ارى ان السبب الاول هم الولدين ميقفوش مع اولادهم لان المسؤلية متقعش على المعلم وحدو لازم يكون تعاون بين الولدين والمعلمين بش ينجح التلميذ لان لازم تكون راقابة على المعلم باش ادي الواجبه . والله من تجربتي الخاصة ان يجب المراقبة يومية من الولدين والمراجعة لكل الدروس وتطبيق لكل الوجبات . انا حتى العطلة نستغلها في اكتساب شئ جديد مثلا ابنتي في السنة الثانية والعام الجاي تبدا الفرنسية راني نعلم فيها الفرنسية . ونراجع معاها الثلاثي الاول كل .بتوفيق لكل ابنائنا فهم امانة يحسبنا الله عليها يوم القيامة .

وانا واقفة مع بنتي غير كي تجي واش قريت يلا كشما عندك تمرين دائما نتبعها خطوة بخطوة بصح كانت تجيب17 بصح مرة هذي جابت 13 كي رحت نسقسي لقيت في قسمها غير 6 لجابو المعدل:scared::scared: واش سبب ماعلابليش

 

[EL General]

يا و الله انا تاني حرت فيها الظاهرة هادي

ديفوا نقول يمكن مايجوش للقسم خلاص هادو

يمكن ماقراوش العام

8 ؟

هههههههههههه

شكراااا
​

 

[اميرة01]

المسؤولية تقع على الوزارة هي لي تاخذ برامج ما تتناسبش مع الاطفال وتحطهملهم ..........الطفل واش يفهم للتكنولوجيا ووو مكثرين عليهم بزااااااااااااااف

 

[ssamia14]

واو

السلام عليكم كي دايرين خوتي غايا ان شاء الله تكونو لاباس المهم عجبني بزاف هاد الموضوع المهم انا تبانلي كل شي من الاولياء كن جا الاب والام متبعين ولده وقتاه يدخل لدار وقتاه يجبد قشه ويريفيزي وقتاه يلعب وقتاه يتفرج والله العديم غي يقرا ولاباس بيه ماتاقولي لا وسائل التكنولوجيا لا نت ولا موبايل لا امبي 4 وولا ايفون ولا ايبود ولا ماعالاباليش بويسك علاه تلقا واحد عنده قاع هاد الصوالح ويقرا ولاباس بيه ماراهش ناسي قرايته دونك كل شي من الدار الاولياء هوما لي يسقمو ولدهم ولا يعوجوه سمحلي تلقاه ماهش قاع جايب خبر ولده قاع شا راه يدير ممبعد يقولك لي بروف ما قراوهش وكدا وكدا وزيد تان سمحلي التعليم عندنا ولاو وااالو والله قراف كما قالك عام كام يلعب داي 8 معدل ممبعد يطلعوه غاتغاباج خصهم غي يمدولهم لي سوجي يقولهم خدموه في الدار وجيبوه دعوة الشر

 

[AWDIESL]

هي المستوى لوكان نقارنوه مع العوام لي فاتو نلقاو بلي راهو يولي للوراء بمعدل اضعاف مضاعفة

- التلاميد مايهتموش بالدروس تاعهم
- الاكثرية يجو للمدارس و اخر همهم الدراسة
- رجعو يشوفو فالمرسة المتنفس الوحيد لهواياتهم ( التدخين .... الاستماع الى الاغاني .....لقاء الاصدقاء .....و لقاء الطرف الثاني ان صح القول ......الخ) هاد الشي قاع و هوما مازالو مراهقين
- كارثة مادام رجع اسحن معدل فالقسم 12 و ادا بزاف 14
- و كاين استثناءات لبعض الاساتدة لي بالاك مالحقوش المعلومة للتلميد و يجو يقرو باش يقرو و خلاص
مي هدا مايمنعش انو التلميد لي حب يقرا مايعتمدش على الاستاد في كلش
امالا انا نشوفها خطأ فالتلميد بالدرجة الاولى
لانو رجع كاين مسافة كبيرة بينو و بين القراية

هادا قاع يخلينا نتحصلو على نتائج كارثية
وماشي غريبة
لان اسباب تدني المستوى الدراسي لا تعد ولا تحصى

مشكورة
​

 

[ام سيرا]

ربي يستر ملي جايا
والله المشكل الاسباب فيها متعددة
على خاطر راحة النيا مبلادنا
واحد مراهو يخدم في خدمتو
من جهة البرنامج كيما قلتي شارجي
ومن جهة المعلمين ربي يسامحهم معلابالهم في والو
المهم يكمل البرنامج ولفهم فهم ولي مافهمش يقلو افهم فالدار
اروح الطفل للدار تقلو امو
كعدت انا لنقريك وعلاه بعثتك للمدرسة
وهذ هي رايحة
والتلميذ لاقيها سايبة
والكل يشوفو لنتائج فالاخير
كيفاش النتيجة تجي وحدها
مستحيل

 

[ssamia14]

مانكدبش عليهم انا باه تقولولي البروقرام شارجي ماهوش سبب لي يخليك ماتديش قاع هي صح شارجي بزاف مام انا راني نقرا بصح لياه واحد يدي 17 لاموايان ولاخر يدي 8 ادا قتلي ظروفهم مش كيف كيف على الاقل يدي 13 ولا 14 مش قاع 8 السبة اللولة هي الدار ادا كانو دارهم مزيرينه ماغاديش يضيع بويسك لي لاف والله مزاله صغير ماهش عارف صلاحه سيرتو سيام وبريمار معناها لازم يزير لازم

 

[صفاء البشرى]

كل شئ من الوزارة وذنب معلمي الابتدائي خاصة و خير دليل على ذلك اختي الصغيرة التي عانت مدة 5 سنوات في مدرسة كثر فيها ما يسمى بال piston و في الشهادة اخذت معدل 7.10 اما الان فالحمد لله تاخذ ما اجتهدت عليه و قد اخذت معدلا مشرفا قدر ب15.30 كبداية موفقة و اتمنى لها النجاح دوما....كنصيحة للاولياء متابعة دراسة ابنائهم في البيت قبل ان يفوت الاوان على ذلك..

 

[آية92]

حنا 14 برك اللي جابوا المعدل والاقسام الاخرى اقل منا العام هادا كاش ما فيه هههه

 

[النورس]

ياو خلي البير بغطاه
نحكيلك خاوتي وش جابو
تروحي تندبي بالقرداش
​

 

[زهرة الجنوب9]

مانكدبش عليهم انا باه تقولولي البروقرام شارجي ماهوش سبب لي يخليك ماتديش قاع هي صح شارجي بزاف مام انا راني نقرا بصح لياه واحد يدي 17 لاموايان ولاخر يدي 8 ادا قتلي ظروفهم مش كيف كيف على الاقل يدي 13 ولا 14 مش قاع 8 السبة اللولة هي الدار ادا كانو دارهم مزيرينه ماغاديش يضيع بويسك لي لاف والله مزاله صغير ماهش عارف صلاحه سيرتو سيام وبريمار معناها لازم يزير لازم

اسميحلي اختي بروجرام تاع السنة الاولى ابتدائي تاع واحد تلميذ يعرف الحروف كامل ويعرف يقرا الكلمة حدو المعلم باش يبدالو في بروجرام صح بصح كل تلميذ والمقدرة نتاعو