الله غالب تنارفيني ....الشعب الجزائري كلو هكداك

اول شي السلام عليكم و رحمة الله تعالى و بركاته
انا الشي اللي ينارفيني هو حنا الشباب كون يروح يخدم بلادوا و يحاول يطورها مشي خير ليه
و وعلاش نقيسوا الاوساخ في كل مكان ما تقدرش ترميها في السلة و اذا مكانش حطها في الجيب و ارميها في داركم في la poubele
اما عن الريبة وجماعتها حنا سبتها كل واحد يمشي بيها و خاصة المعرفة اه مشعال كرعت شي اسموا معرفة
و حنا مش كون نوضوا و نخدموا بلادنا و نحاولوش نخسروها اللا حنا نزيدوا عليها حتى الجزيرة راهي حبا تشعلها بيناتنا >>تطلع السما و تهبط و انشاء الله ما تقدرش
و اللي تنارفي هي البطالة اللي قوات الله يبارك بلادنا مشعال تفكر جابت ناس من الهيه يخدمولها بلادها و خلات ولادها راني نشوف japanاحتلتنا بطريقة غير مباشرة و b1 sureيجيبوا من الهيه وعلاش حنا نخدموامن القلب نخدموا بصدق
العيب راه فينا حنا كون نسقموا رواحنا مشي خير
و اما عن الفساد الشباب دركا رجعوا ني حشمة ني زدمة و هذا راجع للوالدين كون رباو ولادهم و قراوهم
و الحكومة نتاعنا اللي راهي تاكل فينا قالك الدستور ينص على ان يكون لكل فرد او عائلة جزائرية عمل و بيت راني نشوف العكس

ربي يهدي واش خلق و اتمنى من صميم قلبي ان تتسقم بلادنا
 
واله يااختي العزيزة راقي تطرقتي
لمجموعة من النقاط لتنرفزنا قع
ماشي غير انتي
بصح مليح اني فرغتي قلبك ومخليتيهاش الداخل
وقيلة ندير فوطو كوبي على كلامك باه نفرغ قلبي انا تاني هههههه
تقبلي مروري
 
يعطيك الصحة على هذي الاطلالة الطيبة أخ عبدو:re_gards:
,,
امممممممم
الاطااااااااالــة الطيبــة
يااا ماما على التعبير
اووووووووكـــ
لا شكر على واااااااااجب حبوووووووووبـــة
تحيااتي
 
رد

السلام عليكم اختي عندك الحق في كامل واش قلتي :angry: هاد الحاجات تزعف ميرسي على الموضوع و انشاء اللله تكوني فرغتي قلبك:shay:
 
يا أخت سهيلة و اش نقول و اش نخلي صدقيني
هذا موضوع جديد وغير منقول و راني حاس بلي كتبتيه من أعماق قلبك
والله الأمور التي كتبت عنها تنرفزنا جميعا و تغيضنا و لكن أحيانا لا يكون باليد حيلة
لك مني تحية ثانية إذا كنت من مواليد 1995 و تفكري بهاذ الطريقة
ما شاء الله
أنتم الجيل الجديد فيكم بزاف صفات تحسدون عليها
يحياو ولاد بلادي و يحياو بنات بلادي
 
Rabi y3tik matmnay alhbiba klem shih baradtili galbi ma3andi ma nzid 3la klemek testahli tkyiim +++
 
Rabi ykoun m3a echabab kamel
 
مشكورة حبيبتي على الموضوع
راكي معمرة بزااااااااااااااف هههههههه و انا نشاطرك في كل كلمة و هذا الدنيا فيها بزااااااااف المشاكل
الحمد لله
 
شكرا على الموضوع المميز
لوكان الناس الكل تخمم كيم انت
شكرا
 
ماغسي اختي عالموضوع الباهي وكيما قلتي الجزائر
فيها غير التنرفيز
شكرا لكي على الرد الباهي:sheer:
ههههههه وصراحة انا اكثر حاجة تنرفزني اني نكتب
موضوع وحتى واحد مايرد والمشاهدات نلقاها
ف1000يعطيك الصحا اختي
مام أنا والله غير تغيضني بزاااااااف سيرتو اذا طولت وأنا نكتب فيه:sad::sad:
شكرا لكي أختي شيماء على مرور كريم يعطيك الصحة:re_gards:
 


شــــــــــكرا ختيتو على المووضوع
العفو أختي صبرينة:sheer:
شاااب بزاااف
وردك هايل بزاااااااف:shiny:
وتاني وااش اديري هادي هيا الدزاااير
صح عندك الحق:rolleyes:
المهم سلام
شكرا نورتي بوجودك :re_gards:
 
اول شي السلام عليكم و رحمة الله تعالى و بركاته
وعليكم السلام ورحمة الله وبركاته
انا الشي اللي ينارفيني هو حنا الشباب كون يروح يخدم بلادوا و يحاول يطورها مشي خير ليه
و وعلاش نقيسوا الاوساخ في كل مكان ما تقدرش ترميها في السلة و اذا مكانش حطها في الجيب و ارميها في داركم في la poubele
ايه عندك الحق لوكان جا كل واحد مثل مايحب دارو نظيفة يحب الشارع نتاعو هكذاك ..بصح واش ديري لوكان تقولي كلمة ماتسلكيش يقلك هذي ماشي خدمتي خدمة الدولة ..غير البارح كنت نتفرج في حصة جيل شباب نفس الموضوع طرحوه ودارو روبرتاج على 2 شبان قاموا بتنظيف واعادة ترميم العمارة والله غير ينزهو عندهم روح المبادرة ويخدمو في دين الاسلام عن حق وحقيقة ..كما قالى رسول الله صلى الله عليه وسلم في الحديث القدسي:إن الله طيب لايقبل إلا طيبا
اما عن الريبة وجماعتها حنا سبتها كل واحد يمشي بيها و خاصة المعرفة اه مشعال كرعت شي اسموا معرفة
و حنا مش كون نوضوا و نخدموا بلادنا و نحاولوش نخسروها اللا حنا نزيدوا عليها حتى الجزيرة راهي حبا تشعلها بيناتنا >>تطلع السما و تهبط و انشاء الله ما تقدرش
بعد حملة فرانس 24 والغرب على تقسيم الجزائر القبائل-الطوارق-الجنوب-الشمال...مانجحوش يخي جانا حزب الجزيرة وانشاء الله عمرها لاتقدر على الوعي الجزائري:showoff:
و اللي تنارفي هي البطالة اللي قوات الله يبارك بلادنا مشعال تفكر جابت ناس من الهيه يخدمولها بلادها و خلات ولادها راني نشوف japanاحتلتنا بطريقة غير مباشرة و b1 sureيجيبوا من الهيه وعلاش حنا نخدموامن القلب نخدموا بصدق
العيب راه فينا حنا كون نسقموا رواحنا مشي خير
ايه بالطبع البروبلام راه فينا حنا ..باش نسقمو نديرو مبادئ الاسلام مقتدين بسيد الخلق محمد صلى الله عليه وسلم ..عندك الحق الشناوة غزاونا نتاع الصح وحتى حبو يبوطونا في بلادنا تاني ..عيش تشوف:cra_zy:
و اما عن الفساد الشباب دركا رجعوا ني حشمة ني زدمة و هذا راجع للوالدين كون رباو ولادهم و قراوهم
لا حنا غير كلمة ويقولونا ..حنا كنا بكري نديرو وندير ومنيش عارفة ..لا نصح ولاهم يحزنون
و الحكومة نتاعنا اللي راهي تاكل فينا قالك الدستور ينص على ان يكون لكل فرد او عائلة جزائرية عمل و بيت راني نشوف العكس
والله منيش عارفة بصح نظن بلي المشكل فينا حنا بالدرجة الاولى ..راني معاك كي تقولي الدولة فيها سراقين وجنرالات واستنزفونا البترول ..بصح ثاني مش كلش يجيك على طبق من ذهب لانسان لازم يسعى في لرض ينافيgي كيما نقولو حنا ..مقولة الخليفة الصحابي الجليل عمر بن الخطاب*إن السماء لاتمطرلا ذهبا ولافضة*
ربي يهدي واش خلق و اتمنى من صميم قلبي ان تتسقم بلادنا
آآآآآآآآآمين يارب العالمين
والله صراحة أقولها بلا نفاق ولاكثرة كلام ..ردك عجبني بزاااااااف ذو مستوى راقي لكي مني أرقى وأجمل التحيات :re_gards:+تقييم
 
واله يااختي العزيزة راقي تطرقتي
لمجموعة من النقاط لتنرفزنا قع
وهذي صح ..راني ديجا قلتها في عنوان الموضوع
ماشي غير انتي
بصح مليح اني فرغتي قلبك ومخليتيهاش الداخل
لوكان ماقلتهاش منيش عارفة واش كنت ندير سرتو قناة الجزيرة قلبي معمر عليها بزاااف هههههه
وقيلة ندير فوطو كوبي على كلامك باه نفرغ قلبي انا تاني هههههه
هههههههههههههههههه معليش :shiny:
تقبلي مروري
شكرا لكي على المرور يعطيك الصحة:re_gards:
 
السلام عليكم اختي عندك الحق في كامل واش قلتي :angry: هاد الحاجات تزعف ميرسي على الموضوع و انشاء اللله تكوني فرغتي قلبك:shay:
الحمد لله فرغت شوية كان في بالي نكتب حوايج أخرى من أيامات وأنا نخمم فيها بصح كي وليت نكتب في الموضوع نسيتها :sheer:..مرسي ليك أختي العزيزة:re_gards:
 
يا أخت سهيلة و اش نقول و اش نخلي صدقيني
هذا موضوع جديد وغير منقول و راني حاس بلي كتبتيه من أعماق قلبك
إيه والله كتبتو من أعماق وصميم قلبي
والله الأمور التي كتبت عنها تنرفزنا جميعا و تغيضنا و لكن أحيانا لا يكون باليد حيلة
للأسف عندك الحق **ماباليد حيلة
لك مني تحية ثانية إذا كنت من مواليد 1995 و تفكري بهاذ الطريقة
ما شاء الله
ههههههههه صح أنا من مواليد17ديسمبر1995 كتبت هذا الموضوع في ليلة عيد ميلادي هههه وفيه غلقت 16 عام..والله كاين بزاااااااف من عمري يفكرو بهذي الطريقة وكاين لي أصغر مني ..هي قضية إطلاع على كل الأخبار لي تتضمن أهم الأنباء عن الجزائر خاصة والوطن العربي والعالم عامة
أنتم الجيل الجديد فيكم بزاف صفات تحسدون عليها
هههههههههه في هذي عندك الحق 100/100 هههه انشاء الله نقدرو نمدو للبلد نتاعنا مالم يقدر عن اعطائه الأجيال السابقة والله غير ملينا أننا نكونو في أواخر الدول ..بعدما كانت الدولة الجزائرية من أعظم الدولات وذات أعظم أسطول حربي في وقت العثمانيين .حيث كانت أمريكا وغيرها من الدول تطلب حمايتنا ...آآآآآآآه على هذاك التاريخ المجيد
يحياو ولاد بلادي و يحياو بنات بلادي
يحيا ولاد بلادي وتحيا بنات بلادي وشمانا في الحساد أحنا ولاد الجزائر خاوة في كل بلاد ..أولاد الشرق الغالي وأولاد الغرب العالي وأولاد الوسط أمجاد ..أولاد الصحراء الباهيه والقبايل أسياد..أولاد بلادي راية وبنات بلادي غاية والسر عليهم زاد مثل الغزلان شرادة مايحكمهم صياد:sheer:
شكرا لك أخ حمزة على هذا الرد الراقي في مستوى النقاش المطلوب يعطيك الصحة +تقييم:re_gards:
 
Rabi y3tik matmnay alhbiba klem shih baradtili galbi ma3andi ma nzid 3la klemek testahli tkyiim +++
آآآآآآآآمين يارب العالمين يعطيك الصحة على هذي الدعوة وهذي أكثر حاجة نتمناها ..الحمد لله أني بردتلك قلبك ههههه ومانسيت والو ههه جزيل الشكر لكي على التقييم :re_gards:
 
Rabi ykoun m3a echabab kamel
آآآآآآآآآآآآآآآآآآآآآآمين يارب العلمين ربي يكون مع كل الشباب ويعاونهم في معرفة الطريق الصحيح ويحللهم بيبان الخير ويزيدهم خير على خير ويرزقهم بكل ماهو طيب في لرض ويحققلهم كل مطامحهم وآملهم وتمنياتهم ويجعل منهم أمة خالدة في التاريخ بأعمالها الطيبة في اطار ارضاء الله ومحبة رسوله الكريم صلى الله عليه وسلم وخدمةل دينه الاسلامي الحنيف ...شكرا على المرور الطيب يعطيك الصحة:re_gards:
 
مشكورة حبيبتي على الموضوع
شكرا على ردكي الرائع
راكي معمرة بزااااااااااااااف هههههههه
ايه والله
و انا نشاطرك في كل كلمة
الحمد لله:shiny:
و هذا الدنيا فيها بزااااااااف المشاكل

صح عندك الحق
الحمد لله
شكرا لكي على المرور الطيب لكي مني أجمل التحيات:re_gards:
 
شكرا على الموضوع المميز
:shay:شكرا أختي هدى
لوكان الناس الكل تخمم كيم انت
انشاء الله
شكرا
شكرا أختي العزيزة على المرور الطيب:re_gards:
 
بلعقل على قلبك حبيبتي
راكي حطيتي يدك في الجرح
وفتحتي والمواجع




مشكووورة عالطرح
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom