قاطو هايل و بنين

الحالة
مغلق ولا يسمح بالمزيد من الردود.

karima tati

:: عضو مُشارك ::
إنضم
30 أكتوبر 2011
المشاركات
199
النقاط
7
المقادير:
6 حبات بيض ، كاس حليب ، كاس عسل، كاس ناقص اصبعين زيت ، كاس ناقص اصبعين سكر
3 ملاعق كبار بودرة الكاكاوو المرة الي لونها اسود ، مغرف صغيرة بيكاربونات الصودا ، 2 خميرة كيميائية
وفرينة حوالي 20 مغرف كبيرة ، ورطل كاوكاو مرحي مقلي ، وكريمة الزبدة


التحضير
اولا البيض و رشة ملح نخلطوهم ونزديو عسل وسكر ونخلطو مليح مليح
حتى يذوب السكر



ومن بعد نزيدو الزيت ولحليب ونكملو الخلط

من بعد الكاكاوو والفرينة والخميرة والبيكاربونات

ونتحصلو على خليط قوامو خفيف كي المسكوتة

نفرغوه في بلاطو تاع كوشا كبير ويكون مدهون

نعدلوه ونسوو السطح تاعو

وندخلوه للكوشا يطيب
وهذا شكلو بعد الطياب


يبرد شوي ونقطعوه دوائر زي اكا ولازم المول يكون مفتوح على جيهتين
باش تسهال الحبة كي نخرجوها


هنا بعد ماقطعناهم كامل

والطراف والحواشي الي بقاو من بعد التقطيع نفتوهم بيدينا
ونخلطوهم مع كاوكاو مرحي مقلي


نحتاجوهم للتزيين

نرجعو لحبات القاطو تاعنا
نقسمو كل حبة على زوج
ونديرولها في الوسط شوي من كريمة الزبدة بهذي الطريقة


نغلقوها

ونديرولها كريمة الزبدة على كل الحواشي

ونلفوها في خليط الكاوكاو والبقايا تاع القاطو


ويلزم تتغطي من كل الاطراف جيدا ونقدرو نضغطو عليها شوي بيدنا باش نعدلو شكلها
وهاهم ليكم واجدين

زوووم على الحشو من الداخل



ان شاء الله تنال اعجابكم
هذه الوصفة منقولة لـ moon dz يعطيها الصحة وصفاتها هايلين .
 

khroufa

:: عضو منتسِب ::
إنضم
1 جوان 2008
المشاركات
57
النقاط
3
شكررررررررررررررا على الوصفة مع الأول كانت تبان ماشي شابة لكن في الأخير صح تستهل زوووووووووووووووووووووم باش الواحد يشوفها مليح.شكرررررررررررررررررررراً
 

حنان18

:: عضو مُتميز ::
إنضم
27 جوان 2010
المشاركات
1,212
النقاط
37
واو يهبل ان شاء الله نجربوا في أقرب وقت ممكن.
 

moon dz

:: عضو منتسِب ::
إنضم
6 نوفمبر 2011
المشاركات
13
النقاط
3
شكرا لامانتك في النقل اختي كريمة
نفرح كي نشوف صدقك في النقل
بارك الله فيك
هذا القاطو اسمو "têtes de nègre"
وجي لذيييييييييييييييييييذ جدا وكل من ذاقو يطلب الوصفة تاعو
وهذي احسن طريقة ليه
جربوه وماراحش تندمو عليه
 

karima tati

:: عضو مُشارك ::
إنضم
30 أكتوبر 2011
المشاركات
199
النقاط
7
شكرا لامانتك في النقل اختي كريمة

نفرح كي نشوف صدقك في النقل
بارك الله فيك
هذا القاطو اسمو "têtes de nègre"
وجي لذيييييييييييييييييييذ جدا وكل من ذاقو يطلب الوصفة تاعو
وهذي احسن طريقة ليه
جربوه وماراحش تندمو عليه

بلا مزيتي نديرها . و يعطيك الصحة على الوصفات ديالك. ان شاء الله راني رايحة نجربو الطريقة ساهلة وباين عليه بنين و خفيف.
 
الحالة
مغلق ولا يسمح بالمزيد من الردود.
Top