السلام عليكم جميعا أحباء اللمة
هذي واحد الكيكة ساهلة ماهلة يارب تعجبكم
المقادير المهم انا العبار ديالي بالمعلقة
3بيضات+7م ك سكر +9م ك زيت+9م ك ليمون+قشرة ليمونة محكوكة+3 م ك حليب غبرة+2 خمارات حمرين+1 فاني+3او4 شكلاط اسود محكوك+8م ك طحين
كنخدو 2 بياض البيض نخليوهم على جنب
ونرجعو للباقي د البيض و الفاني ونطلعوه حتى يبياض الخليط
ونضيفو باقي العناصر ونحكو الشكللاط
ونرجعو لبياض البيض نطلعوه مع قبصة د الملح كالثلج
ونضيفو بياض البيض على الخليط بالمهل من الاعلى للاسفل
ونصبوها فمول او فراح تقيل وندخلوها للفرن
وفاش طابت وبردات زينتها بالشكلاط ابيض و اسود واللوز
وكل وحدة تزين بذوقوها
وهاد الطريف قطعتو باش تشوفوها من الداخل
و نتمنى تنال اعجابكم وتجربوها
