واش تخيروو

[rafrofa]

سلام عليكم


واش راك لخاوة صافا

هدا اول موضوع ليا واتشرف بمعرفتكم بصح ماتبهدلونيش وكتبولي الرد معليش بلا م تقراو لموضوع

يسعى الشباب لتطليق العزوبية بعدما

يرون أنهم مؤهلون نفسيا وماديا للزواج

فيختارون زوجة أحلامهم وفق رغباتهم

ومن ضمن هذه الرغبات جمال الزوجة

فالبعض يفضل الجميلات وآخرون يتجنبون ذلك

بل يبحثون عن فتاة غير جميلة حتى لا تتسبب لهم

في المشاكل خاصة في شوارعنا ...

والبعض الآخر لا يهمه الجمال ويجعله في آخر التصنيف

بعد المستوى التعليمي والعمل مثلا....


ما رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انتم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ماكانش]

أهلا بيك رفروفة
يعطيك الصحة على موضوعك الباهي
فقط لازم تكتبيه باللهجة الجزائرية في هذ القسم
أظن ماكانش واحد مايحوسش على الزين والجمال
صح كاين ألي يقدم على الزين امور اخرى ، لكن الزين مايعجبوش ماكانش ....​

 

[دعاء19]

مرحبا بيك اختي في اللمة
اما بخصوص سؤالك على حسب الرجل كاين لي يهمه المظهر وكاين لي يهمه المادة ولكن الاهم هو الاخلاق وطبيعة الشخص سلوكيا لان الجمال كيمشي والمادة تمشي ولكن الاخلاق تبقى وليس لها مدة معينة

 

[simou11]

كما قال صلى الله عليه وسلم في الاسباب التي تدفع الرجل للزواج بمراة معينة عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " -مُتّفَقٌ عَلَيْهِ- فإما مالها او نسبها او جمالها لكنه صلى الله عليه وسلم فضل المراة المتدينة على الاخريات
و هنا ياتي اختلاف العقليات
فالرجل المادي سيختار المراة ذات المال
و الرجل الاجتماعي الذي لا تهمه سوى مكانته في المجتمع سيختار ذات النسب الشرف
و الرجل الذي لا يهمه شيء سوى المظاهر سيختار الجميلة بلا شك
اما الرجل التقي سيختار المراة المتدينة
و اذا ما اجتمعت كل هذه الصفات في مراة واحدة ( ريزاvـيوها لخويا :)​

 

[adel-mz]

سلام
كل واحد فينا عندو مبادئ في حياتو كاين وكاين واحد يحب الزين ولاخر حاجة خلاف ،مي الحوايج هادو لا تنازل الاخلاق والدين والباقي زيادة الخير خيرين ،كيما انا بصراحة طري سانبل ،وحدة متخلقة ومطيعة لزوجها والجمال على ان يكون مقبول والبراكة من عندي ربي ،بارك الله فيك
​

 

[إنسانة ما]

وعليكم السلام ورحمة الله
أهلا بيك أختي وبارك الله فيك على الموضوع.
شوفي أختي، يكذب عليك لي يقولك أنا ما يهمنيش الشكل والجمال، ماكان حتى راجل ما يهموش أن زوجته تكون جميلة، وهذا حق له وماكان حتى إنسان يقدر يقولك ما عندوش الحق، حتى النبِّي -صلى الله عليه وسلم- قال في صفات المرأة الصالحة: (ألا أخبركم بخير ما يكنز المرء ؟ : المرأة الصالحة ، إذا نظر إليها سرته ، وإذا غاب عنها حفظته ، وإذا أمرها أطاعته). فالنبي -صلى الله عليه وسلم- بدأ بقوله إذا نظر إليها أسرته، لأن النظرة هي أول وسيلة للتواصل.
وهذا الأمر لا يعني أن الأخلاق مش مهمة، الأخلاق أكيد مهمَّة والدِّين أهم من كل شيء: (فاظفر بذات الدِّين .. الحديث).
برأيي الواحد ما يتشددش بزاف على الشكل ويقول أريدها ملكة جمال ولا ما نتزوجش، لا، لما تكون المرأة مقبولة من ناحية الشكل وتكون ذات دين وأخلاق عالية زوجها رح يصبح يشوفها أجمل إمرأة في الكون، لأن أخلاقها هي الدائمة أما جمالها فرح يزول مع الوقت ويروح.
يعني واحد لو تزوج بأجمل إمرأة وهي عديمة الأخلاق، وش رح يعمل بزينها؟؟ رح طيرلو النفحة الشهر والشهرين الأولين ومن ثم يرميها، فهو رح يعاشرها هي ورح يتعامل مع أخلاقها مش مع جمالها.
لهذا الواحد يبحث على المرأة ذات الدين والأخلاق حتى ولو كانت متوسطة الجمال المهم ترضيه شوي، وإذا كانت جميلة جدًا فزيادة الخير خيرين -كيما يقولو-.
ربي يرزق الجميع ..
ربي يحفظك أختي

​

 

[adel-mz]

أهلا بيك رفروفة
يعطيك الصحة على موضوعك الباهي
فقط لازم تكتبيه باللهجة الجزائرية في هذ القسم
أظن ماكانش واحد مايحوسش على الزين والجمال
صح كاين ألي يقدم على الزين امور اخرى ، لكن الزين مايعجبوش ماكانش ....​

يا صاحبي يلاه نزوجو ههههه رانا بايرين
قبل ميخلاص الزين ههههه
ربي يوفقك يالرايس

 

[bachboucha]

ايه الوقت ضوكا يحب الزين و لاطاي ولا مايزوجش​

 

[nawal 88]

والله يا ختي كل واحد وذوقو وقادر يشرط ويعاود بصح منين يشوف وحدة جمالها بسيط يعجب بيها وتدخل قلبها
​

 

[أم عبد الله]

السلام اختي
راهم يحوسو ع الزين والقراية ولازم اتكون خدامة باه تعاونو في المصروف وفي الاخير يشوف اخلاقها يعني عادي ولات الغير متخلقة تتزوج هي الاولى لانها تملك عمل وبيت والراجل ضرك ولى رخيس بزاف يسمح في نفسو باه تسيرو مرتو وهو لي يقعد في الدار
الرجلة غابت ولاو يعبدو الدراهم هذا ماكان وسورتو اذا قاتلو نسكنك في دارنا يعبدها هاذي
مي كاينين رجال فحولة يحوسو ع بنت الاصل وهذي العملة ولات نادرة الوجود الا من رحم ربي يعني
لاتعليق
سلامي واحترامي

 

[zahira92]

الصراحة مازال ما شفتش جزايري ميحبش الزين ويفضل المستوى الدراسي ناس راهم الجزايريات ومقنعهمش يحوسو على السوريات واللبنانيات.......
​

 

[amoulita@mosta]

علا حساب مانعرف انا في بعض الشباب يحوسو على الزين و شكون الي مايحبش الزين و كاين فيهم شباب مايحوسوش عليه
و كاين الي تروح يماه تخطبلو وحدة هو مايعرفهاش المهم تكون بنت عايلة وخلاص ...
مشكورة حبيبتي على الموضوع الباهي

 

[nour el yakine]

حسب رأييي وحسب مانشوف أنو الرجال gاع يحبو الجمال ولاتاي أومباعد يجي المستوى والأخلاق....الخ
على العموم ربي يرزق كل واحد وحدة بالي يتمناه القلب
سلمت يمناكي أختي على الطرح المميز موفقة
دمتي​

 

[rafrofa]

مشكورين على اهتمامكم بالموضوع

 

[دروب الرحمة]

السلام اختي
راهم يحوسو ع الزين والقراية ولازم اتكون خدامة باه تعاونو في المصروف وفي الاخير يشوف اخلاقها يعني عادي ولات الغير متخلقة تتزوج هي الاولى لانها تملك عمل وبيت والراجل ضرك ولى رخيس بزاف يسمح في نفسو باه تسيرو مرتو وهو لي يقعد في الدار
الرجلة غابت ولاو يعبدو الدراهم هذا ماكان وسورتو اذا قاتلو نسكنك في دارنا يعبدها هاذي
مي كاينين رجال فحولة يحوسو ع بنت الاصل وهذي العملة ولات نادرة الوجود الا من رحم ربي يعني
لاتعليق
سلامي واحترامي

ماعندي منزيد
يعطيك الصحه
:thumb_up2: :thumb_up2:​

 

[الرومنسي الجاد]

سلامو ..

مكانش حاجة وسمها زواج في راسي و الحمد لله .. تاع تكسار راس و تميزير بركـ​

 

[هشام رضا]

والله ماندي مرى زينة لوكان تخلى الدنيا
نديها مقبولة الشكل وعقلية فور
الله يلعن الدراهم و الله يلعن الراجل لي يخلي لمرى تخدم عليه مشي رجلة
وربي سبحانو شاهد على كلامي​

 

[هشام رضا]

نقولكم 100/100 لي تلقاها زينة تلقاها مشي متربية و لعبو بيها الذكور من طريق لطريق شكون لمريض لي يدي وحدة مشات مع عشرين شخص في الماضي وتمسخرو بيها وهي بعد تولي خبيثة
ربي يهدي ما خلق
والله يعاونا في ولادنا في المستقبل
​

 

[الجندية]

إيه يآختي قاع يبغو الزين ...
بصح كاين اللي تلقية يتشرط باغيها وزيد شابة وطويلة ووو وعاقلة وزيد وزيد و قارية عندها
دكتوره ... وهو ماعندهش حتى النيفو نتاع السيزيآم

+

مرحبــــآ بيك في المنتدى رآكي وحده من عآئلتنــآ الكبيــره تشرفنا بإنضمآمك ​

 

[الجندية]

​

الله يلعن الدراهم و الله يلعن الراجل لي يخلي لمرى تخدم عليه مشي رجلة

​

رآجـــــــــــــل وعليــــــــك الكلام :shiny:​