عاونوني يا الجزائريااات ما عرفت كيف ندير التعمير اللي يديروه في البركوكس يا الله دخلو

ا

السعيدة بربها سارة

:: عضو مُتميز ::
أحباب اللمة

السلام عليكم
يا الحادكات بنات بلادي
كي راكم بخير


ايوا انا قل دخولي شوية عرفتو ما عنديش النت على ديك



انا جيت اليوم باااش تعاونوني في شئ حاجة اللي تعرفها ما تبخلش اعليااا ياك



ايوا نبدا ولا عاد
انا بغيت ندير البركوكس
ولكن حنا في الغرب كا يديروه غير بالعصبااان اللي نصنعوه بيدينا ولكت دوكت عادو يفنو فيه عاد بليبول نتاع اللحم مرحي والصويلحات يميميم ريحتو جات في نيفي


دوكا شفت كا يديرو التعمير ولكت كيفاه يصنعوه وفي بنة فور يا ريت اللي تعرفو تقولي بالتفصيل والله الا بغيتو


ممكن تعاونوني فيه
وراح يتباااع شفتو في البلااد منين كنت لتم نشريه ونديره مع الطعام ولا بركوكس ولا اي شئ




يا الله نستنا ردوودكم

​










​
 
كبدة تاع دجااج ......كفتة ...معدنوس .......ملح ....حرور ..........قرفة .......سميد مقلي .......تجمعي الكل بالبيض
تعملي كويرات و تفوريهم فالكسكاس تاع الطعام
و مين يطيب البركوكس تفتيهم مالفوق كي الديكور يجو هايلين
انا نديرهم فالمرقة تاع الطعام ......
المقادير عينك هي ميزانك
 
قال شذى الاسلام:
كبدة تاع دجااج ......كفتة ...معدنوس .......ملح ....حرور ..........قرفة .......سميد مقلي .......تجمعي الكل بالبيض
تعملي كويرات و تفوريهم فالكسكاس تاع الطعام
و مين يطيب البركوكس تفتيهم مالفوق كي الديكور يجو هايلين
انا نديرهم فالمرقة تاع الطعام ......
المقادير عينك هي ميزانك
إضغط للتوسيع...


اها الله يرضي عليك الواالدين ويفرجك يا اختي
املا الا درتهم ما يتفتووووش في الكسكاااس منين نكورهم ؟ نقدري ندير العصبان مرحي​
 
قال حلمي الأمومة يا رب:

اها الله يرضي عليك الواالدين ويفرجك يا اختي
املا الا درتهم ما يتفتووووش في الكسكاااس منين نكورهم ؟ نقدري ندير العصبان مرحي​
إضغط للتوسيع...
لا لا اختي مايتفتتش لاخاطرش فيه البيض
نسيت باش نكتب فصوص الثوم فالمقادير يطلق بنة هايلة .........سامحيني
 
قال شذى الاسلام:
لا لا اختي مايتفتتش لاخاطرش فيه البيض
نسيت باش نكتب فصوص الثوم فالمقادير يطلق بنة هايلة .........سامحيني
إضغط للتوسيع...


الله يرضي عليك الوالدة شكرا ليك اختي
 
تفضلي :
https://www.4algeria.com/forum/t/322815
​
 
يمكن عندو اسم واحد اخر تعميرة جامي سمعت بيها لا في الغرب ولا الوسط ولا في الرق
 
أختي نظن تقصدي الدرسة تاع البركوكس سمعتها في الإذاعة
وهي عبارة عن سميد وخبز يابس مطحون ومعدنوس وقصبر مقطع رقيق وحرور وزيت و2 حبات بيض و1 جومبو والثوم مرابي نطيبوها في ساشي تاع سباقيتي كيما الكاشير وكي يوجد البركوكس بالمرقة نفتوها فيه
 
قال شذى الاسلام:
كبدة تاع دجااج ......كفتة ...معدنوس .......ملح ....حرور ..........قرفة .......سميد مقلي .......تجمعي الكل بالبيض
تعملي كويرات و تفوريهم فالكسكاس تاع الطعام
و مين يطيب البركوكس تفتيهم مالفوق كي الديكور يجو هايلين
انا نديرهم فالمرقة تاع الطعام ......
المقادير عينك هي ميزانك
إضغط للتوسيع...
ربي يخليك ويعطيك الصحة انا اول مرة نسمع بيها
انا ندير معاه غير الخضرا والا الحمص والفول يابس
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom