ودي أموت اليوم وأعيش باكر

[sofiane_nyoten]

قصيدة جميلة أعجبتني فأحببت أن أنقلها اليكم لانو الانسان في بعض الأحيان تدور في مخيلته مثل هاته التساؤلات و بصراحة انا اتكلم عن نفسي ........... أترككم مع القصيدة ​

ودي اموت اليوم واعيش باكر
واشوف منهو بعد موتي فقدني​

ومنهو حملني لين ذيك المقابر
واشكر أنا كل من كرمني ودفني​

وبشوف يرثيني انا كم شاعر ؟
ومنهو تركني وماكتب شي عني​

شخص ٍ تعنى لي مع انه مسافر
وشخصٍ قريبٍ وأنا ميت طعني​

وشخص يمثل دمعته ماهو قادر
وشخص تطيح دموعه كل ماذكرني​

ومنهو من أهلي في العزا كان حاضر
ومنهو دعا لي في صلاته ورحمني​

ومنهوبنى باسمي سبيل ومنابر
ومنهو يفز قلبه إلا من لمحني​

ومنهو عشاني طول الأيام ساهر
ومنهو ثلاث أيام راح وتركني​

ومنهو يرتب غرفتي والدفاتر
وإن شاف صورة لي مات وحضني​

يالله عسى ماتغفى كل المشاعر
ويالله عسى ماينصدم يوم ظني​

خايف يروح العمر وأكون خاسر
وإن طار طيري مايفيد التمني​

وخايف يجني وقت أكسر خواطر
إن دارت الدنيا وزماني كسرني​

ومدام هذي الدنيا صارت مظاهر
وكل من على كيفه وجوّه يغني​

صحيح مسلم لكن الهم كافر
كل مابغيت اضحك يهددني حزني​

الضيف وافي والحزن حيل وافر
والجرح اكثر شي شفته يحبني​

عايش وميت بين ماضي وحاضر
والصبر مفتاح الفرج ضاع مني​

قل وش تبي وتتركني ياحزني آمر
مسكين فرحي تصدق أنه وحشني​

شاعر ولكني ماني بشاعر
ودي أموت اليوم وارتاح مني​

 

[الشبابية]

تفائل خيرا تجده الحياة طويلة امامك وربي يعطيك طول العمر
ومابعد العسر الا اليسر واذا باعك الي يحبك اليوم فبكره راح يشتريك يلي يعيش على اسعادك والايام كفيلة بان تبرهن لك ما اقول
تقبل مروري​