ماهي انجازاتكم لسنة 2011 ؟ ؟

[بيّاع الورد]

السلام عليكم

كيف الحال ؟

اليوم حبيت نأخد أرائكم في ماذا انجزتم في الـ 2011 ؟

بالاك نغيرو من بعضانا و نشجعو بعضانا على انو نعمل انجازات اكبر و اكبر في الـ 2012


هُنا مَساحه لِـ تكتبوا ماذا أنجزتم في عام 2011 .؟


أنتظركم ​

 

[ماكانش]

من 2009 مادرت والو
راحت حياتي تيانتي ...​

 

[nina bonoise]

تقول مادرت والوا منعرف كيفاه عدات سنة 2011 مشني شافية حتى وش درت

 

[Kojomis Zmones]

سلام

انجازي ..

تم قتل 250 ذبانة .. وسجن 25 وتعذيب 5 ..
..

وشكرا ع الموضوع


​

 

[mira real]

وللله نشفى غير على حاجة وحدة درت في راسي نتكسر وندير لبلاط وخدمتها مليح في راسي ومن بعد طبقتها في الصيف و فوتت صيف كامل غير مع النت حاجة منديرها الماكلة وتجي حتى لعندي هههههههههههههههه

 

[bachboucha]

مادرت حتى حاجة باينة مي الحمد لله أشرفت على متابعة مشروع يضم 250 سكن تساهمي بمدينة باتنة و نجحت فيه و الفضل للوالد الكريم و لرب العالمين و الحمد لله سكنو بزاف ناس و رضاو على الخدمة نتمنى القادم أحسن​

 

[مسيلية فوور]

وش من انجازات يا حظي
مجبتش الباك
توفى بابا ربي يرحمو
فقدت اعز صديقاتي في الحياة
​

 

[بيّاع الورد]

مع احترامي للجميع

نرجو الجدية بالموضوع و استجدوا بالجديد و اتركوا عنكم المزاح ارجوكم

مع سبق احترامي للكل

 

[zagane]

السلام عليكم
ما صبت ما نقول

 

[حكاية احاسيس]

شوفي 2011 فاتت شوي مش مليحة مربحتش علي مي فيها يامات نتمنى ينعادوا مي مايتعاودوش للأسف و اللي فهمتوا في 2011 ماكانش دركا الثقة في الاصدقاء
و على العموم في 2011 تعلمت كيفية اصطياد الذباب>> روعة ننصحكم تتعلموه و هكدا يمكن الذباب ان يزول ههههه خخخخ
و تاني تعلمت كيفاه نبلعط الغير و نقلقهم يعني السان نتاعي زاد طوال وb1 sureعقلي تاني كبر ههههه

 

[السلطانة]

وعليكم السلام
بالنسبة لي 2011 كانت سنة نجاح في الدراسة
وحصول على وظيفة في اواخرها
الحمد لله
الله يحفظلي احبابي اللي كانو معايا في كامل العام
...
وسنة الخيبات في بعض الامور ..
اما المشاريع فلااستطيع الحديث عنها
لانها تبقى بيني وبين ربي
تقبل مروري
تحياتي

​

 

[اعيش راضية]

الوقت فات بسرعة يا حساره
في 2011 نجحت في دراستي
و ختمت نصف القران الحمد لله
درت صداقات مشرفة و مليحة
اما على الحوايج اللي ماشي ملاح
فما ندكرهمش
اللي فات مات
و ربي ان شاء الله يثبتنا في 2012 على الايمان و ينجحنا في كلشي و يخلينا الوالدين و الصحة و الهناء​

 

[hiba14]

ماشي حوايج كاين اللي عابرين ما يستاهلوش باش نعتبرهم انجازات بصح بديت الخدمة و الحمد الله الكل راضي بيها نجحت في المجال المهني

 

[nawal 88]

والله واااااااااااااالو مافيها حتى جديد وماتفكرينيش 18 جانفي ندير 24 سنة ديجا راها حكمتني الخلعة ههههههههه​

 

[nina usma]

dart 3fayass bzf f 2011:um_sh: 9rit wa ndja7t wal hmd w mazalni na9ra wanchalah nandja7 psq hada huwa machrou3 2012:music_whistling:

 

[بلادي نبغيك]

للاسف هذا العام بالنسبة مشي عام الانجازات لاني لم احقق اي شيء يذكر اعتبره عام الحزن والوفاة بالنسبة لي ان شاء الله ربي يفتح علي في العام الجديد ولي جميع المؤمنين

 

[nina usma]

للاسف هذا العام بالنسبة مشي عام الانجازات لاني لم احقق اي شيء يذكر اعتبره عام الحزن والوفاة بالنسبة لي ان شاء الله ربي يفتح علي في العام الجديد ولي جميع المؤمنين

rabi yafta7ha 3lik w 3la ga3 almoumin hadi omniyat 2012:re_gards:

 

[سلفي والحمد لله]

بارك الله فيكم على الموضوع
بالنسبة لي افضل انجاز درتو والحمد لله وكانت امنيتي في هاذ الدنيا تحقيق هاذ الانجاز والحمد لله حققتو في مارس هذا ابالضبط 16 مارس وهو حفظ القران الكريم كامل والحمد لله حفظتو فالحمد لله حمدا كثيرا طيبا مبارك فيه نشكر ربي ونحمدو على التوفيق وشي هو مانيش حافظو كي الما بصح الحمد لله بربي ان شاء اللخه نرسخو مليح مليح ونولي حافظو كي الما
ادعيولي معاكم
​

 

[كمايا]

بارك الله فيكم على الموضوع
بالنسبة لي افضل انجاز درتو والحمد لله وكانت امنيتي في هاذ الدنيا تحقيق هاذ الانجاز والحمد لله حققتو في مارس هذا ابالضبط 16 مارس وهو حفظ القران الكريم كامل والحمد لله حفظتو فالحمد لله حمدا كثيرا طيبا مبارك فيه نشكر ربي ونحمدو على التوفيق وشي هو مانيش حافظو كي الما بصح الحمد لله بربي ان شاء اللخه نرسخو مليح مليح ونولي حافظو كي الما
ادعيولي معاكم
​

الله يبارك هذا انجاز عظيم

لعقوبة لينا ان شاء الله

 

[كمايا]

انا مادرتش حاجة بارزة

مي توفقت في امور صح ماحققتش الحلم نتاعي

بصح انتقلت الى مرحلة مهمة في حياتي


ممكن الحاجة لمليحة للي درتها اني درت قلبي وبديت نحفظ في سورة البقرة

ربي يعاوني ان شاء الله باش نكملها قبل حلول 2013

وماذا عن انجازاتك يا صاحب الموضوع

؟