//// ماقدرتش نبعد على دارنا يومين برك.........نتوما تقدرو؟؟؟؟

[سجل أنا جزائري]

أنا برابور ليكم ما عنديش قلب hmy:

انا والفت نبعد نورمال من نهار رحت نعقب الارمي كنت نضرب 3 اشهر متشرد براا ههه

نتوما حساب الشوفة اللي يتزوج بيكم لازم يدير شمبرة ليكم و شبرة للوالدة تاعكم ؟! ههه

ربي يخلينا والدينا و يحفظهم ان شاء الله

 

[Mafia-beo16]

ههههههههه أنا مازال ما سييتهاش ههههه توجور نبات مع ماما
هي أصلا ماتحبش كي نروح عند خالتي نقوللها خليني نبات و نتي روحي تقولي لالا
مي لوكان نبات وحدي نورمال ما نتقلقش كامل ههههه
أواه باين بلي أنت صح بنت ماماها وباباها ههههه
مي مروة لازم توالفي ​

 

[D@rk Angel]

درك عرفت وعلاش اسمك بنت ماما وبابا هههه
شوفي ختي يكذب عليك الي يقلك منشتاقش للوالدين هاذي حاجة طبيعية عند الناس كامل أنا مات عندي قط بكيت عليه
وفمابالك نفارق لعجوزة ايه والله صعيبة بزااف .. مي نبات عند خالي ونتوحش هاذي حاجة ماشي نورمال روحي لبسيكو
​

 

[EL General]

مممممممم وييي ويي تخطينا نضيعو
انا واحد من ناس منقدرش نبعد بزاف على الدار و خاصة الوالدة يااااو والو الحركة مكانش
شكرا
مرسي
​

 

[nawal 88]

انا نروح توال ختي نقعد يامات عادي خاطر عندها الانترنت تجيني نورمال ولا بيت عمي هذا ليمن نمشي هههه
ومانطولش نمشي غير جمعة وسبت خاطر الجماعة كامل تخدم ودار تقعد وحدها مع الاطفال وزيد نروح مقلقة نقلهم تهنيت منكم لاشته يومين ههههه​

 

[مابقاش بزاف.Dz]

هههههههه يعني ما غلطتيش في اخيار الاسم
معليش مي لازم توالفي ما تتوحشيهمش باسكو و كان يقراي فالجامعة متلا و ديري اقامة ماكيشراح تبقاي معاهم توجور
اا تاني كي نبعد عليهم شوية نتوحشهم

 

[حفيد هواري بومدين]

انتي تانا بنت papitou
يعني ويكتب ربي وتجيك فرصة عمل ولا قراية في مكان بعد على الدار ضيعي مستقبلك؟

ولاكان صغيرة حاجة اخرى
ربي يخليلك والديك

 

[مارينا]

انا نورمال ديما هاملة مرة عند خويا وعند ختي وعمي ووووووووووووووو
جيهت خوالي لا لا ما نقدرش هههههههههههههه
وزيد زواجي راه برى البلاد وااااااااااااااااااااااع
صح درك راني نورمال بصح منبعد تتواحش صعيبة وساهلة
والله خلطتيني
ربي يحفظ لك والديك ويخليك ليهم
صح

 

[iman la brune]

شوفي اختي الصغيرة عمرها 3 سنين راحت عند خالتي قعدت عندها 5 ايام ولا علابلها بينا نساتنا طول

وخالتي عادت تقولها ماما وراجلها بابا تعاند في لؤي هو قدها

راح ليها خويا واختي يحاولو فيها باه ترجع محاولة ومحبتش

حتى راح ليها بابا بالسيارة وجابها والستوتة كي جات قالتنا لؤي ظربني منزيدش نروح ههههه

احنا في عائلتي نورمال نروحو نباتو كي نكونو صغار

بصح ضك كما انا تجيني صعيبة نبات من غير اهلي هاذ الفترة برك عدت نروح عند بيت جدي نبات يامات

ونجي متوحشة منقلكش كيفاش
​

 

[ايمان التلمسانية]

والله اختي انا تاني كيما هاك
ما نقدرش نقعد نبات حتى في دار جدي
عماماتي يقولولي انتي وحدك كاين بنت ما تبغيش تبات في دار جدها
مي انا هاك ما نقدرش نبعد عى دارنا
رانا كي الحوت كي يخرجوه من الما تطفر فيه ​

 

[***سوسن الجزائرية]

أنا نورمال نروح نبات ...عندي غير زوج خاوتي صغار نتوحشهم نتصل بزاف بيهم باه نسمع الضحك ديالهم ..مي نورمال ماشي حاجة مانطولش برك.
شكرا لك
​

 

[بنـ MaPa ـت]

انا بالمقلوب

نحب نروح عند الناس
او ما نتقلقش
surtout من جهة خالاتي


الخالة تعوض الام حاجة باينة توجور نرتاحو معاهم


بصح انا ماشي عيشة بياتة
ماتنساوش بلي ماما العزيزة ماتحبش تخليني نروح بزااف عند الناس

دلوعة البيييييت :shiny:

هههههه
معليش
نقعد في دارنا خيييييييييييييير

​

هههه براحة عليك ختي راهي داركم ديري رايك باتي حتى لـ5 ايام ايدا حبيتي هههه
مرسي على المرور عزيزتي منورة بطلتك
​

:re_gards:
​

 

[بنـ MaPa ـت]

سلام خيتو شكرا ليك على الموضوع...
ايه خيتو سيفري كامل نتوحشوا والدينا وسورتو يمانا صح انا كي نروح عند لافامي نبات برك نتوشحهم بالبزاف..
في العطلة رحت عند عمي توحشت دارنا بصح مكاش كيما توشحت اللمة العزيزة بيانسوووووور....
ربي يسترك+ويخليك يابنت باباها وماماها...

ربي يخليك حبوبتي ويخليلك والديك وعائلتك
بصح لازم توالفي وكي تكبري كيفاش (قوليلي نسيتي روحك هههه)
مرسي على المرور ختيتو منورة بطلتك
​

 

[بنـ MaPa ـت]

ههههه ممم مام انا منحبش نبات في ديار الناس مذبية توجور مع دارنا

ربي يخليك ليهم وربي يخليهملك ولا يحرمك منهم يا رب
مرسي على المرور اختي منورة بطلتك
​

 

[بنـ MaPa ـت]

صحا شريكتي راني متوحشااااتك جيسـpـاغ تكوني بيان
يا عمري على انوشة تاع دار مقلشة ماقدرتيش تقعدي بلا ماماك pــوغ موا نرمال موالفة نروح صح نتوحشهم وديقلي حياتي بلا بيهم مي والفت تديني نرمال لزةان تةتري من خردات تزالفي بلابيهم انا نقولك علاش حسيتي هكدا بارسكو توجور تكوني معاهم مي كي بعدتي ماقدرتيش تقعدي مي تفوتي توالفي كونتخاغ تحلالك ​

اهلااا شريكة :shiny:
يتوحشك الخير حبيبتي يسال عليك الخير
وي جامي بعدت عليهم + نباتو مع بعض واول مرة خطيتهم :shay:
بصح من جيهة ريحت من تنgريشهم هههه
مرسي عيمانتي على المرور منورة بطلتك

:re_gards:
​

 

[بنـ MaPa ـت]

انا ثانيك في ليفاكونس المنقوصة كيما العادة ((بالدعم))
في الويك الثاني رحت لداري خالي وبتت راحت معايا اختي الصغيرة 5 سنين مقالت والو زاهيتلها وتلعب مي أنا توحشت ماما وبابا بزاااااااااااااااااف ..طبعا قرعجت شوية وحكيت ونحيت ضيقة الروح مي كي جا الليل توحشت ماما ..
وكي كلمتني في الليل قتلها واش الدار راهي هادية بلا بية قاتلي معندها حتى معنى راهي صامطة ..
غاضني لحال وغير ربي بكيت ثم ..
ههههه
انا منستغناش عن ماما بعد ما كي كنت صغيرة نروح ونطول وانا نvـكونسي مي دوكة لاصقة في الدار ..
خص غير نحلم نقرا في الخارج ..
مرة ثانيك راحت لدار جدي وخلاتني مع بابا زعمة نطيبله ..كلمتني الدموع بداو يصبّو

متتخيلوش كيفاه انا وياها صحابات ..ومنستغناش معاها سوا مع بابا ولا مع ماما في زوج منستغناش عنهم
الله يحفظهملي ويحفظلك انت ثانيك ماما وبابا ..

صافي رانا كيف كيف
هههههه
مارسي يا البيبي

ايييه راكي فايتتني نتي ههه
لا صغر لا كبر والفنا التقلاش وخلاص في ديارنا نتقلشو وعند الناس ماكانش كيفاش سي بور صا نلقاو السبة بالوالدين هههه
مرسي على المرور يا المسيلية تاعنا منورة

:re_gards:
​

 

[بنـ MaPa ـت]

اهلا مروة يا بنت باباها و ماماها هههه:shiny:

عجبتيني كي حسبتي النسبة هاديك 89% ههه

كامل لبنات في هاد اللاج يكونو متعلقين ياسر بوالديهم

:re_gards:
​

اهلا عادل عاش من شافك ضوي هنا :shiny:
في الحق 99% غير حشمت نقول ههه
نووو كاين 17 وشاطرات غير انا خرجت جايحة مادخل اللاج هههه
مرسي خيو على المرور منور

(بيناتنا رجعت حليمة لطبيعتها القديمة؟؟ خخخخ)

:re_gards:
​

 

[بنـ MaPa ـت]

وأنا لي خدام شهر شهرين ثلاثة باه نشوف الدار
كيتبانلك .......
عندها الحق وكتتزوجي كيصرالك
ادربي من درك هه
​

هههه طفي الضو يا خو قلنا الكاليتي هادي ماتتزوجش ههه
مرسي موح على المرور منور

:re_gards:
​

 

[امورة المنتدى]

السلام عليكم

والله ياشريكتي انا بحالك

مرة رحت لدار جدي شدوني نبات مقدرتش نقول لالا ومنبعد وش نحكيلك تقلقت حتى لتما يقولك لواحد مايريحش غير في دارهم

حتى عيطت لبابا يجي يديني

سندرينة نروح ونجي نكمل لهدرة

راني رايحة مع خويا
فاصل ونواصل​

 

[بنـ MaPa ـت]

أنا برابور ليكم ما عنديش قلب hmy:

انا والفت نبعد نورمال من نهار رحت نعقب الارمي كنت نضرب 3 اشهر متشرد براا ههه

نتوما حساب الشوفة اللي يتزوج بيكم لازم يدير شمبرة ليكم و شبرة للوالدة تاعكم ؟! ههه

ربي يخلينا والدينا و يحفظهم ان شاء الله

هههه آوي داخلة في قطع الشرط خخخ
والله يا خويا نهدر برك راني فحلة ماتشوفنيش هكدا ههههه
مرسي على المرور اخي منور

:re_gards:
​