النية جياحة .....................

[wafa peace 2011]

سلام الله عليكم وشراكم لاباس ان شاءا لله تكونو كامل بخير ؟

اما بعد ان شاءا لله ♥2012♥يجيكم بالصحة والهناء

وان شاءا لله تتسقم شوي البلاد وتكثر فيها الرحمة والحنانة

في وقتنا هادا نقصت بززززززززززززززاف النية واللي قلبو مليح وابيض يقولو عليه جايح

وانتوما واش رايكم في هاد العقلية وعام

سعيييييييييييييييييييييييييييد

اللي في الدراسة ان شاءا لله ينجح واللي مريض ربي يشافيه واللي

حب الخير ان شاءا لله يجيه والسلام عليكم ♥♥♥♥​

 

[ماكانش]

أهلا بيك وفاء
ربي نجحك في الباك وتفرحينا
ماكانش قد النية، وما يربح غير مول النية
بصح ماشي مليحة النية بزاف مليح الإنسان يكون فايق وعلابالو واش يدور وراه وبيه
ومليح يكون نية ومليح مع ألي يستاهل، اما الخبيث مليحتلو غير العين الحمرة والدبوس ...
لاخاطر الخير مليح بصح مليح في ألي يستاهلوه
يعطيك الصحة ...​

 

[virus2015]

صح ختي في هاد الوقت كاين لي يفهم النية جياح
والناس أنواع:
- كاين لي فايق - ويدير روحو ما علابالوش :schmoll:
هذا يدير روحو نية i-o:​

- وكاين لي صح ما علابالوش مي يتعلم من الناس :sadwalk:
هذا يمشي بنيتو مي نهار يفيق يولي واعر :santa_1:​

- وكاين لي معلابالو ما رايح يفيق :sad:
وهذا يسمحلي لوكان ما يفيقش بروحو راهو يروح لطريق الجياح _o:
تقبلي مروري​

 

[simou11]

لازم يا اختي النية
و يربح غير لي قلبو ابيض في الدنيا هذي
كل اخرتنا تراب و دود وعلاه نحقدو على بعضانا و نعاديو بعضانا على جال حاجة فانية !
النية في الوقت هذا نقصت ياسر والله تلقاي ذراري صغار لكبير فيهم عندو 5 سنين و هما اعوذ بالله جنون
لا فيهم نية لا براءة لا هم يحزنون ​

 

[sad5]

السلام عليكم
كاين فرق بين النية وبين السذاجة
لي هي في مفهومنا العامي هي الجياحة
مي الصراحة كيما يقولو مول النية يربح
والانسان مول النية الناس كامل تحبوا وتحب تقعد معاه وجامي تحتقروا
صح كاين عباد الله غالب اصلا هوما ماشي ملاح مع النية ولا غيرهم هههه
المهم بالتوفيق ليك ختي في حياتك وربي يبعد عليك الناس الجايحة ويقرب منك الناس النية

​

 

[اعيش راضية]

السلام عليكم ورحمة الله و بركاته
مشكورة حبيبتي على الموضوع و ربي يوفقك في الباك و يوفقنا اجمعين ان شاء الله
النية يا اختي مليحة و ماشي مليحة
الا كنا نية بزاف ياكلوها عليك و الا ماكنتيش نية خلاص تولي واعرة و قبيحة
امالا اللازم الاعتدال و التوسط
انسان يكون فايق لزمانو و قته بصاح في شروط الدين و الاخلاق و يكون ديما رحيم و حليم و قلبوا رهيف
و اللي يحب الخير للناس ربي يجيبلاه الخير
تقبلي مروري​

 

[hollahop girl]

السلام عليكم

مول النية يغلب بسح مرات مول النية يبان جايح كيما قلتي
بسح متخافيش ربي مع المليح مش مع القبيح
اللهم انصرنا
​

 

[souhila_95]

في ولايتنا الشيوخة الكبار يقولو: مولا النية تسلكو هذيك النية ،والخداع يخيب ويولي خسران
بصح في هذا الوقت امبوسيبل تكوني نية على خاطر كلش اصبح بالحيلة والمكيدة
علمنا مجتمعنا :الواحد فينا يربح صوالحو وخلاص

 

[الخيزران]

دير النية وارقد في ثنية

 

[حكاية احاسيس]

و عليكم السلام يالزين
عام سعيد و انشا الله يفوت علينا بالهنا و الصحة و انشالله ينجح الكل و يشفي المريض و يحن على المغبون
ايه النية ولات جياحة يقولك مولا النية يربح كيفاه تقوليلي النية جياحة هههههههه اللي يفكر هكدا هو الجايح
و صح مشعال من خطرة نسمع يقولوا ذركا النيه هاجرت و راحت و بقات غير عند القليل
اه ربي يهدينا اجمعين

 

[wafa peace 2011]

merci pour le pasage les amis rabi yefarehakom inshalah

 

[nina usma]

bnj :re_gards: aniya dja7a!!!!!!! ana nafra7 ki nal9a wa7ad niya psq nou9su bzf anwaya wlh merci:sheer: salam.