رومنسية الجزائري

[the wolf]

السلام عليكم
أنا واحد جديد معاكم و كيشفت مواضيعكم ندمت علي مسجلتش من قبل لأن كلها مواضيع هادفة و في القمة علجال هذا الشي راني نكتب و نخمم إذا يعجبكم الموضوع.
البارح كنا قاعدين قال واحد صاحبي علاه يقولوا على الجزائري ماهوش رومنسي و معندوش احساس و عطاني صاحبي مثال:واحد قاوري يمد و ردة ذابلة للمدام قاتلو علاه قلها:انتحرت لأنك أجمل منها،الجزائري يقوللها أحمدي ربي جبتلك حاجة.حنا الرجال الجزائريين نشوفو أن تعبيرنا على مشاعرنا ضعف و أنا شخصيا مع هذه الفكرة حتى يمانا منعبرولهاش على احساسنا اتجاها و اللي هي أعز مخلوق.علجال هذا حبيت نعرف رأيكم في رومنسية الرجل الجزائري.
نتمنى يعجبكم الموضوع. *

 

[ماكانش]

أهلا بيك ...
اظن تاريخ الجزائر والجزائريين والبربر تاريخ خشوني ورجولي
قوم كانو عايين غير للحروب والغزوات ووو ...
ودائما التعميم لا يليق ...
---
زوجونا وذرك تشوفو الرومنسية صح هههههه
​

 

[عاشقة مجهول]

انا طفلة مانيش رومنسية ..............صراحة ومانحبش الراجل اللي النهار كامل وهو يعبر عن مشاعروا يبانلي مرا .........ماشي حجرة بصح ماشي يخرط في كلشي ..........الراجل الجزايري هو لمخير في العالم كامل انا نشوفلوا

 

[nina usma]

salam:sheer: w mar7ba bik m3ana:showoff: almouhim ana n9ol bali adziri bzf romanssi malgri maybayanch mi grav romanssi:luve_2: thanx

 

[بيّاع الورد]

انا طفلة مانيش رومنسية ..............صراحة ومانحبش الراجل اللي النهار كامل وهو يعبر عن مشاعروا يبانلي مرا .........ماشي حجرة بصح ماشي يخرط في كلشي ..........الراجل الجزايري هو لمخير في العالم كامل انا نشوفلوا

يا سلالالالامً ههههه
100 % نفس الرأي

ششكرًآ

 

[AdNan31]

ههههههههههههههه
الرومنسية خليناهالهم
المراة الجزائرية يليقلها غير السوط ههههه
​

 

[hiba14]

علابالك المشكل وين راه احنا في الجزاير ما نفرقوش بين الرومانسية و الحنانة و بين الجياحة الراجل كي يكون حنين و رومانسي نقولو عليه جايح ايا كرهو و ولاو قاع خشان لا يا اخي الر اجل رومانسي بصح في قيس الصح ماكاش اللعب
بصح قاع و هكاك نمووووووت على الجزاير اما التيارتي ما نقولكش ههههههههه

 

[نجاة40]

ماتخرجش عليهم والله ههههههههههه
تكفيني جنانة بابا وخاوتي عليا
والرومانسية بالفعل ماشي بالهدرة
​

 

[مابقاش بزاف.Dz]

الراجل الي رومنسي بزااااف تاني ماشي مليــــ
و عموما نظن ما نعرفوش اصلا واش معناها
كل واحد كيفاش طريقة التعامل ديالو

 

[barca.moha]

الراجل الرومنسي عند الجزائريين جياحة
وايلا تستاهل نمدلها حياتي كآمل هه 'يعشقها كالمجنون'
يا خوا رومنسية مكاش خلاص في بلادنا راني نشوفها غير في زي أفــــــــــلام
+ صاحبي بكى على طفلة 'قصة حقيقية'
​

 

[هدى 17]

نورة المنتدى
المركانيين كل يوم يعب على مشاعرهم حتى يسماط
بصح الجزائري ميعبرش قع بصح نهار يعبر تخلى الدنيا بصح جي حلو كي العسل من (و هذا يضم جميع المشاعر )
وشكرا على الموضوع
​

 

[Jeune Sghir Mc]

الراجل الرومنسي عند الجزائريين جياحة
وايلا تستاهل نمدلها حياتي كآمل هه 'يعشقها كالمجنون'
يا خوا رومنسية مكاش خلاص في بلادنا راني نشوفها غير في زي أفــــــــــلام
+ صاحبي بكى على طفلة 'قصة حقيقية'
​

بفففففففف
هو يبكي عليها وهي ماشي سامعة بيه اصلا
قولو قالك واحد صاحبي هاذيك الكلمة لي موالف نقولهالك فالفايس
قيه قيه قيه قيه
​

 

[Jeune Sghir Mc]

للتنويه
هاذو جماعة الرومانسية كامل كذابيــــــن
لي يحب مرا ويخاف عليها ويغير عليها
حبوو راه في قلبوو

صحيتووو
​

 

[مابقاش بزاف.Dz]

نورة المنتدى

المركانيين كل يوم يعب على مشاعرهم حتى يسماط
بصح الجزائري ميعبرش قع بصح نهار يعبر تخلى الدنيا بصح جي حلو كي العسل من (و هذا يضم جميع المشاعر )
وشكرا على الموضوع​

ما شكيتش حنونة الرومنسية هجرت و ما تخرجش عليهم
النية و المحبة تاع الصح تصيبيها فالافلام الورمنسية هدا ماكان

 

[حكاية احاسيس]

الرومانسية منسية عندنا حنا الجزايريين و أنا نشوف الرومانسية هاربة من عندنا
الراجل اللي يحب و يعشقها يخليها في القلب مايروحش ينشرها
و اصلا الرجال دركا يقولوا لأي وحدة نبغيك و نموت عليك ههههههه هدي ما نشوفها ني رومانسية ني سيدي زكري
الواحد لازم يكون رومانسي مع اقربائوا و اذا كان متزوج لازم يعامل مرتوا برومانسية
مي هدي وين نلقاوها ؟؟؟؟
المهم انا تاني نشوف الراجل الرومانسي بزاف جايح لأنوا كل شي فيه حدود

 

[سمية25]

مكان حتى رومنسية عند الجزايري سقسيوني انا عليها
ههههههههههههههه رومنسية خطيبي مكاش كيفها هههه
مي والله غير مليحناحنى النساء تخشان الراس من عند الراجل اصلا هوما كيما دارولنا مارضينا
ايلا كان رومنسي ويتقن الكلام الحلو والحنين نقولو عليه جايح ومانقدروش نتكلو عليه في المستقبل ويلا كان ناشف وراسو خشيييين ومايعرف لا حب لا ولد عمووو نقولو عليه هذا ماهوش راجل يستاهل تعيش معاه مراة ههههههههههههههه
على العموم نحب طريقة رومنسية الجزايري هي صح تتعب باش تسمعي منو كلمة مي كي يقولها ينسيك التعب
شكرااااااااااااااااااااااااا

 

[أمازيغي]

اللهم صل على محمد وآل محمد
إلا راكم تهدروا على الرومانسية النتاع الصح راها ماهيش واش راكم تقولو.
ولا تهدروا على ...................يا حليلو.

 

[barca.moha]

[/size]

بفففففففف
هو يبكي عليها وهي ماشي سامعة بيه اصلا
قولو قالك واحد صاحبي هاذيك الكلمة لي موالف نقولهالك فالفايس
قيه قيه قيه قيه
​

اعرف قصته وأحكم عليه
يا حنوني ....
نهار لي بكى كنا ـــــــــــــــــــــ الفاهم يفهم
​

 

[elbaida]

راك غلط خويا انا راجلي اكون مرة في العام رومنسي و حنين بصح يخرج بخرجات مالقصب فوووووور بزاف و نموت على الرجلة و الراجل الواعر خلين من الرومنسية هدوك معمرين دخش

 

[القطة الزهرية]

سلالالالالالالالالام
اهلا بيك اخي معانا
اااا راجل رومنسي ييييعععععع انا مانطيقش راجل رومنسي خلالالاص يجيني مرا ولا ماش واعر فيف الجزااايرين مكانش كيفو رااااجل وتعجبني فيه حاجة كي يعشق يماه خير من اي وحدة حتى من مرتو ييي واش تعجبني هاذ الصفة فيكم