++موضوع حصري..الشعب الجزائري المثقف ..رأيك في ثقافتك؟+++

souhila_95

:: عضو بارز ::
أحباب اللمة
إنضم
20 فيفري 2009
المشاركات
2,062
نقاط التفاعل
61
النقاط
77
السلام عليكم ورحمة الله وبركاته
نتمنى أنكم لاباس
حابة نقولكم عام سعيد انشاء الله عام 2012 يكون عام يمن وبركات وخير على كل الشعب الجزائري وانشاء الله اي واحد في قلبو أمنية أو في بالو حاجة معينة ماتقضاتلوش يقضيها باذن رب العالمين في هذا العام
موضوعي اليوم ساهل وبسيط
:santa_1:
الحقيقة ميضوعي على شعبنا المثقف هههههه
البارح كنت ندردش في وحد الميضوع حول الثقافة في منظور الدول العربية ومانيش عارفة يخي فجأة قلت بصوت مرتفع لقيتها ويما في هاذاك الوقت كانت تحوس على صباط خويا الصغير هههههههه حسبتني عليها قالتلي يعطيك الصحة وين راه ...قلتلها لا مانيش عليك رني على الموضوع لقيت واش نكتب في المنتدى ههه قالتلي يامصيبة نوضي انقلعي من عند الميكرو...هههه المهم عندي انا تصويرة كنت حابة نوريهالكم تعكس ثقافتنا هههه حول معلوماتنا عن خريطة العالم بالنسبة لينا كجزائريين .

381770_234848926586174_174531349284599_538020_598378131_n.jpg


ههههههههههههه الله يبارك علينا خمسة في عينين الحساد
نتمنى من الأعضاء الكرام يعمرو لينا الورقة :
ببناءا على طلب وزيرة السخافة اه اه أقصد الثقافة (خليدة تومي) :eek:i-o::eek:i-o:
:rolleyes:ههههه لاهي ذكرى للمنتدى برك
:rolleyes:
**قصدي نسأل برك يا هل ترى راك أنت العضو لي راك تقرى في الموضوع راك مثقف ولالا ؟؟
**واش هي المعلومات لي زدتها في رصيدك الثقافي في 2011 ؟؟احكيلنا باش نضحكو شوية ههه
**وعلاه الجزائرين كي يتخاصم مع حد يقولوأنت ماش مثقف ؟؟(زعمة هو مثقف ههههه)
**

تنويه : اذا كنت ضيف لازم تسجل في المنتدى باش نعرفو رايك واخطيك من هذاك التستر ملينا من لعبة الغميضة ههه:cra_zy:
*
ومسك الختام ألا وهو السلام
:re_gards:
 
أهلا بيك سهيلة هههههههه
والله ضحكتني الخريطة بزااااااااااف هههه
لي رجعة
 
وعليكم السلام ورحمة الله
أهلا بيك سهيلة
والله لقيتيها صح وجبتيها يعطيك الصحة.

شوفي الجزائريين مثقفين وعندهم في الراس، والله نحكي صح ما تستغربيش. بصح المشكل أنهم ما عندهمش ثقافة الحوار. يعني ما يعرفوش يوصلو فِكرتهم وما يعرفوش يتناقشو، لأنهم لاعبينها دايما هوما الصحاح وماكانش كيفهم.
عن نفسي 2011 الحمد لله كونت فيه شوي رصيد معرفي، بعدما تخرجت لقيت روحي متفرغة شوي وبديت نظم أموري أكثر. بديت شوي نقرا على روحي في الأمور لي تفيدني وتهمني.
+
قوليلي برك وين لقيتي الخريطة؟؟؟؟؟؟؟

هيا يعطيك الصحة آ سيهلة

روحي ترقدي غدوة ترجعي تقراي على روووووووووووحك


 
**قصدي نسأل برك يا هل ترى راك أنت العضو لي راك تقرى في الموضوع راك مثقف ولالا ؟؟
**واش هي المعلومات لي زدتها في رصيدك الثقافي في 2011 ؟؟احكيلنا باش نضحكو شوية ههه
**وعلاه الجزائرين كي يتخاصم مع حد يقولوأنت ماش مثقف ؟؟(زعمة هو مثقف ههههه)

معليش لوكان تجاوبي إنت على الأسئلة هاذو ؟؟؟
باش نضحكو وشوية كيما قلتي

 
سلام
حطيت الادريسي بعث من جديدهههههههه يعطيك الصحة حنونة
في 2011 تركيا تحولت الى نور ,مهند, سمر, الكسوفي, مراد و القائمة طويلة مهطتهاش في الخريطة.
اما اشهر الكتب التي اصدرتها تركيا نور, الزهرة البيضاء, خريف الحب,واد الذئاب....
فيما يخص سوريا اشهر كتبها الخبز الحرام ج2, جلسات نسائية ,شهرزاد,الدبور,الزعيم....
لاننسى ايران التي اصدرت الكتب الدينية كيوسف الصديق, مريم العذراء, ابراهيم عليه السلام......
اي شيء جهاز يفسد صنع في الصين القطط نقارضو كلاوهم الشناوة,الحومة فارغة مسلسل تكي راه بدا
وقت الصلاة و الجوامع فارغة اكيد البرصة و الريال راهم يلعبو,كليت حاجة وتالمت اكيد تاع بلادنا
2011 عامر بالاحداث نترك فرصة ليحب يكمل
شكرا على الموضوع الرائع
 
صح والله عندك الحق هذه هي الثقافة نتاع شعبنا الله غالب
والمشكل مرات تلقايه قاري بصح الثقافة خليها في ستر الله ما نحكوش

اما عن نفسي اجتهد ونحب نعرف يالوكان غير شوي على اي موضوع على الاقل كي نتلاقاي مع ناس فاهمة ما نبقاش غير فاتحة فمي وعنيا وماني فاهمة والو 0_0 على الاقل نشارك ولو بمعلومة

ولكن اقول لك اني لست مؤهلة بان اقول عن نفسي مثقفة
لاني كما يقول الشافعي رحمه الله كلما ازددت علما ازددت جهلا بالعلم
شكرا على الميضوع الزين ههههههه
 
جنوب إفرقيا لاكوب ديموند ههههه
 
أهلا بيك سهيلة هههههههه
والله ضحكتني الخريطة بزااااااااااف هههه
لي رجعة
ههههههههههههههه في الحقيقة لقيتها عند أختي سرقتها عليها هههههه تقتل بالضحك:eek:i-o::eek:i-o:
 
اللي عنده في الراس مع وحد العباد يرجع مسنطح مايعرف والو
اللهم واحد يلعبها درويش وخلاص خاطر كل واحد شايف روحه آينشتآين وراه قاري وواصل مانضنش يسحقو ثقافة و إثراء لرصيدهم المعرفي .. ولا نقولك رصيدهم نتاع الجهل
عجبتني الخريطه بزاف وراني قفيتها نسحقها
 
وعليكم السلام ورحمة الله
أهلا بيك سهيلة
والله لقيتيها صح وجبتيها يعطيك الصحة.
ههههههههه يعطيك الصحة :shay::shay:
شوفي الجزائريين مثقفين وعندهم في الراس، والله نحكي صح ما تستغربيش. بصح المشكل أنهم ما عندهمش ثقافة الحوار. يعني ما يعرفوش يوصلو فِكرتهم وما يعرفوش يتناقشو، لأنهم لاعبينها دايما هوما الصحاح وماكانش كيفهم.
الجزائري
:smoke: بطبعه يحب أنو يكون صح وصعيب عليه يعترف :schmoll:بالخطأ او يتراجع في رايو يعني متعصب لرأيه ...وكيما قلتي ناقصتنا ثقافة الحوار لايصال الفكر الذي يؤمن به:like_1:
عن نفسي 2011 الحمد لله كونت فيه شوي رصيد معرفي، بعدما تخرجت لقيت روحي متفرغة شوي وبديت نظم أموري أكثر. بديت شوي نقرا على روحي في الأمور لي تفيدني وتهمني.
الحمد لله بصحتك وانشاء الله 2012 يكون عام خير عليك وتترتب أمورك نحو الأفضل ..وتعرفي حوايج جديدة أكثر:lolo::thumb_up1:
+
قوليلي برك وين لقيتي الخريطة؟؟؟؟؟؟؟
هههههه واش سر هذا السؤال لي حيركم كاملين :no_1:ههههه :shay::shay:(خجلتوني والله سرقتها من عند أخت):eek:i-o::eek:i-o:

هيا يعطيك الصحة آ سيهلة
يعطيك الصحة
روحي ترقدي غدوة ترجعي تقراي على روووووووووووحك

:crying::crying:علاش تفكري فيا:heh::heh:

:re_gards:شكرا أختي انسانة ما شرفتينا بتواجدك:ans_flw:
 
هههههه مارادونا دايرينيو في البلاصة وين كاينة البرازيل

معجبتنيش نتاع يكرهونا هذيك لي فسدت الخريطة المغاربة خوتنا ولا للكراهية
 
معليش لوكان تجاوبي إنت على الأسئلة هاذو ؟؟؟
باش نضحكو وشوية كيما قلتي


ههههههههههه أنا رصيدي المعرفي زاد شوية
عندي مرة أستاذة الأدب قاتنا أبحثو عن أسماء أخرى لكلمة سيف أنا ماكذب ماوالو مابحثتش:music_whistling: ..صحبتي لي تقعد في الأخير بدات تهدر وأنا ماش حاطة معها:closedeyes: يخي قالت من أسماء السيف : منصل -حسام......حتى لحقت كلمة فيصل (فيصل معناه سيف )هههه أنا حسبتها تنادي في قائمة الحاضرين يخي قلتلها فيصل راهو حاضر يا أستاذة (واحد اسمو فيصل يقرى معنا )...وتما أستاذة تنرفزت ديمة تشكرني مسكينة دايرتني من الممتازين:mad: عندها حسبتني نتمسخر بيه وشوف هذيك تبهديلة:blushing::blushing:
هذه معلومة الاولى عرفت انو معنى فيصل السيف
وثانيا أثريت رصيدي اللغوي بحكم أني أصبحت نكتب خواطر احم احم:shiny:
وشوية سياسة تعرفت على بعض السياسيين الجزائريين وشفت في انجازاتهم :det_ective::det_ective:
حفظت تلخيص للتاريخ الجزائري عن ظهر قلب:thumb_up1:
بالنسبة للجغرافيا هههههههههه عرفت بلي أستراليا اسمها الحقيقي أوربا وأوربا كاملة اسمها فرنسا ههههههه بناءا على الخريطة المصنوعة في الجزائرmade in algeria
وشوية من العلوم تعرفت على (رهجتني العلوم نتع هذا العام)مراحل التجدد الخلوي....خلينا مانتبهدلوش هه
وأخيرا فهمت بلي راني مافهمت والو كيما قال حكيم زلوم:re_gards:
 
سلام
حطيت الادريسي بعث من جديدهههههههه يعطيك الصحة حنونة
في 2011 تركيا تحولت الى نور ,مهند, سمر, الكسوفي, مراد و القائمة طويلة مهطتهاش في الخريطة.
اما اشهر الكتب التي اصدرتها تركيا نور, الزهرة البيضاء, خريف الحب,واد الذئاب....
فيما يخص سوريا اشهر كتبها الخبز الحرام ج2, جلسات نسائية ,شهرزاد,الدبور,الزعيم....
لاننسى ايران التي اصدرت الكتب الدينية كيوسف الصديق, مريم العذراء, ابراهيم عليه السلام......
اي شيء جهاز يفسد صنع في الصين القطط نقارضو كلاوهم الشناوة,الحومة فارغة مسلسل تكي راه بدا
وقت الصلاة و الجوامع فارغة اكيد البرصة و الريال راهم يلعبو,كليت حاجة وتالمت اكيد تاع بلادنا
2011 عامر بالاحداث نترك فرصة ليحب يكمل
شكرا على الموضوع الرائع
حوصلة رائعة تلفزيونية تركية ورياضية واجتماعية برافوووووووووووو:sheer::sheer::sheer:يعطيك الصحة اختي
 
صح والله عندك الحق هذه هي الثقافة نتاع شعبنا الله غالب
والمشكل مرات تلقايه قاري بصح الثقافة خليها في ستر الله ما نحكوش

اما عن نفسي اجتهد ونحب نعرف يالوكان غير شوي على اي موضوع على الاقل كي نتلاقاي مع ناس فاهمة ما نبقاش غير فاتحة فمي وعنيا وماني فاهمة والو 0_0 على الاقل نشارك ولو بمعلومة

ولكن اقول لك اني لست مؤهلة بان اقول عن نفسي مثقفة
لاني كما يقول الشافعي رحمه الله كلما ازددت علما ازددت جهلا بالعلم
شكرا على الميضوع الزين ههههههه
يعطيك الصحة عندك الحق بحر العلم لا ينتهي الواحد مهما تعلم يبقى ناقص الآية الكريمة قول الله تعالى *وما أوتيتم بالعلم الا قليلا * شكرا على المرور الزين
 
اللي عنده في الراس مع وحد العباد يرجع مسنطح مايعرف والو
اللهم واحد يلعبها درويش وخلاص خاطر كل واحد شايف روحه آينشتآين وراه قاري وواصل مانضنش يسحقو ثقافة و إثراء لرصيدهم المعرفي .. ولا نقولك رصيدهم نتاع الجهل
عجبتني الخريطه بزاف وراني قفيتها نسحقها
معليش غير اديها راهي تعكس ثقافتنا كاملين هههههه ...شكرا على الرأي الهايل ويعطيك الصحة على المرور:re_gards:
 
هههههه مارادونا دايرينيو في البلاصة وين كاينة البرازيل
ههههههههههههه الله يبارك ماشاء الله :shiny:

معجبتنيش نتاع يكرهونا هذيك لي فسدت الخريطة المغاربة خوتنا ولا للكراهية
مانجمعوش. فيهم وعليهم .
شكرا على المرور:re_gards:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top