من ظواهر مجتمعنا...........

ربي يحفظك شوشو .. فكرتيني في الخمار
والله نحير في هاذوك لي تكون زعما متحجبة وكي تروح للعرس تنحي الخِمار.
ما نعرف وش تبانلها حضارة والا تقدم والا واش.
والله نحمد ربي أنو هناني من الأعراس. من 4 سنين ما دخلتش عرس والحمد لله عايشة في راحة ..
+
نسيت نعطيلك تقييم
ايه ينحيو الخيمار كي يخرجو في الكورتاج :scared:
وكي يروحو للبحر
هادا تسهويش وغباء هوما يشوفو فيه حضارة
الحمد لله تهنيتي منهم
شكرا على التقييم
او مخلوف ههه
 
انا تبالي كي يكن عرس ماشي مخلط معناتها نساء برك مافيهاش عيب لمرا تكون باهية وحلوة

هاذي باينة أختي نوال مع أنو عراسنا الآن فيها من المناكر ما فيها حتى لو كانت نساء برك.
أكيد المرأة يجوزلها تتزين بين النِساء المسلمات لكن الأخت راهي تحكي على هاذوك لي يخرجو في الأعراس وهي متزينة على الآخر والخلق كامل يتفرج فيها.
والله بعض النساء كثرو صح، زينة فوق اللاااازم والمشكل أنها تخرج برا هكاك.


 
ااااا علقي علقي راني الفيد قاتلني حابة نهدر شوي ونفرغ قلبي
حبيت نسقسيك ضك انتي الهدف من موضوعك
هو انو تقولي مايزيدوش النساء يتزينو خلالالاص ولا كيفاه
الهدف من موضوعي هو
هدرت على ظاهرة شايعة وشفتها في المجتمع تاعنا وهادا اللي يهدر عليه ركن واش راك تهدر
ومارانيش قلت النساء ميتزينوش
تتزين كي توصل للعرس علاه عليها النش هاداك كامل ؟
ولا تستر روحها بخيمار ولبسة محترمة باه متبانش الزينة تاعها لانها تدير في الفتنة وتربح في الذنوب وخلاص ولا واش رايك خيتي ؟
 
انا تبالي كي يكن عرس ماشي مخلط معناتها نساء برك مافيهاش عيب لمرا تكون باهية وحلوة
شوفي نوالو انا محكيتش على انها مالازمش تتزين في العرس
حكيت على لي تتزين وتدير شعرها وتحط نص خيمار وقندورتها باينة وتفضح روحها قدام الرجال في الطريق لي يعدي يشوف معاها وهيا تربح ذنوب فهمتي؟
 
صحيتي ختي على الموضوع

فيف السلفيين في الامور هاذو
انا مرتي بربي ان شاء الله ما يشوفها حتى واحد وياسعدو لي يقدر يشوف حتى وجهها
راهي ختي هنا طل عليا وش راني نكتب كي تروح ونجي نعبر مليح
صحيتي
اهلا اخي
ايه وعندك حق وكي ميصونش الراجل مرتو شكون يصونها؟
هو ينصحها ويوريلها اذا غلطت وهاذا ماش عيب العيب في اللي تكون عارفة وتغلط والعيب في الراجل لي يعود حاسب روحو راجل وهو مرتو مبهدلاتو
ههه راها تقرعج عليك مرحبا بيك في كل وقت
صحيت
 
وتاني نهار يسرقولها ذهباتها تنوض



هههه تولي تلعن النهار لي زادت فيه و دارت فيه دهب
معليش راكي تعرفيهم يحبو يزوخوا خخخ
-----
زعما يديرو الماكياج باش يبانو شابين بصح لي دير هكدا خاطيها الانوثة ههه ..خاطر ماعندهاش الحيا لي لازم يكون عند كل واحدة ....
حتى الرجال سرحولهم الحالة خخخخ
يدوهم و يجيبهم من عند الحلاقة خخخ
ميرسي شوشو
 
صحيتي ختي على الموضوع

فيف السلفيين في الامور هاذو
انا مرتي بربي ان شاء الله ما يشوفها حتى واحد وياسعدو لي يقدر يشوف حتى وجهها
راهي ختي هنا طل عليا وش راني نكتب كي تروح ونجي نعبر مليح
صحيتي
اهلا اخي
ايه وعندك حق وكي ميصونش الراجل مرتو شكون يصونها؟
هو ينصحها ويوريلها اذا غلطت وهاذا ماش عيب العيب في اللي تكون عارفة وتغلط والعيب في الراجل لي يعود حاسب روحو راجل وهو مرتو مبهدلاتو
ههه راها تقرعج عليك مرحبا بيك في كل وقت
صحيت
 
السلام عليكم و رحمة الله و بركاته
عيش تشوف
مرأة رايحة لعرس تقول رايحة لحفلة تنكرية
نزيدلك ماهمش يديروا هداك الربيج في وجوهم غير في لعراس
ياو شوفيها صباح رايحة تقرا و لا تخدم تحيري؟؟؟؟؟
و كي تنحيه من وجهها تقولي فيلم رعب
علاه بيهم يتزينوا؟ و ليمن راهم يتزينوا؟؟؟؟
و الراجال تبالي اللي يشوف منكر مرتاه و يفرح بيه راه عار عليه وراه ناقص رجولة و نيف ايييييييييييه
ربي يهدينا و يهدي الناس
 
وتاني نهار يسرقولها ذهباتها تنوض





هههه تولي تلعن النهار لي زادت فيه و دارت فيه دهب
معليش راكي تعرفيهم يحبو يزوخوا خخخ
-----
زعما يديرو الماكياج باش يبانو شابين بصح لي دير هكدا خاطيها الانوثة ههه ..خاطر ماعندهاش الحيا لي لازم يكون عند كل واحدة ....
حتى الرجال سرحولهم الحالة خخخخ
يدوهم و يجيبهم من عند الحلاقة خخخ
ميرسي شوشو


ههه عجبني ردك
او في ظنها لازم تمكيج نهار العراسات ولايطيرولها راسة قلبوها لازمة ههه عندهم شهرة هادي
ناسية بلي راهي مرت راجل
صحيتي على المرور
 
اهلا عمتي البوليسية ههههه عودة قوية
عندك وقت مدرتيش هنا و انا عندي وقت مش ندخل :eek:i-o:
ييييييييييييييه على ايامات زمان
والله عندو الحق مكانش كي قال
من أنتم ........اين كنتم ههههه:showoff:

صحيتي صحيتي مدرتيليش اهداء كيما بكري:santa_1:

راني نرجع نحكيلك على المخلوقات الفضائية لي نشوفوها فالاعراس هههه

نروح نسخن رجليا راني جامد:shiny:

 
السلام عليكم و رحمة الله و بركاته

عيش تشوف
مرأة رايحة لعرس تقول رايحة لحفلة تنكرية
وعليكم السلام
هههه في هاذي جبتيها
تقول حفلة تنكرية تاع القرن 14
نزيدلك ماهمش يديروا هداك الربيج في وجوهم غير في لعراس
ياو شوفيها صباح رايحة تقرا و لا تخدم تحيري؟؟؟؟؟
و كي تنحيه من وجهها تقولي فيلم رعب
علاه بيهم يتزينوا؟ و ليمن راهم يتزينوا؟؟؟؟
بعوووووووو تقول فومبير
و الراجال تبالي اللي يشوف منكر مرتاه و يفرح بيه راه عار عليه وراه ناقص رجولة و نيف ايييييييييييه
وي المشكل تلقايه يفخر ويزوخ وانا وانا ومرتو دايرة رايها

ربي يهدينا و يهدي الناس
امين
صحيتي على المرور الطيب
 
هههه وحدها هادي يانوال هههه
وشا كانت ردة فعلها باينة
تشوكات وحبست في الطريق
دارت النش
لااااااااااااا حنا مانمشيوش برا كي نكونو رايحين لعراس يكسرولنا رجلينا ههههه راكي تعرفي العقلية
 

هاذي باينة أختي نوال مع أنو عراسنا الآن فيها من المناكر ما فيها حتى لو كانت نساء برك.
أكيد المرأة يجوزلها تتزين بين النِساء المسلمات لكن الأخت راهي تحكي على هاذوك لي يخرجو في الأعراس وهي متزينة على الآخر والخلق كامل يتفرج فيها.
والله بعض النساء كثرو صح، زينة فوق اللاااازم والمشكل أنها تخرج برا هكاك.


فهمتك اختي لالا حنا مانروحوش نمشيو الحمد لله:santa_1:
 
اهلا عمتي البوليسية ههههه عودة قوية

عندك وقت مدرتيش هنا و انا عندي وقت مش ندخل :eek:i-o:
ييييييييييييييه على ايامات زمان
والله عندو الحق مكانش كي قال
من أنتم ........اين كنتم ههههه:showoff:
اهلا عمو مول لقرع :eek:i-o:
او حكمني البه لمدة طويلة واليوم قررت نرجع
ايامات زمان :showoff:

صحيتي صحيتي مدرتيليش اهداء كيما بكري:santa_1:
مدرتس زعنانة :schmoll::schmoll::schmoll:

راني نرجع نحكيلك على المخلوقات الفضائية لي نشوفوها فالاعراس هههه​

نروح نسخن رجليا راني جامد:shiny:
هههههههههههه
مخلوقات فضائية ههههههههه
باين فيهم عجب
ارجع مالا رانا نستناو
:re_gards:
 
لااااااااااااا حنا مانمشيوش برا كي نكونو رايحين لعراس يكسرولنا رجلينا ههههه راكي تعرفي العقلية
ههه تاعنا يمشيو كي يعود العرس قريب
 
الهدف من موضوعي هو
هدرت على ظاهرة شايعة وشفتها في المجتمع تاعنا وهادا اللي يهدر عليه ركن واش راك تهدر
ومارانيش قلت النساء ميتزينوش
تتزين كي توصل للعرس علاه عليها النش هاداك كامل ؟
ولا تستر روحها بخيمار ولبسة محترمة باه متبانش الزينة تاعها لانها تدير في الفتنة وتربح في الذنوب وخلاص ولا واش رايك خيتي ؟

ويييي عندك حق مي حنا عندنا في شلغوم وكيما علابالكم حنا شوي مغلقييييييين علينا ماشفتش بزاف منها مي كي نروح لعند جدا كاين نشوفها انا ديجا راني درت موضوع من قبيل احم وضك يقبلوه سؤالي فيه واش معناتها الرجولة نتمنى تردي عليه (لنجيفك ههه اني نضحك) والله ياختي مانعرف اذا يخلعو في رواحم ولا في الغاشي علابالك كيفاه رانا مسلمين غير بالوراثة الا من رحم ربي وين هو الراجل الي يخلي بنتو ولا مرتو ادير المنكر او وين هي لمرا الي تستر روحا وماتخليش نفسها شوينgوم في فام الناس واش تحبي هذي اكل من ثقافات الغرب الي غير يتبعو فيهم وبدلو كل حاجة كان اسمها حرام او ولاو يقولو الغاية تبرر الوسيلة هذا مكان ربي يهدينا
 
فهمتك اختي لالا حنا مانروحوش نمشيو الحمد لله:santa_1:

هيه أختي فهمتك، لكن حتى في السيارة. لي تكون عاملة في روحها هكاك لما توقف قدام الدار تع العرس أكيد رح يكون رجال واقفين لثم ورح تهبط هي من السيارة بنص خمار ونص عباءة وطابلو في وجهها وريحة الريحة ضاربة والطالو إلى آخره. وأرواحي واتفرجي ..

 
أهلا أهلا بشبش نورتي المنتدى ... راكي سبقتيني أنا هذا وين طرحت موضوعي
وراني نسنى فيهم يعتمدوهولي ... ايه شفتي ديك لخلايع تاع لعراس .؟
يحسبو رواحهم دارو ماكياج وهوما مسكينات والله يغيضو كي الرهبان لي كي تشوفو
تتخلع ... كوارث طبيعية تتجول في الشارع الجزائري وتدخل قاعات الحفلات ...
خلاّتها ماما هدرة يجيو كي الزيغـــة ... هذا الديكسيوناغ تاع ماما ما تسقسيونيش عليه
...
الحمد لله انا ما نديرش الماكياج الزين تاع ربي الحمد لله احم احم ... 5 وخموس عليا
--- الله يبااارك ---
وحتى ماما ما تديرش الماكياج غير حاجة خفيفة برك وخلاص ... حتى هي مليحة تاع ربي
وكيفاش ما الطفلة خرجت لأمها ههه ... شوفي درك يقولو واش بيها هذي تشكر في روحها
ومديتها في روحها ... وي نديها ونزيد ... مكرة ... هيا اتهلاي بشبش وكي يعتمدولي الموضوع
روحي ردي ديريلي لومبيونص ... أنا نروح نتفرج لميس ونرجــع ... نخليك مع لي خاطيهم
المسلسلات زعــمة ... احم ... سلامو
 
ويييي عندك حق مي حنا عندنا في شلغوم وكيما علابالكم حنا شوي مغلقييييييين علينا ماشفتش بزاف منها مي كي نروح لعند جدا كاين نشوفها انا ديجا راني درت موضوع من قبيل احم وضك يقبلوه سؤالي فيه واش معناتها الرجولة نتمنى تردي عليه (لنجيفك ههه اني نضحك) والله ياختي مانعرف اذا يخلعو في رواحم ولا في الغاشي علابالك كيفاه رانا مسلمين غير بالوراثة الا من رحم ربي وين هو الراجل الي يخلي بنتو ولا مرتو ادير المنكر او وين هي لمرا الي تستر روحا وماتخليش نفسها شوينgوم في فام الناس واش تحبي هذي اكل من ثقافات الغرب الي غير يتبعو فيهم وبدلو كل حاجة كان اسمها حرام او ولاو يقولو الغاية تبرر الوسيلة هذا مكان ربي يهدينا

ايه حسب كل بلاصة وكيفاه حنا عندنا الظاهرة هادي مفهمناش التركيبة تاعهم كيفاه دايرة وتهدري معاهم يلعبوها خاطيهم في لحوايج لوخرا وهوما راهم شوينgوم في فم الناس
احسنتي التشبيه ههه الله يهدي من خلق
ههه نجي نرد باين فيه موضوع مليح
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top