Aabe idol المهزلة

وصال

:: عضو بارز ::
أحباب اللمة
إنضم
6 جوان 2011
المشاركات
1,059
نقاط التفاعل
656
النقاط
51
العمر
37
محل الإقامة
الجزائر
الجنس
أنثى
السلام عليكم ورحمة الله تعالى وبركاته

واش راكم ناس لمتنا لاباس ايا اوكي الحمد لله

البارح كنت نشوف في التلفزيون:u_pc: قالك قاعدة طالعة هابطة وبيناتنا ماني متبعا والوا صدفة لقيت برنامج Arabe idol
وصبت الطايح كثر من النايض والله غير حرت يا بخستي واش هذا راجل يبكي ؟ وعلامن على حاجة بايخة كيما هادي :scared::scared:وزيد لي حبسلي راسي واحد في لجنة التحكيم قال لزوج كانوا زعما يغنيو ديو جابوها سنسلة قاللهم ايا غنوا كل واحد وحدوا واش حسبتلكم رانا نسمعوا في القران ؟ اااااااااااااااااااااااه عجب كيفاش قدر يهدر هكذا وجاب سيرة القران ومأنبوش ضميروا يا الله انا والله قعدت حالة فمي :scared::scared: وقريب مامت من الضحك :laugh::laugh:نهار شفت واحد يبكي تقولشي ماماه ماتت ولا باباه وزيدو عمروا راسكم واحد داخ :cursing: وزعما صحابوا بداو يجريو ليه :busted_red: الاسعافات الاولية تامنوني والله متجرعتها وجاتني حاجة بيزاغ كيفاه راجل يتصرف تصرفات كيما هادوا احنا النساء معروف علينا البكاء وغيرو وبيناتنا شابة فينا :sheer::sheer:بصح رااااااااااااااجل قوجة راجل يبكي علاخاطر مقبلوهش هما يقولوا محبوب العرب اسمحولي مهرج العرب وي واش رايكم في هذا نورمال زعمه؟

وصال كانت هنا
:shay:
تقبلوا تحياتي .
 
أهلا بيك وصال
والله مانحمل نتفرج الرخاس هذو
يانتفرج الأخبرا يا الأشرطة الوثائقية برك
ساعات وين يجيبو الجماعة فيديوات تاع بعض المهازل كيما قلتي
تحيري صح
وأنا ألي تحيرني كثر كيفاش صح راهم يشوفو في رواحهم مواهب
ولا مانصحوهمش ولا كيفاش ؟؟؟
يعطيك الصحة وصال
 
هههه و الله تبهدييييلة
صتر ربي جزايري ما شارك فيها ههه
 
و كان داروا plaisir راهم نحاوا جد البرنامج هدا
كي اصوات المشتركين كي لجنة التحكيم حاجة ما تصلح
يعطيك الصحة عالموضوع
 
هههههههه لالا اختي ماسمعتيهش مليح

راهو قال كورال ماش قرآن الكورال هي الفرقة للي تغني مع بعضاها

الله غالب هذا هو حال لعرب

ربي يهدينا
 
سلالالالالالالالام
الحمد لله خاطينا التبهدايل هذي عندنا الحان وشباب تاعنا تكفينا مافيها لاعرى لاتمصخير على حساب ظني
 
يابخستي على هاداك arabe idOl تبهديلة من لكبار
en plus البخسة لكبيرة الحكام و الي يجيو كيما قلتي يبكيو سبحان الله والله ماتلقاي واش تهدري وزيد ماعندهم حتى مواهب
الموهبة ميش فالغني ......!
حقيقة كلهم رخاس==0
والي يشوفهم ......
مارسي على الموضوع
**
 
يبكيوا على المال والشهرة ماشي على الغناء
لان الغناء اصبح مهنة البطال يبدى يشوف واش يخترع من أجل الكسب السريع يلقى بلحوحتوا شوية تشبه يبدى يألف هو و يلحن هو ويغني هو يعني حنا في حنا يبكي على السيارة و على الشيك
 
ماعدنا مواهب تصلح مانشوفوهم جياحة في جياحة
 
السلام عليكم

والله ياختي انا تاني نحير كي يقعدوا يبكوا هكداك وعلى حاجة كيما هادي

يروحوا يتلهاو بحاجة تنفع ماشي خير

فلسطين اسيدي يروحوا يحرروها خيرمن يقعدوا يلعبوا هاد التمسخير

ربي يهدي ماخلق

صحيتي اختي

+تقييم
 
وشنو هذا البرنامج منعرفوش اسمحولي tv خاطيني
مرسي
 
انا سمعت بلي هدا البرنامج يعني معبود العرب مدايراتوا امريكا برك بلعاني قالبينها يقولوا محبوب العرب
والله اعلم خرافات كيما هادي غير ربي يستر خرطي في خرطي
 
وعليكم السلام
فكرتيني في الحان وشباب
وهاداك الاغواطي لي دار النش
راهم مضحكة ماشهم مواهب
كي تحبي ترفهي على نفسك روحي شوفيهم
صحيتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top