موضوع يجب قراءته

[جرتــول]

السلام عليكم

والله قابلتني حاجة وحبيت نقولها باختصار

لما تكون مزروب وقاصد حاجة ويصدم فيك صاحبك ولا واحد معريفة
هاه
تضطر تضحي بدقيقة ولا زوج من وقتك باش تسلم عليه .. !! ( ماعليهاش .. ماقلنا والو )

هنا مستحيل يخليك تروح .. :cra_zy: لازم اولا تجاوبو على شوية اسئلة مانعرف تفيدو أم لا
( واش لحوال .. وين راك .. واش داير فيها .. ؟؟ الخ )

ومن خلال الاجوبة تعك المختصرة جددا ( العناوين ) قادر هاد السيد يلصق
يلصق في وحدة من التفاصيل ويتعمق معاك ..

وتزيد تضطر تحكيلو ... وبلا مانكمل راكم تعرفو بلي رااحت قضيتك ومشوارك اللي كنت قاصدو
في حكايات شهرزاد

وبعد هادا كامل يزيد يحلف عليك تشرب حاجة _o:

...

غريبة

لما تدخل ريسطورون قاصد كمية فريت ويجيبلك النادل صحن ملوخية
يقولك هادا لبّس بيه المعدة حتى يوجد لفريت !!!


خاوتي طرحت هدا الموضوع

لاني دخلت اليوم للمة في عجالة .. ولقيت 8 مواضيع يجب قراءتها
وركزولي على كلمة يجب :sad:

وزيد عيب عليا الادارة تعرض فيا نقرا موضوع ومانقراهش :sadwalk:

سؤال :
ماهي تصرفاتكم تجاه المواضيع هادي .. لأني قريت حتى نسيت علاش دخلت

​

 

[simou11]

هههههههه
ربي يصبرك خويا مع الشعب تاعنا
انا ماعنديش مشاكل
زوز كلمات و نقول ايا نخليك برك والله راني مزروبة
و نروح نجري
+
مواضيع يجب قراءتها انا و المزاج
المواضيع لي تهمني نقراها
و لي متهمنيش نخليها يوم اخر كي نعود "قضية لا" و نقراها
+
هاديك تاع الريسطو نقولو زيدها على حالك الملوخية ضرك نستنا حتى يوجدو ليفريت !!​

 

[adel-mz]

سلام
كبري بالك اختي هادي حالة العقلية dz حتى وادا قلت اسمحلي راني مغصوب ميحسنش عونك ويولي يقولك واش راك تتقلش علينا غير قيمنا ههههه كيما دير متسلكش ،توت فاسون ارصاء الناس غاية لا تدرك ،درنا كل السبل مالقيناش الحل وليقت روحي غير ندير في الزعاف لعمري الور ولا الواحد يكبر بالو ا والعافية ، بالنسبة للمواضيع يجب قرائتها بصراحة نقراها لانها اكيد تكون مهمة ومفيدة لانها ثبتت من طرف الادارة بعد التمعن فيها ،
شكرا لك الاخت

​

 

[EL General]

هههههه الحكمة تع الناس و يقولك دقيقة برك من وقتك
حتى يحكمك عام كامل و انت تحكيلو في حكايات شهراز كيما قلت هههه
شكرا خويا
موفق .
​

 

[كمايا]

ههههههههههههه

بكري برك ونا نسقسي في روحي قلت زعما كامل يقراو هذوك المواضيع ؟ ههههه


مي انت يعطيك الصحة

اما عن الموضوع انا تصرالي سيرثو كي نجري ورا البيس ونلقى طفلة صحبتي ولا جارتنا

نتعطل معاهم مي الله غالب يعدروني كي يقولولي معليكش لاباس نجاوبهم لاباس الحمدالله وانا ديجا مشيت ميثرا ^^

شكرا على الموضوع المسلي هههه

 

[nina bonoise]

ايه منكره واحد يعطلني نولي نحكي حتى تروح عليا القضية
و حكاية مواضيع يجب قرائتها
انا و مورالي

 

[أم راضية ~_]

السلام وعليكم
ههههههههههههه انا ما عنديش مشكل خلاص
في طبيعتي ريتم خفيف نهدر بالزربة
و الحمد لله يفهموني يعني حتى لو نكون مزروبة راهم والفو بيا قادرة في دقيقة نجاوبهم على كلش و يروحو فرحانين من تعمار لقرع تاوعهم ههههههههه
’ انا نتقلق من هادوك الثقاااااااااااااال في كلش نهار اللي نكون مزروبة صح و نحتاج جواب تع ايه ولا لالا و يضربو نص ساعة باش يردولي الجواب ماعلاباليش :scared::cra_zy::cra_zy::cra_zy::cra_zy:
انا تم نهبل صح اااااااااااه :cursing::cursing::cursing: :crying_1::crying_1::crying_1:
و الله غير نتقلق منهم
صحيت على الموضوع الجميل
وهادا تقييم من عندي+

 

[nawal 88]

c vrai اكره حاجة عندي كي نكون ندير في لغداء ويعيطولي لافامي ويبداو يحكيو يااااااااااااااااااي نكررررررررررره حياتي​

 

[مكسورة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ

 

[الزنبقة السوداء]

من مرتك قلو سامحني خويا عندي قضية ذرك نرجعلك
ذيك المرة صراتلي صح كي رجعت لطفلة لقيتها راحت

 

[hiba14]

هههههههههههه امنيني العشا راه يطيب و راني مقلقة قلت ندخل تم تم عشيت نقرا في الموضوع تاعك و نخف و من بعد نرد يعني خير دليل على شا راكي تحكي

 

[جرتــول]

هههههههه
ربي يصبرك خويا مع الشعب تاعنا
انا ماعنديش مشاكل
زوز كلمات و نقول ايا نخليك برك والله راني مزروبة
و نروح نجري
+
مواضيع يجب قراءتها انا و المزاج
المواضيع لي تهمني نقراها
و لي متهمنيش نخليها يوم اخر كي نعود "قضية لا" و نقراها
+
هاديك تاع الريسطو نقولو زيدها على حالك الملوخية ضرك نستنا حتى يوجدو ليفريت !!​

اللهم آمين راني تعلمت التصراف
+
هادو المواضيع صورة طبق الاصل على الامثلة اللي طرحتهم
تكون بقضيتك و يشد فيك واحد
+
ايه نعم .. نستناو لفريط

=
شكرا على المشاركة سيمو​

سلام
كبري بالك اختي هادي حالة العقلية dz حتى وادا قلت اسمحلي راني مغصوب ميحسنش عونك ويولي يقولك واش راك تتقلش علينا غير قيمنا ههههه كيما دير متسلكش ،توت فاسون ارصاء الناس غاية لا تدرك ،درنا كل السبل مالقيناش الحل وليقت روحي غير ندير في الزعاف لعمري الور ولا الواحد يكبر بالو ا والعافية ، بالنسبة للمواضيع يجب قرائتها بصراحة نقراها لانها اكيد تكون مهمة ومفيدة لانها ثبتت من طرف الادارة بعد التمعن فيها ،
شكرا لك الاخت

​

راني كبرت بالي

و كبرت معاها الصورة هادي يا لعزيز باش تشوفها مليح

​

 

[جرتــول]

هههههه الحكمة تع الناس و يقولك دقيقة برك من وقتك
حتى يحكمك عام كامل و انت تحكيلو في حكايات شهراز كيما قلت هههه
شكرا خويا
موفق .
​

يعطيك الصحة​

ههههههههههههه

بكري برك ونا نسقسي في روحي قلت زعما كامل يقراو هذوك المواضيع ؟ ههههه


مي انت يعطيك الصحة

اما عن الموضوع انا تصرالي سيرثو كي نجري ورا البيس ونلقى طفلة صحبتي ولا جارتنا

نتعطل معاهم مي الله غالب يعدروني كي يقولولي معليكش لاباس نجاوبهم لاباس الحمدالله وانا ديجا مشيت ميثرا ^^

شكرا على الموضوع المسلي هههه

يعطيك الصحة .. كتبت الموضوع حتى ابلغ رسالة
اعتذار لاصحاب تلك المواضيع أني ماقريتهمش .. وحطيت مثالين للتشبيه فقط

شكرا الموضوع ماعلاباليش بيه مسلي سينو راني فايكسيتو لقسم النكت
:shiny:​

ايه منكره واحد يعطلني نولي نحكي حتى تروح عليا القضية
و حكاية مواضيع يجب قرائتها
انا و مورالي

مانكدبش عليك حتى ولو مورالي مليح ماضنيتش نقراهم​

 

[جرتــول]

السلام وعليكم
ههههههههههههه انا ما عنديش مشكل خلاص
في طبيعتي ريتم خفيف نهدر بالزربة
و الحمد لله يفهموني يعني حتى لو نكون مزروبة راهم والفو بيا قادرة في دقيقة نجاوبهم على كلش و يروحو فرحانين من تعمار لقرع تاوعهم ههههههههه
’ انا نتقلق من هادوك الثقاااااااااااااال في كلش نهار اللي نكون مزروبة صح و نحتاج جواب تع ايه ولا لالا و يضربو نص ساعة باش يردولي الجواب ماعلاباليش :scared::cra_zy::cra_zy::cra_zy::cra_zy:
انا تم نهبل صح اااااااااااه :cursing::cursing::cursing: :crying_1::crying_1::crying_1:
و الله غير نتقلق منهم
صحيت على الموضوع الجميل
وهادا تقييم من عندي+

هذا واش يدور في بالي هاديك اللحظة

​

c vrai اكره حاجة عندي كي نكون ندير في لغداء ويعيطولي لافامي ويبداو يحكيو يااااااااااااااااااي نكررررررررررره حياتي​

غير تنسايه رح تتغداو محروقات ​

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ

لوكان ما رديتش برك .. يا مكسورة نقولك ظظ ههههه​

من مرتك قلو سامحني خويا عندي قضية ذرك نرجعلك
ذيك المرة صراتلي صح كي رجعت لطفلة لقيتها راحت

سياسة الليكيداسيون ​

 

[adel-mz]

راني كبرت بالي

و كبرت معاها الصورة هادي يا لعزيز باش تشوفها مليح

​

خويا اسمحلي خطا من غير قصد احتراماتي لك
بارك الله فيك (◠‿◠)

 

[جرتــول]

كيف كيف

لحد السـاعة كيفاه نتخلص من المواضيع التي يجب قرءتها
مع أني قريتهم ؟؟
​