اطفال اليوم

[samora20]

السلام عليكم اشكركم على الرد على مواضيعي حبيت نحكيلكم على موقف شفتو كنت راكبة في البيس شفت وحد الطفلة تقرا في 6ابتدائي والله غير حرت فيها كي قربت من مدرستها خرجت مقلمتها نتاع ادوات داير فيها المكياج وقعدت تمكيي وبدات تلح على صحبتها باش دير تاني مخ احبس مصدقتش لشفته مين قاللها وحد الشاب واش راكي ديري مماك مشافتكش قالت ليه راني كبيرة وانت مكان مدخلك مسكين احشم وسكت وقال لصاحبه ايه هدو اطفال اليوم لرحو يكونو رجال الغد صح حنا في وقتي من كنت في اللابتائي مكانش هدا اللاشياء تصرى نصيحتي مراقبة اطفالهم

 

[ماكانش]

أهلا بيك سمورة
عيش تشوف صح
هذي مسكينة ألي تقرا في الإبتدائي واش تعرف ؟؟؟ أكيد شافت يماها ولا ختها لكبيرة في الدار أدير في الماكياج ...
وهل كي تروح في الطريق تمسحو ؟؟؟ زمعما الأم ماراحش تشوف ليتراس تاع الماكياج، ولا هذ الطفلة إكسبار تعرف تمسح ؟؟؟​

 

[SAFA-94]

ههههههه فكرتيني في وحد الحكاية
هادي مرا تحكي قالت كنت نمشي انا وبنتي الصغيرة تقرى سنة 3ولا4 ابتدائي المهم عقبت عليهم طفلة معمرة روحها ماكياج . قالت المرا لبنتها انت يخي كي تكبري ماتكونيش كيما هادوا قالتلها مالا علاه راح نكبر هههههههههههههههههههههههههههههههههههههههههه
مرسي على الموضوع​

 

[iktimel]

ih sah hadi kayna bzf
..hadou fl primèèr w dèrou heka pfff
w arwahi lta3 lycèe
yèw rabi yahdina w khlass wèch rah ngoulk ya khti
mrc 3la lmawdou3 lmoumayz khtitou
​

 

[nawal 88]

ومامها وراها مايش تشوف في ادوات بنتها ولا
سبحان الله أمهات آخر زمن ماش الصغار حاشاهم العيب​

 

[AWDIESL]

مانعيبوش الطفلة

نعيبو على الوالدين تاعها
لي مارباوهاش
و ماراقبوهاش
و عطاولها الظوء الاخضر باش دير هكدا
كيفاش طفلة ترفد هاد الماكياج
بلا ما يفيقولها الوالدين تاعها


صحيتي
​

 

[ماكانش]

وشكون شرالها الماكياج ؟؟؟
ولا وحدها راحت للكوسميتيك وخيرت واش يخرج عليها ؟؟؟
انا نقول يماها علابالها ...​

 

[كمايا]

ابتدائي !!!

كارثة عظمى

اول مرة نسمع بحكاية كيما هك

صدق للي قال عيش تشوف

مشكورة على النقل

 

[nawal 88]

وشكون شرالها الماكياج ؟؟؟

ولا وحدها راحت للكوسميتيك وخيرت واش يخرج عليها ؟؟؟

انا نقول يماها علابالها ...​

معاك حق راني قلتها قبيل ​

 

[اعيش راضية]

السلام عليكم
يعطيك الصحة على الموضوع
يعني عيش تشوف و عيش تسمع
انا رأي من راي مكانش لوكان ماشافتش واحد كبير في الدار يدير هكا ماديرش و والديها ماهمش موتى باه مايشوفوش هاد الشي
والله اعلم
تقبل مروري
الحمد لله ​

 

[دعاء الحق]

وي صح هذي الظاهرة منتشرة بزاف
مي هذا راجع للوالدين بيان سيير مش يراقبو في ولادهم
ربي هيد ماخلق

 

[زهرة الجنوب9]

الله يهدي هدا من قلة رقابة

 

[samora20]

نشكركم على الرد

 

[ملكًة الاحسآس]

وعليكم السلام
ياحي على الطفلــة تقراا 6 ابتدائي ـ بلكـ 5 ياكـ مكانش 6 دركـ ههه ـ لاعلينا مشي موضوعنــا
يظهرلي الطفلة بصغرهــا متديرش هكدا من روحهــا ، سور شافت اختهــا ولا كاش وحده من فاميلتهــا
mais الي محيرني الماكياج فالمقلمة تاعهــا نورمالمون تكون امهــا علابالهــا ، ولا منين جابتوو
بصح حبيت نسقسيكـ كي دارت الماكيــاج عرفت تحطوو ولا غير بلحطت روحهــا ؟؟؟
اممم الا ماكيات كما وحده كبيرة صايي متكسريش راسكـ هدي عندها لوطوغيزاسيون من الدار
+
هيا طولت عليكـ ، يعطيكـ الصحــة على الموضوع
وربي يستر من الي جاي



​

 

[شمع الأمل]

**لا حول ولا قوة إلا بالله العلي العظيم**​

 

[OM DORA]

rabi yastar bnatna w wladna w djami3 ALMOSLIMIN:
had lmawdo3 mo3akad bezaf;alwaldin yathamlo une partie de responsabilité;walmojtama3 yathaman l'autre partie;;hadi masouliyat aldjami3

 

[محبة الورد]

يقولك عيش تشوف
وماشي غير تشوف عينيك يتعماو
طفلة فالعمر هذا تعرف تحط ماكياج وخلا الدنيا
رربي يهدينا هذا ماكان ةهاذي يماها ماتفيقلهاش وكيما قال سفيان منين جابت الماكياج
ومادامها فالعمر هذا دير ماكياج امالا كي تزيد تكبر شوية واش دير
​

 

[جزائرية بنت الاحرار]

سلاام
انا نظن باللي شافت وحدة في دارهم تعمل ماكياج ،
وسرقاتو بلا ما يعرف احدددد \\\\
مرررررررررسسسسسسسسسسي