علاه بلادنا بلاد كواغط.......!؟

[Jeune Sghir Mc]

السلام عليكم ورحمة الله وبركاته



راح نحكي على وحد لافار على البلاد كي العادة
هي انو بلادنا تستعرف وتمشي غير بالكواغط

صافي باش ادير دوسي تاع خدمة يلزملك تخرج 78 كاغط
ولا ادير دوسي تاع سكنى يلزملك 143 كاغط
وكاين عفايس بزاااف

مثلا لوكان الاستاذ يقري ساعة ومايكتبش واش قرا في دفتر النصوص هاذاك شغل مادار والو
مايستعرفولوش

لوكان لابوليس يحبسووك فالطريق وماتوريلهمش لا كارت مايستعرفش بيك خخخـ

وكاين امثلة بزاف

وباش تخرج كاغط فالدزاير
يلزملك 34 كاغط باش تخرج كاغط اللي تزيدو لـ18 كاغط باش تخرج كاغط اللي تجيب بيه كاغط ماتحتاجوش


ايا خاوتي واش رايكم في هاذ لو كا



سلام
.
.
.
​

 

[السلطانة]

وعليكم السلام
شكرا على الموضوع
لوكان الاستاذ يقري ساعة ومايكتبش واش قرا في دفتر النصوص هاذاك شغل مادار والو
مايستعرفولوش


وي هادي راه يباصي عليها
ماش غير ميصعرفولوش :crying:

نجاوبك اخي
فقط باختصار
بلادنا ماشية بعقلية:
الثيقة في الوثيقة

يهبلو العبد
يكره حياتو قبل ماتتقضى حاجتو
هاذا اذا تقضات
تقبل مروري

​

 

[yasmine_1993]

واش تحب هادي هي لالجيغي

 

[اعيش راضية]

السلام عليكم
يعطيك الصحة على المضوع
و البارح كنت نخمم فيها
على جال خويا اللي ودرولاه دوسي عريض و طويل في لارمي و كلشي يليق يتعاود
الكواغط الكواغط حتى تموت ههههه
بزاف بلادنا ولات تستعرف غير الوراقي ماكانش وراقي ماكان والو
المهم شا باغي دير تتمشى على حساب الزمان
تقبل مروري​

 

[السوفي]

السلام عليكم ورحمة الله وبركاته

اهلا اخي الفاضل صح لسانك موضوع في القمه ؟
طيب ابلادنا حقيقة فيها البيروقراطية والعمال الاداريين هم منا ونحن منهم ولكن عندهم قانون فوق الجميع هو الوثيقة فيها الثيقه وهذا لا ينغر منه واحد يعني بكل صدق عبادنا معادش فيهم ثقة اخلاص يعني توكله وتساعده وكون عونه ولكن في اول امتحان يخونك وينسى العشره عارف وعلاش انه تربى على انه معادش ثقه ولا امان في هذا الزمان لهذا كان ان ارى ان الاداره عندها حق في جعلك تخرج وتخرج وتخرج من الوثائق اللي تعرفها واللي متعرفهاش وهكى الغاشي انتاعنا غلبهم بالتزوير يقلك في الجرنال حكموا عصابة تتكون من فرد او فردين مختصه يا سلام نحن نحترم الاختصاص اللي يسرق ما يقرب لتزوير هههههه في تزوير الوثائق الرسمية واش تقول يخرجولك شهادة وفات وتقسيم تركة او ملكية من عهد نابليون ههههههههههههههههههه والله غير صرات في بلاد المعجيزات
السلام عليكم

 

[أم راضية ~_]

السلام وعليكم
هههههههه صح كلش لازم يكون مدون وإلاّ ما هو الدليل على انك مولود هنا او هاد السيارة ملكك او راك درت الدرس تاعك
المهم الكواغط عندهم اهمية كبيييرة و انا اللي يغيضني التبذير اللي نشوفوه كل يوم فالكواغط اللي
ان شاء الله نهدر عليه في الموضوع تاعي
يعطيك الصحة على موضوعك :re_gards:

 

[مابقاش بزاف.Dz]

عندك حق في كل كلامك
مرض تاع الكواغط فدزايــر
ربي يصلح الاحوال
يعطيك الصحة على الموضوع

 

[آمِيْرَتُه]

راك قلتها بلاد الكواغط

يموتوا عليهم
​

 

[عاصمية]

العقلية تاعهم الثقة في الوثيقة
راك في الجزائر تشوف العجب .............ههههههههه موضوعك في القمة شكرا لك

 

[شمع الأمل]

مشكوووووووووووووووووووور أخي

 

[محبة الورد]

السلام علييكم اخي
ثانيا بلادنا بلاد كواغط على خاطر حنا نتبعوا هذاك لمثل لي يقولك الثيقة فالوثيقة كيما قالت احد العضوات
وزيد حتى خطرات تلقى العبد يكره من موضوع لكواغط هذا كامل ويولي يقول في روحوا مانخرج كاغط مانباسي
وخاصة هاذي تع دفتر النصوص عندك فيها بزاف الحق
مرات الاستاذ ميكونش عندوا الوقت باه يكتب فييه مي الادارة تحتم علييه يكتب فيه وماشي غير الادارة المفتش تاني
مي الله يهدي بلادنا وعيبادها
تقبل مروري المتواضع اخي​