بنات شخصيتهم ضعيفة

[كمايا]

السلام عليكم ورحمة الله تعالى وبركاته

كاين صنف من لبنات راهو كثر في هذي الايام :sheer:

تلقاها ماهيش متحجبة تمضغ وتطرطق فلشوينغوم

تحكي بلفرونسي وفي ظفارها فارني كل ظفر لون :sheer:

كي تحكي فلبوغتابل تقول عليها راهي تحكي مع ايميgري ولا gاوري:sad:

وحدة ركبت معاي فلجي سانك دخلت لقات صحبتها

زعما سلمت عليها بزاف بزاف تقول تواحشتها زعما

والغاشي راهو يستنا باش يعدي من وراها _o:

منبعد قالولها احصري شويا قالتلهم oh pardon ومجموعة من الكلمات الفرنسية :shiny: نسيتهم درك:sadwalk:

ليسونسيال كانت تعتذرi-o::shiny:

مبعد بقات حاكمة في يد صاحبتها وتخمم اسكو تركب ولا تهبط تستنى باباها يجي ليها :sadwalk:

وتبريزنطي وباين فيها ماهيش الاز خلاص

علاش عليهم والله مليحة العفوية

مليحة وحدة تخاف ربي تستر روحها بلحجاب وتكون عفوية تهدر لكلمات للي عارفتهم :shiny: وللي موالفة تحكيهم فالدار

ولا واش رايكم

اليكم الخط

 

[ماكانش]

أهلا بيك كمايا
هههههه
مام انا نكره هذ النوع ألي يعصرو في رواحهم زعما يخلعو في الناس
واش بيك يا بنتي راهو مابقاش ألي مايعرفش لفرونسي باش تهدي عليه
حالة صح
والمشكل لوكان اطيح في واحد قاوي فرونسي يجبدلها ألف غلطة بصح كي حالة الناس قيس قيس راهي تهرس برك هههه
كيما قلتي ماكانش قد واحد سامبل ومايتكلفش ويتواضع ...
يعطيك الصحة ​

 

[أم راضية ~_]

السلام
ههههههههههه شفتي شفتي انا تجيني الدمعة وانا نسنى وقتاش يكملو هاديك الجملة اللي ما فيها ما ينسمع
هاد الصنف انا نسميهم شيكولا في البرد ما يصلحوش و في السخانة يذوبو و كي يكونون نورمال ما لازمش تكثر معاهم على خاطر تتلقاي وتنقهمي و تحكمك التخمة من اول كلمة ههههههههههه زعمة يلعبوها معيافين و تاع لاتشيتشي i-o:
هادي وحدة منهم زعمة راحت للجامع في رمضان قعدت قدامي , فرشت الزربية تاعها منبعد كي جينا نصليو لازم نكملو الصفوف قاتلها وحد لمرا كبيرة ادناي ليا قاتلها لالا كاين الوسع هههههههههههه
و من بعد كي كملو الزوج ركعات اللولين راح الامام اللي كان يصلي بينا صوتو حنين ; و جا واحد شوية كبير صوتو خشين و يعيط و تنخلع وحد الخلعة :scared: قفزت و شافت من ومن كي لقات بلي ما كاين والو كملت تصلي هههههههههه
يفكروني بالانانيش اللي دارو نكت عليهم
ربي يهديهم

 

[لاجودان شاف]

السلام عليكم ورحمة الله وبركاته
يعطيك الصحة ختي على الموضوع الهادف
انا في بال حرام علينا نتصرفو هاك ونلعبوها
انا نهار نعود ماناكلش لوبيا وعدس وبروكلو
وتعود العين تجينا كل يوم
والبلوك يعود نظيف
لثم نلبس نواظر غوبوزونت ونلعبها ميgري كميا هاذي لي حكيتي عليها
شكرا لك​

 

[AnGeL*dZ]

السلام عليك أختي
ياي عليها أنـوشـة خلاص
انا كي نحب نتمسخر برك نهدر زيهم ^^
هاذو مخلوعات في روحم وبعدا ياللقطة تاع التسلام

​

 

[محبة الورد]

اولا لاسلام علييكم اختي
ثثانيا والله ربي يهدي هاذ لبنات تع ذوكا تشوفيها على هياتها تقولي رايحة للعرس
حتى تولي تقولي واش من عرس لي راهي رايحتلوا ونهار تضربي علييها طلة تلقايها رايحة تقرى ولا رايحة لبلاصة متستاهلش هاذيك اللبسة
واما بخصوص الفرنسية حدث ولا حرج
وولاو يحكوا بيها اكثر من العربية ياو الثقافة ماتبانش فاللغات ولا فاللبسة الثقافة هي ثقافة العقل
وثقافة الاخلاق
تقبلي مروري المتواضع اختي



محبة الورد​

 

[اعيش راضية]

هههههه
السلام عليكم
ماعلابالهمش باللي الفرنسية ماهي خلعة و الشيكي ماهو خلعة
ساهل علينا نديروا كامل هاك مي حنا الحمد لله طبيعييين وماشي مصطنعيين
فوتيهم اختي لاخاطرش ديري عليهم تهبلي كيفهم
سلااااااااااام​

 

[السلطانة]

بنات كيما هادو مديهم الهف

وهوما فارغات في العقلية وفي كلش

كثرو في وقتنا تاع الصح

والمشكل تلقاي الانوش تاعها مدعمها
ويعيشو في سعادة وهناء
يطلعولنا الضغط معاهم
مي ميطيروش بزاف راهم برك





في دزاير لحبيبة


صحيتي اختي تقبلي مروري
​

 

[سلفي والحمد لله]

بارك الله فيك على الموضوع
وكيما تعرفو القرعة الفارغة هي لي دايمن الدير الحس
شكراا ليك
​

 

[كمايا]

أهلا بيك كمايا
هههههه
مام انا نكره هذ النوع ألي يعصرو في رواحهم زعما يخلعو في الناس
واش بيك يا بنتي راهو مابقاش ألي مايعرفش لفرونسي باش تهدي عليه
حالة صح
والمشكل لوكان اطيح في واحد قاوي فرونسي يجبدلها ألف غلطة بصح كي حالة الناس قيس قيس راهي تهرس برك هههه

يعطيك الصحة ههه والله كاين منها الف بالمية راهم غير يهرسو فلفرونسي لمكسر

والله حتى نتنشع في بلاصتهم كي نشوف زعما هذاك الشي كامل وهوما زوج كلمات فرونسي صحاح

ماكانش :shiny:

كيما قلتي ماكانش قد واحد سامبل ومايتكلفش ويتواضع ...
يعطيك الصحة ​

بارك الله فيك كلامك جواهر

اصلا الشخصالمتواضع هو للي ينجدبو ليه الاس من اخلاقو وعفويتو خاصة

العفوية مليحة بزاف

شكرا جزيلا اخي على ردك:re_gards:

السلام
ههههههههههه شفتي شفتي انا تجيني الدمعة وانا نسنى وقتاش يكملو هاديك الجملة اللي ما فيها ما ينسمع
هاد الصنف انا نسميهم شيكولا في البرد ما يصلحوش و في السخانة يذوبو و كي يكونون نورمال ما لازمش تكثر معاهم على خاطر تتلقاي وتنقهمي و تحكمك التخمة من اول كلمة ههههههههههه زعمة يلعبوها معيافين و تاع لاتشيتشي i-o:
هادي وحدة منهم زعمة راحت للجامع في رمضان قعدت قدامي , فرشت الزربية تاعها منبعد كي جينا نصليو لازم نكملو الصفوف قاتلها وحد لمرا كبيرة ادناي ليا قاتلها لالا كاين الوسع هههههههههههه
و من بعد كي كملو الزوج ركعات اللولين راح الامام اللي كان يصلي بينا صوتو حنين ; و جا واحد شوية كبير صوتو خشين و يعيط و تنخلع وحد الخلعة :scared: قفزت و شافت من ومن كي لقات بلي ما كاين والو كملت تصلي هههههههههه
يفكروني بالانانيش اللي دارو نكت عليهم
ربي يهديهم

وعليكم السلام ورحمة الله تعالى وبركاته

هههههههه عجبتني هذي شيكولا فلبرد :shiny:

ههههههههههههههههه لحكاية هذي تضحك بزاف :shiny:

ههههه يخي هبال يخي صوت فجعها للدرجة هذي هههههه

آمين اختي شاكرة مرورك من قلبي :re_gards:

السلام عليكم ورحمة الله وبركاته
يعطيك الصحة ختي على الموضوع الهادف
انا في بال حرام علينا نتصرفو هاك ونلعبوها
انا نهار نعود ماناكلش لوبيا وعدس وبروكلو
وتعود العين تجينا كل يوم
والبلوك يعود نظيف
لثم نلبس نواظر غوبوزونت ونلعبها ميgري كميا هاذي لي حكيتي عليها
شكرا لك​

وعليكم السلام ورحمة الله تعالى وبركاته

شكرا

فوالا والله كاين منها كامل نفس الماكلة ونفس العيشة وعلاش علينا التمهبيل هذا والاصطناع

كيما يقلك يالمزوق من برا واش حوالك من لداخل

العفو اخي شاكرة مرورك جزيلا :re_gards:

 

[كمايا]

السلام عليك أختي
ياي عليها أنـوشـة خلاص
انا كي نحب نتمسخر برك نهدر زيهم ^^
هاذو مخلوعات في روحم وبعدا ياللقطة تاع التسلام

​

وعليكم السلام ورحمة الله تعالى وبركاته

انا بانتلي والله غير توري في روحها منعرف ليمن

يا اختي علاش عليك راهي سير تدير الف حساب قبل ماتخرج من الدار باش تدير هكذاك

ربي يهدينا

مرحبا بيك اختي شكرا لك :re_gards:

اولا لاسلام علييكم اختي
ثثانيا والله ربي يهدي هاذ لبنات تع ذوكا تشوفيها على هياتها تقولي رايحة للعرس
حتى تولي تقولي واش من عرس لي راهي رايحتلوا ونهار تضربي علييها طلة تلقايها رايحة تقرى ولا رايحة لبلاصة متستاهلش هاذيك اللبسة
واما بخصوص الفرنسية حدث ولا حرج
وولاو يحكوا بيها اكثر من العربية ياو الثقافة ماتبانش فاللغات ولا فاللبسة الثقافة هي ثقافة العقل
وثقافة الاخلاق
تقبلي مروري المتواضع اختي



محبة الورد​

وعليكم السلام ورحمة الله تعالى وبركاته

آمين يارب العالمين

صح سيرثو تع الليسي تلقايهم بالماكياج والطابيلة مالابسينهاش

ووين رايحين ؟ رايحين يقرا

يعطيك الصحة الاخلاق هي كلشي الاخلاق تجيب الثقة بالنفس والشخصية القوية

ماش لفرونسي ربي يهدينا

شاكرة مرورك العطر اختي :re_gards:

هههههه
السلام عليكم
ماعلابالهمش باللي الفرنسية ماهي خلعة و الشيكي ماهو خلعة
ساهل علينا نديروا كامل هاك مي حنا الحمد لله طبيعييين وماشي مصطنعيين
فوتيهم اختي لاخاطرش ديري عليهم تهبلي كيفهم
سلااااااااااام​

عليكم السلام ورحمة الله تعالى وبركاته

اكيد شكون للي ماقادراش تدير هكذا ؟

مي كاين ربي راهو يشوف فينا واخلاق ماتسمحش للوحدة انهم تنحرف هكذا

مرحبا بيك اختي شاكرة مرورك :re_gards:

 

[حالمة بالجنة]

آه والله كاييينييين بزاااف هاد النوع
زعما يعرفوا يهدروا فرنسية....وهاد الايام الموضة ولات بالانجليزية
مرة وحدة بغات تلعبها....=) خلطتلها كلش...خاصة انهم تلقايهم يديروا لي فوت بزاااف هههه
تحيا اللهجة نتاعنا....وتحيا اللغة العربية

شوووركن على الموضوع
​

 

[كمايا]

بنات كيما هادو مديهم الهف

وهوما فارغات في العقلية وفي كلش

كثرو في وقتنا تاع الصح

والمشكل تلقاي الانوش تاعها مدعمها
ويعيشو في سعادة وهناء
يطلعولنا الضغط معاهم
مي ميطيروش بزاف راهم برك





في دزاير لحبيبة


صحيتي اختي تقبلي مروري
​

الانوش تاعهم داعهم باسكو عندو مصلحة فيهم

وفلحقيقة راهو يوقت بيهم

وناكدلك انو اي واحد يحب صح يتزوج مايقبلش مرتو تتصرف هكذا

والدليل عمرك شفتي مرا متزوجة تدير هكذا ؟

ربي يسلمك حنونة شاكرة مرورك :re_gards:

بارك الله فيك على الموضوع
وكيما تعرفو القرعة الفارغة هي لي دايمن الدير الحس
شكراا ليك
​

وفيكم بارك الله

يعطيك الصحة :thumb_up1:

العفو شاكرة مرورك مرحبا بيك

:re_gards:

 

[كمايا]

آه والله كاييينييين بزاااف هاد النوع
زعما يعرفوا يهدروا فرنسية....وهاد الايام الموضة ولات بالانجليزية
مرة وحدة بغات تلعبها....=) خلطتلها كلش...خاصة انهم تلقايهم يديروا لي فوت بزاااف هههه
تحيا اللهجة نتاعنا....وتحيا اللغة العربية

شوووركن على الموضوع
​

ههههههههه

كاين صح للي قلبوها اونجلي سيرثو الكلمات هذو وليت نسمعهم بزاف


why yes i don't know


سيرثو فلجامعة


للي طبيعتهم يهدرو هكذاك نورمال المشكلة للي تصطانع وتغلط :shiny:

كيما قلتي

العفو غاليتي اهلا وسهلا

:re_gards:

 

[ملكًة الاحسآس]

وعليكم السلام
شفتي كفــاه ، ياو كي نسمعهم يهدرو هكدكـ تهبطلي الدمعة تاع ماروكو
منكذبش عليكـ نحتقرهم ، ويبانولــي تاااااااااافهيــن
بصــح الشي الي يحيرني تلقى ناس أخريــن مخلوعيــن فيهم ويبانولهم حاجــة gــريفة كما تقول جارتنــا
ياو كما قلتي مكانش خير من العفويــة
+
يعطيكـ الصحة على الطرح

​

 

[لمعة فضة]

يااااااو كثر هذا الصنف لبنات منعرف واش صرالها

ياحسرة على العفوية والتلقائية

للبنات والذكورة ^____$

شكرا على الطرح الاكثر من مفيد

 

[JOINE]

ربي يجيرنا من بنات هته الايام حالتهم تتهدور للاسوأ


شكرا على الموضوع

 

[adelskikda]

واش رايحين نقولو ربي يهدي من خلق ..............شكرا على الموضوع

 

[homework]

هذي العقلة تسمي انفصام الشخصية بين الواقع المعاش و الأحلام هذي الطفلة تلقايها بلاك زيروها باش دير الحجاب ولات تتفنن فيه سبحان الله الى ماألى اليه بناتنا حابا تعيش كي القاوريات مي هي في الجزائر هذوك الكلمات نتاع لفرنسية مانعرف منين سمعتهم و الشينقوم راهي قلة التربية تمذغي قدام الناس
مشكورة حبيبتي على الموضوع

 

[مابقاش بزاف.Dz]

ألي دير هعكدا باه تخلع الغاشي و الصح انو هي المخلوعة من عمرها راهي باينة الكافيات من هاد النوع كتروابالبزاف لازملهم فليطوكس قاوي باه تبيديهم
و ألي من روحها هكدا راهي تبان
صحيتي على الموضوع خيتو