ما بقا لامان في هاد الزمان

[اعيش راضية]

السلام عليكم و رحمة الله و بركاته
ان شاء الله تكونوا ملاح في هاد الساعة
انا مانيش مليحة و راني حبيت نحكيلكم لحقاش قلبي وجعني
كنت نتمشى مع صحبتي اليوم و شوفوا واش صرا
بلغلطة واحد زدم فيا و زدم فيا بعنف يعني تاع بلعاني
جيت انا قلت غير اوف و مشينا عادي
حتى نشوف كل الناس يشوفوا فيا و يعيطوا بلفور
و واحد المراة قاتلي ارواحي عندي خفي بنتي
وياااااااااااااااااا انا طاحلي السكر
و هو هداك اللي زدمت فيه لحقني و حاب يgيسيني
بصاح من حسن الحظ فاقولاه
هو راح يجري النسا داوروا عليا و انا ..............اخ صفاريت و حماريت و ذباليت وليت كي الورقة
هادوك النساء نحاو عليا شوية صحبتي مسكينة قريب ما ماتت من الخوف و كملنا طريقنا
و حنا خايفين
ما بقاش لامان في هاد الوقت
عمري ما حسيت بهذه العبارة كيما اليوم
علابالي باللي كبرتها شوية و هي والو و علابالي باللي كاين اللي صرالهم اكثر
انا غير من باب التوعية و خصوصا لحبيباتي العضوات
احظوا رواحكم راه الزمان شين
انا جاتني سلامات بصاح لوكان كنت وحدي و ضربني بموس ولا
علابالكم من اللي جيت و انا و الافكار في راسي حتى الدار قالولي روحي هبلتينا
معليش جيت نهبل خوتي هنا خير
تقبلوا موضوعي
سلاااااام​

 

[ماكانش]

أهلا بيك اعيش راضية
سلامة الراس
والمشكل تلقاي رجال شافوه وواحد مايدير حاجة
كيما قلتي غير النسا ألي دارو بيك ووقفو معاك
ربي جيب الخير
يعطيك الصحة​

 

[اعيش راضية]

أهلا بيك اعيش راضية

سلامة الراس
والمشكل تلقاي رجال شافوه وواحد مايدير حاجة
كيما قلتي غير النسا ألي دارو بيك ووقفو معاك
ربي جيب الخير

يعطيك الصحة​

ديما السباق ربي يخليك ان شاء الله مشرفنا الغالي
مرحبا
الله يسلم راسك خويا
بالحق ما نظلمش الرجال لانو كانو غير النساء في هاديك البلاصة
لانو مزال كاين رجال اللي يتحامو على بنات بلادهم(بالاك)
ربي يجيب الخير و الحفظ لينا اجمعين
و الف شكر ليك على الرد​

 

[اعيش راضية]

و شكرا على اعتماد الموضوع​

 

[القطة الزهرية]

سلالالالالالام
والله ياختي اي راحت النية تاع بكري ضك خوك وماديريش لمان فيه حطيها فلوكة في وذنيك
ربي يسترنا ويجيب الي فيه الخير

 

[اعيش راضية]

سلالالالالالام
والله ياختي اي راحت النية تاع بكري ضك خوك وماديريش لمان فيه حطيها فلوكة في وذنيك
ربي يسترنا ويجيب الي فيه الخير

و عليكم السلام
النية راحت مع اخلاق النا اللي تودرت يا ختي
شكرا على النصيحة
و مشكورة اكثر على مرورك الطيب​

 

[حكاية احاسيس]

سلامتك حنونة مي و الله اللا خوفتيني اول مرة نسمع بلي راهم يgريسوا عيني عينك و بزيادة الرجال ما داروا والوا قاعدين يخزروا فيه هدا مكان
و الله احمدي ربي ليل و نهار كي وقفوا معاك النسا
اه علابالك قلبي راه طايح اخلاص فشلت مي مرسي على النصيحة راهي وصلتني لازم الواحد يخرز روحوا في كل وقت و ماراهش كاين لامان دركا في ذا الزمان الغدار

 

[اعيش راضية]

سلامتك حنونة مي و الله اللا خوفتيني اول مرة نسمع بلي راهم يgريسوا عيني عينك و بزيادة الرجال ما داروا والوا قاعدين يخزروا فيه هدا مكان
و الله احمدي ربي ليل و نهار كي وقفوا معاك النسا
اه علابالك قلبي راه طايح اخلاص فشلت مي مرسي على النصيحة راهي وصلتني لازم الواحد يخرز روحوا في كل وقت و ماراهش كاين لامان دركا في ذا الزمان الغدار

الله يسلمك حبيبتي
ايه ختي عينك عينك و في ضوء النهار
الرجال ماكانوش في هاديك البلاصة كاك كاين غير النساء والله
لا حبيبتي سلامتك ما تخافيش غير احرزي روحك من هاد الوقت و كي تخرجي دي بالك مليح​

 

[السلطانة]

وعليكم السلام
والله يااختي ملقينا منديرو مع عباد كيما هادو
ديفوا يحبسولك راسك
الله يهديهم برك
تقبلي مروري

​

 

[سلفي والحمد لله]

الحمد لله على سلامتك ختي
ربي يسترنا ويحفظنا
​

 

[محبة الورد]

السلام عليكم اختي
ختي الله يهدينا هذا ماكان الزمان مابقا فييه لامان وولا غير لي يتعدى على خووه ويحب يضربوا وزيد فوق هذا كامل طفل حاب يضرب طفلة هنا وين مخك صح يحبس
عالعموم ربي يهدي ماخلق ويهدي بعض الناس عموما والشبيبة خصوصا
تقبلي مروري المتواضع اختي
محبة الورد​

 

[AnGeL*dZ]

السلام عليكم اختي
الحمد لله على سلامتك هاكا ولا اكثر
لعام اللي فات كنت انا وصحيباتي مروحين لديارانا ،في وحد الدنيا مانعرفهاش انا
وانا كي الاطرش في الزفة ماشيا ومانيش شايفة من ورايا قافلة تاع لجياح بلاك زاطلين مانعرف وش كانو يهدرو ،حتى لقيت واحـد قرب ليا ومانعرف وش هدر في ودني
صحباتي تخلعو وحتى واحد من لغاشي ما تحرك وهدر معاهم ،بقيت غير انا ووحدا صحبتي عدينا من وحد الطريق تبعوني وزاد رجع ليا واحـد قالـي تعطيني ذهبـك ولا نقصلك دركا وذنـك حسبني خفت منو تهاوشــت معاه ايا مباعـد شافـهم وحد راجل مديـن ساع خافـــــــــــو ،حتى لمبـــــعد باش حكمتني الخلعة i-o:
​

 

[اعيش راضية]

وعليكم السلام

والله يااختي ملقينا منديرو مع عباد كيما هادو
ديفوا يحبسولك راسك
الله يهديهم برك
تقبلي مروري​

الله يهدي من خلق كيما قلتي
مشكورة على المرور الطيب​

 

[hiba14]

الحمد الله على سلامتك و معاك الحق احنا تالمو كتر هاد الشي الشيرات يدورو بالخدامة و لا كيما يقولو ناس الشرق بالموس لاخاطر ماكاش اللي يديه النيف و كترت الحقرة ربي يستر

 

[مابقاش بزاف.Dz]

مابقاش بزاف و تروح النيــــــة و لامان ga3
ربي يسترنا هادا ماكان و الله لاتربحهم شي ناس كيما هكدا وجوه البخس و اللتبهديل
ربي يكون معاك خيتو

 

[زئبق]

انا خوافة كتر منك لوكان تصرالي منزدش نخرج مدار
هكة ولا كتر سلامة راسك ومزية لقيتي نساء وسلكوك لوكان رجال راهم هربو