السلام عليكم ورمضان كريم
أنا يا جماعة تعبت ما نعرف منين نبدا المهم بزاف مشاكل فوق بعضاها و نا ما نعرف وش نقرر ولا أحد ساعدني أو شجعني نحكيلكم هدا العام نجحت البكالوريا بمعدل مش مليح مش راح نقول لأنه مش مليح ويحشم حتى راني طالعة للجامعة خايفة ليسالوني على المعدل لأنه و الله غير حارقني هاد المعدل وحابة نعاود العام و المشكلة إذا عاودت العام وجبت معدل مليح ما نجمش نخرج يعني ما نقدرش ندير تخصص مليح اللي حاباته (صيدلة ) لأنه عاداتنا تع الهم و الغبينة ما تخليش الطفلة تقرا البرا وعلاه رايحة للكفار او لليهود المهم والمشكلة الأكبر أنو اليوم الأول من الإمتحان مرضت مرض ما يعلم به غير ربي قتلني و حطمني حتى كي نضت من الفراش ولبست قشي ماما و بابا حاروا في قالولي ما صورناكش تنوضي وتروحي تعدي الإمتحان تخيلوا تعب عام كامل ليل ونهار في الشتاء إشتقت إلى نومة جميلة مريحة كل يوم نقرا حتى الجمعة و السبت في ليكور ما خليتش حاجة ما درتهاش يجي اليوم الأول نمرض تخيلوا بواه مرضت كليت ماكلة و الله مانزيد ناكلها في حياتي عمري ما كليتها جيت اليوم هداك كليتها و كأنه مغمى علي و الله نحكيلكم و الدمعة على خدي أمنيتي يا رب أن يحذف هذا اليوم من حياتي كل ما أضع رأسي على المخدة نتفكرو ونوض نبكي غايضتني روحي كل يوم قبل ما نرقد نشوف هاد اليوم لذا قررت الآن أن أحكي ونفش قلبي ربما أرتاح و أنساه
فقررت و أريدكم أن تساعدوني في إتخاذ القرار هل أعيد البكالوريا وأعيد إعتباري أمام العائلة وصديقاتي و الأساتذة ربما إذا أعدتها أنسى الأيام السوداء و أضع عام جديد في مخيلتي و أنسى هذا العام الأسود اللي شفت فيه غير الخيانة والكذب و سوء الحظ
إن شاء الله يسمعني أحد منكم طولت عليكم بزاف و الله غير تعبت على هكا قلت نكتب ربما نرتاح
والسلام عليكم سامحوني طولت عليكم أكيد راكم تقولوا حاجة تافهة وتثرثر برك
أنا يا جماعة تعبت ما نعرف منين نبدا المهم بزاف مشاكل فوق بعضاها و نا ما نعرف وش نقرر ولا أحد ساعدني أو شجعني نحكيلكم هدا العام نجحت البكالوريا بمعدل مش مليح مش راح نقول لأنه مش مليح ويحشم حتى راني طالعة للجامعة خايفة ليسالوني على المعدل لأنه و الله غير حارقني هاد المعدل وحابة نعاود العام و المشكلة إذا عاودت العام وجبت معدل مليح ما نجمش نخرج يعني ما نقدرش ندير تخصص مليح اللي حاباته (صيدلة ) لأنه عاداتنا تع الهم و الغبينة ما تخليش الطفلة تقرا البرا وعلاه رايحة للكفار او لليهود المهم والمشكلة الأكبر أنو اليوم الأول من الإمتحان مرضت مرض ما يعلم به غير ربي قتلني و حطمني حتى كي نضت من الفراش ولبست قشي ماما و بابا حاروا في قالولي ما صورناكش تنوضي وتروحي تعدي الإمتحان تخيلوا تعب عام كامل ليل ونهار في الشتاء إشتقت إلى نومة جميلة مريحة كل يوم نقرا حتى الجمعة و السبت في ليكور ما خليتش حاجة ما درتهاش يجي اليوم الأول نمرض تخيلوا بواه مرضت كليت ماكلة و الله مانزيد ناكلها في حياتي عمري ما كليتها جيت اليوم هداك كليتها و كأنه مغمى علي و الله نحكيلكم و الدمعة على خدي أمنيتي يا رب أن يحذف هذا اليوم من حياتي كل ما أضع رأسي على المخدة نتفكرو ونوض نبكي غايضتني روحي كل يوم قبل ما نرقد نشوف هاد اليوم لذا قررت الآن أن أحكي ونفش قلبي ربما أرتاح و أنساه
فقررت و أريدكم أن تساعدوني في إتخاذ القرار هل أعيد البكالوريا وأعيد إعتباري أمام العائلة وصديقاتي و الأساتذة ربما إذا أعدتها أنسى الأيام السوداء و أضع عام جديد في مخيلتي و أنسى هذا العام الأسود اللي شفت فيه غير الخيانة والكذب و سوء الحظ
إن شاء الله يسمعني أحد منكم طولت عليكم بزاف و الله غير تعبت على هكا قلت نكتب ربما نرتاح
والسلام عليكم سامحوني طولت عليكم أكيد راكم تقولوا حاجة تافهة وتثرثر برك