اختلاف الهدرة في الدزاير مبين شكون الصح و شكون الغالط

[عرفتك]

أهلا بيك زمردة
أنا نحير شوي برك في التأنيث والتذكير
ألي يخاطبو الراجل بالمؤمنث
والطفلة بالمذكر
هنا تقدري تقولي غلطة و لالا ؟؟؟
بصح عادي تعجدبني هدرتهم وخاصة جماعة عنابة ههههه

هاني رشيتهم هكذا باش مايزعفوش ههه​

شكرااخي مكانش عندك حق الله غالب احنا التباسة ولعنانبة نحكو هكا مي ماشي كامل يخاطبو المؤنث مذكر مي المؤنث نخاطبه مذكر هههههه كلامنا كيف التوانسة متلومش مي رانى نعدلو سااعات وساعات ننسو المهم كي راهي تعجبك

 

[عاصفة الورود]

السلام عليكم
الجزائر ثرية بالهجات تعها مام في ولاية وحدة تلقاي شويا اختلاف في اللهجة بين البلديات
فما بالك بالجزائر من الشرق للغرب ومن الشمال للجنوب
مي كاين شويا تشابه بين الولايات المتقاربة مثلا ولايات الغرب مكانش بيناتهم فرق كبير فالهدرة
ولا سطيف وباتنة مكانش اختلاف بزاف
وانا وحدة من الناس نموووووت على لهجة عنابة (مانيش نقلد فيك ياسي مكانش هههه) والله من بكري تعجبني هدرتهم
معلاباليش علاه مي نحسها حلوة خلاه ^^مالgري يأنثو المذكر هههه
مرسي خيتو على الموضوع يعطيك الصحة

​

 

[عرفتك]

تعجبني هدرة الغرب شاولا

 

[ماكانش]

ههههه
هاني جبتلك ليكليون يا ناس عنابة يشكروكم ههههههههه​

 

[nina bonoise]

و الله الغاشي الكل تعجبو هدرتنا " اللهجة العنابية "

 

[nina bonoise]

ههههههه

تصلح في الهدرة ماشي فلكتيبة​

مثلا كي تقولو واش فيها
مانعرف كيفاه تنطقو الها ههههه

كلي تقولو واش فاها هههه​

صح صح نقولو فاها مش فيها
و تاني ملاحة مش مليحة
الياء نهدروه بالالف

 

[ماكانش]

صح صح نقولو فاها مش فيها
و تاني ملاحة مش مليحة
الياء نهدروه بالالف

اي واه هذاك يا بعد واش نقصد هههههههه
والله تعجبني بزاف
​

 

[nina bonoise]

اي واه هذاك يا بعد واش نقصد هههههههه
والله تعجبني بزاف ​

ههههه هيا مالة الفايدة كي تعجبكم :shiny:​

 

[عاصفة الورود]

و الله الغاشي الكل تعجبو هدرتنا " اللهجة العنابية "

vريمو تعجبني بزاف
ليست مجاملة
​

 

[nina bonoise]

vريمو تعجبني بزاف

ليست مجاملة​

و الله شرف كي نسمع ناس يقولوا بلي تعجبهم هدرتنا :shay:​

 

[hiba14]

و الله الغاشي الكل تعجبو هدرتنا " اللهجة العنابية "

وي لهجتكم حلوة ياسر جامي تلاقيت بواحد ما يبغيش لهجتم
تسمى تقول بوتفلاقة هادي التباسة صحيح و انتوما تاني

 

[zomoroda]

انا نشوف أن اللهجات قع ولات مفهومة بفضل ناس عندهم عقل متفتح كيما نتوما و بهذه العقول أكيد نتخطاو قع المشاكل و نترفعو على صغائر الأمور لي تثير المشاكل.
يعطيكم الصحة.

 

[ISMA.dz]

السلام عليكم
لا يا اختي عادي جدا مع انني لا اكدب بعض اللهجات لا احبها لكن ما نزعقش عليهم خلاص اما اللهجة تاعي ما نحشمش بيها خلاص مع اني قعدت في العاصمة 4 سنين و ما نكدبش و بكل صراحة هاد الطبع تاع التمسخير على اللهجات قليل بزاف بزاف في الولايات االخرى

و ما تزعفوش مني يا عاصميين هاد الطبع ​

عندكم انتم

وهل هذه قاعدة تطبق على كل العاصميين؟​

 

[zomoroda]

خويا brahim أنا نموت على هدرت المدانة
و أنا أصلي منثم بصح أنت مفهمتنيش أنا قلت العاصمي يضربو بيه المثل بصح منيش مع هذه الفكرة
وهذا أصل الموضوع أما اللهجات الأخرى والعاصمية تاني قع حلوين المهم منضحكوش على بعضانا
واذا كنت مداني سونطر كاين الخا تقولوها خفيفة مشي كيما اللغة العربية.
وأنا مدانية

 

[اعيش راضية]

السلام عليكم
هي قضية لهجات و اللهجات تراث و الاختلاف فيه هو تنوع
ما شاء الله في كل مكان تلقي هدرة و كلمات و هادي كاين في كل البلدان
ادا واحد عيب على الاخر فدلالة على تعصب هدا مكان
و ربي يخلي الجزائريين كل من القنت للقنت ههههههه​

 

[مسيلية فوور]

تلقاي حتى في نفس الولاية اللهجات تختلف
مثلا في مسيلة نتاع لافيل ميهدروش كيما نتاع حمام الضلعة ونتاع مقرة الخ.....
انا نظن الجدود بكري حبو يتميزو على بعضاهم بدلو اللهجة هههه
مرسي على الموضوع
​

 

[السلطانة]

وعليكم السلام
شكرا اختي على الموضوع
انا تاني موالفين يضحكو على هدرتي ههه
يحبو يقرعجو برك ماش قصدهم يطيحو من قيمة اللهجة كاين كلمات ديفوا يضحكو حنا منقولوهمش ولايكونو يقصدو عندنا حاجة وعند وحايد خلاف حاجة
كيما حنا عندنا:
خلاه =خلاص
درك=ضروك
البشكير=منشفة اللي كي ندوشو نمسحو بيها

سمعتيني وكليتي وهدرتي ياراجل
هادي عندنا وعند لعنانبة
والولايات لوخرا كامل يكرهوها هه بصح حنا عندنا عادي

يعني ديفوا حتى نضحك بصح ماش بقصد السخرية من اللهجات الاخرى لانو كاين كلمات يجيوني بيزار
تقبلي مروري


​

 

[Jeune Sghir Mc]

خويا brahim أنا نموت على هدرت المدانة
و أنا أصلي منثم بصح أنت مفهمتنيش أنا قلت العاصمي يضربو بيه المثل بصح منيش مع هذه الفكرة
وهذا أصل الموضوع أما اللهجات الأخرى والعاصمية تاني قع حلوين المهم منضحكوش على بعضانا
واذا كنت مداني سونطر كاين الخا تقولوها خفيفة مشي كيما اللغة العربية.
وأنا مدانية

مام انا ماقلت حتى حاجة لووش
اللهجة العاصمية واللهجة المداينية سي كيف كيف
وشنو الاختلاف فالنغمة برك
وماتنسايش la plupart تاع ناس العاصمة منا ومن مناطق وسطى
وهجرو للعاصمة في العشرية السوداء وظرروف بزاف


صحيتووووو
​

 

[ghali17]

العالم الثالث

 

[***سوسن الجزائرية]

قاع اللهجات ملاح المهم نفهموا الهدرة برك
بصح اللهجة العنابية هادي مانعرفهاش جامي عاشرت ناس من عنابة.
​