ولاد الفاميليا vs بنات الفاميليا

Jeune Sghir Mc

:: عضو مُتميز ::
إنضم
26 ماي 2011
المشاركات
1,265
النقاط
37
السلام عليكم ورحمة الله وبركاته


bon
راني متأكد بلي كل من قرا العنوان ودخل للموضوع هو وليد أو بنت فاميليا
ماعنديش شك الله يبارك فيكم خاوتي


ايا غادي نحكي على وحد لافار صرات فالكولاج نتاعنا
هي ضراب ولا عراك على حساب فهامتكم بين ذكر وأنثى "باه مانقولوش راجل ومرا"
ايا شفتهم يتهاوشو هكا حتى الطفلة بدات اطبع فالطفل شغل راح تضربو
ايا الطفل هاذاك تنارفا "طبعا راه يحسها كبيرة طفلة اديرلو هكا كيفاش" ايا شعل عليها بكف 'ضربة فورهاند'
من بعد الطفلة دخلت فيه هي وصاحبتها بالركلة حابين يضربوه
مي كانو تماك ذراري سلكو بيناتهم
فالحقيقة انا ماعلاباليش واش من سبة خلاتهم يضاربو وصرات هكاك
باه مانظلمو ني الطفل ني الطفلة

bon
الموضوع ماشي راح يدور على الضراب هذا
الموضوع لي حبيت نطرحو
علاش الطفل وعلاش الطفلة يوصلو رواحهم لحاجة كيما هاذي ؟

يعني لوكان الراجل يبقى بقيمتو وكبريائو والهيبة نتاعو و'مايهبطش' للبنات هاذو
والمرا ماتتعرفش على الرجال ومااتبعهمش وماديرش الطوايش
رانا مانشوفوش عفايس هكا يصراو
ولا واش قلتو
؟
حنا ماذا بينا نشوفو ناس متحضرة
يعني
راجل قبل مايدير لوحدة كاش حاجة يخمم قبل في اختو اذا كان يقبللها عفايس هكا
المرا قبل ماادير الطوايش والجياحات
نومالمو تخمم على والديها وعلى خاوتها اذا تقبللهم يحطو ريسانهم تحت التراب


صافي يا ولاد الفاميليا
علاش ماشي كل واحد مايخالط بنات الناس مايجيب لعمرو المشاكل
بويسك انا نظن وماشي نظن برك راني ماسوري بلي جرتهم ماتربحش
ويا بنات الفاميليا
كل وحدة تحكم قدرها ليها قدام الرجال
مام يتبلاك مام يدنى ليك ماديريلوش حساب
واذا تزاGـات عندي خويا لي يربيه



مي عندي سؤال محيرني في ما يخص الاخوات
علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟



السلام عليكم
ولاد وبنات الفاميليا
 
آخر تعديل بواسطة المشرف:

homework

:: عضو شرفي ::
إنضم
30 ماي 2008
المشاركات
1,332
النقاط
39
انا بنت الفميلة الاولي لي راح نجاوب
ذورك لبنات مابقوا بنات و لولاد يتبعوا فيهم و يجيبوا المشاكل لعمرهم
لوكان لبنات يحكموا قدرهم و يحترموا روحهم لوكان واحد مايقلق خوه
وللاجابة على السؤال
علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
المراة تحب من يجرحها و ينعتلها العين الحمراء
 

آمِيْرَتُه

:: أستاذة:: عضو شرفي
إنضم
13 جوان 2011
المشاركات
14,362
النقاط
971
محل الإقامة
: ♥ قلب عسكوري ♥
الجنس
أنثى


السلام عليك

مرات الولد هو الي يوصل روحه ينضرب و يدي طريحة من عنذ طفلة

و كذلك فيما يخص البنت

ربي يهدينا و يهديهم
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
الوقت لي رانا فيه ماتعرف من الطفلة من الطفل
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
اما اذا حقرها ووصل روحو يستاهل طريحة ههههههه
والعكس
 
إنضم
9 سبتمبر 2008
المشاركات
3,579
النقاط
171
ضرك الاشكال راه يدور في عقلية الطفلة وطفل لاعد طفل يحشم يخاف ربي ميجيهش مشاكل
والعكس صحيح

كما صرا وحد مشكل في شارع طفل كيلو وجاري + طفلة الله يسترنى منها ماهي مرة وماهي زوج نشوفها تمشي مع ذراري "في ليسي" الفايد والحاصول طفل كان يهدر معها في شارع ططططط مبعد حشى قدركم بزق عليها
علبالي كي شوفتها عمبالي بزق عليا ومبعد طفلة ترجعلوا بتطياح والله راني كيما نقول معرفت واش ندير الطفل راح والطفلة كملت طريقها ولبنات لروراه يتضاحكو عليها "يبتسموا" بقيت نمشي تفكرت

قول ربي " الخبيثات للخبيثين والخبيثون للخبيثات والطيبات للطيبين والطيبون للطيبات"

قلت هو يتحاسب على هذي الفعلة وهي ربي بلاه بهذا طفل لعلى وعسى ربي يهديه
هذي صرات عندها واحد الشهر لحد اليوم مزال هذيك الطفلة في هذه العقلي
ة فنسأل الله تعالى بأسمائه الحسنى وصفاته العليا أن يهديها

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,564
النقاط
821
محل الإقامة
الشرق-الوسط
الجنس
أنثى
وعليكم السلام
صحيت خويا موضوك هايل
راح نمد رأيي في الموضوع
أنا حسب نظرتي وحسب ماقاعدة نشوف

رها الطفلة لي غالطة
كيفاه ياعجابة ياربي وصلنا لوقت
تلقاها تروح تقرى في الليسي ولا السيام
بهاداك النص خيمار السروال طايح كيف تاع ليجان فيه سنسلة على الجنب
فاتحة الطابلية داخلة تشيخ مع جماعة تاع شباب :cra_zy:
وحتى في القسم تلقاها تحكي معاهم
وفي الساحة معاهم
ويحكيو في كامل لي سوجي ني حشمة ني والو
الدصارة
:eek:_o:
انا نقول الطفلة لي توصل روحها تستاهل
باسكو لي تحكم قدرها جامي يوصلها واحد
بالعكس تلقاه محترمها باسكو مقادرة روحها
وهاديك لخفيفة لي تلقاها مع هادا وهاداك
ماش غير توصل روحها لتطياح لقدر برك
توصل للطرايح نورمال خلاه
مالا لي تخرط روحها تتحمل النتيجة
الطفل مهما يكون طفل
يخرطها وكي توصل كاشما تقولو كلام خاطي
يخملها بزوج كفوف يخليها حكاية في كارتيها
الله يهدي من خلق
رانا نشوفو فيهم راح يطيرو
ماخلاو معلمين ماخلاو لاشايب ..
تقبل مروري
 

أحبك ياجزائر

:: عضو مُتميز ::
إنضم
6 فيفري 2010
المشاركات
1,368
النقاط
43
هاذي عجبتني خويا
مي عندي سؤال محيرني في ما يخص الاخوات
علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟



السلام عليكم
ولاد وبنات الفاميليا
 

crazykhadija

:: عضو مُتميز ::
إنضم
14 جوان 2011
المشاركات
1,023
النقاط
37
ما قلتها بلسانك
البنات الفامليا عمارهم ما يتهابشو مع الدراري كل واحد بقيمتو وشانو وقدرو
مام الطفل تاني يخلي البنات وميديرش عليهم

الطفلة تبقى طفلة راسها مترفدوش من الارض وطفل يبقى راجل على كل حساب

مرسي ليك على موضوع الهادف
شكرااااااااااااااااا
 
إنضم
9 سبتمبر 2008
المشاركات
3,579
النقاط
171
ساندريلا زماني

بصح ثاني كاين شباب يتبلاو على بنات

واللاشكال العام والوحيد هي سياسة الدولة نتاعنا وهي تخالط بين الرجل والمرأة في جميع المراحل الدراسية

واحدث دراسة دروها لزميريكان في احدى الجامعت وهي داروا جامعة خاص لذراري وجامعة خاص لبنات

على ماظن بعد 5 سنين وجدوا ان الجامعتين حققت نتائج تصاعديا

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,564
النقاط
821
محل الإقامة
الشرق-الوسط
الجنس
أنثى




بصح ثاني كاين شباب يتبلاو على بنات​

واللاشكال العام والوحيد هي سياسة الدولة نتاعنا وهي تخالط بين الرجل والمرأة في جميع المراحل الدراسية​

واحدث دراسة دروها لزميريكان في احدى الجامعت وهي داروا جامعة خاص لذراري وجامعة خاص لبنات​

على ماظن بعد 5 سنين وجدوا ان الجامعتين حققت نتائج تصاعديا​
يااخي كاين شباب يتبلاو هاديك رانا عارفينها
يعاكسها ووو
بصح تاع تولي في الضرب
راها هي لي توصل روحها
انا ندهش في الطفلة لي توقف تسطنح مع طفل
مهما يكون طيحلها ولا غلط في حقها تقفل فمها علاه تولي ترجع في الهدرة وتسب تاني بصحانية الوجه
الطفلة تتصف بالحشمة بصح لي تدير هك لاحشمة لاحياء
راني فهمت وجهة نظرك خويا انت حكيت على نقطة الاختلاط وراني معاك فيها الدولة لي خلاتها علينا
وانا حكيتلك على الطفلة لي توصل روحا للذل
مالا تستاهل كي يذلها الجان
صدقني عمري متلاح ليا جان ولا طيحلي من قيمتي على مدى مساري الدراسي الى الآن
والحمد لله
اما لي تلقاها تتبهلل وتخرط بين هادا وهاداك راها تحصد النتيجة مباعد بالنشايع وتطياح لقدر
:re_gards:​
 
آخر تعديل:

عاصفة الورود

:: عضو فعّال ::
إنضم
17 جويلية 2011
المشاركات
2,333
النقاط
191
عجبتني تع ضربة فورهاند تقول عليه نادال هههه
انا نظن لي تحكم قدرها عمرها ماتوصل للحوايج هاذو
حتى الطفل لازم يمد قيمة لعمرو بويسك لبنات منقولوش يخافو ولكن يحتارمو الطفل لي مايدخسهمش
ربي يهدي وخلاص
شكرا اخي


 

souhila_95

:: عضو فعّال ::
إنضم
20 فيفري 2009
المشاركات
2,062
النقاط
77
علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
لا جامي ولوكان كتبت هذا الموضوع العام ليفات كنت رايحة نعارضك بشدة خصوصا كلمة الأغلبية ...بصح هذا العام شفت ظواهر بزااااف على البنات وماخفي أعظم البعض ماتوقعتهاش منهم على الاطلاق خصوصا منهم من يحفظن كتاب الله وتتفاجأ فيهم من الأخير ...المهم تعلمت منشوفش على المظهر ...وكون متأكد بلي راني موفقاتك في رأيك
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟
لا لي يقادرني نقادرو ونحطو على العين والراس ...أنا اصلا بطبعي مانخالطش الاولاد على خاطر كثرة المخالطة تطيح القدر وتوصل لما لايحمد عقباه بصح اذا حبو مساعدة في مجال الدراسة فأكيد لن أبخل غير هذا الموضوع دراسة فلا وهم يعرفون هذا اكييد ....وكلمة معقد مانحبش نقولها على خاطر لي مقادر نفسو يكون ذو هيبة وناس تحترمو ..

شكرا على الموضوع
 

didin91

:: عضو مُشارك ::
إنضم
15 مارس 2010
المشاركات
284
النقاط
7
هذا لي يمشي سرواله هابط راجل ؟ خلينا يرحم والديك
 

اللـــ فراشةـــمة

:: عضو مُشارك ::
إنضم
13 نوفمبر 2011
المشاركات
317
النقاط
7
كلامك على العين والراس

بصح والله كاين بعض الولاد يتبلاو البنات ويتحرشو بيهم،

حتى ويلا كانت ملتزمة ميطلقوهاش من لساناتهم

متعرف gاع واش يقولولها، وكاين ببنات ربي يسترني منهم

والله يديرو وحد لي جاست باه يجبدو الولد، مانعرف

تلاقها تدور في راسها وتشوف فيه، ومرة تتبسم له

وياعيني كي تكون بلا حجاب تشوف ذاك الشعر مطلوق والماكياج ومانهدروش على اللبسة

والله ربي يحفظنا هادا ماكان، لوكان كل ولد يشوف بلي اللي راه يعاكس فيها

ممكن رح يجي نهار ويشوف أخته يعاكس فيها واحد، وكل بنت تعرف بلي

أي تصرفات غير أخلاقية من قلها راهي بيها تحط في راس عيلتها في التراب

والله ماكان حالنا هكا، لابنت تحترم ولد ولا ولد يحترم بنت

ولا كل واحد يشوف للآخر على أنه الغلطان وفي النهاية كلينا غلطانين

ربي يستر الولاد والبنات، ويهديهم للطريق الصواب

والله كل اللي رانا فيه بسبب ابتعادنا على الدين تاعنا

ربي يسترنا، مشكور أخي على الموضوع.
 

الحق سلاحي

:: عضوية محظورة ::
إنضم
22 جوان 2011
المشاركات
2,636
النقاط
191
الحق سلاحي، تم حظره "حظر دائم". السبب: مخالفة القوانين / إستخدام ألفاظ نابيه وخادشة للحياء.
هههههههههه
والله غير عيب راجل عاد يظرب مراة ....
زمن العجائب وراني نشوف فيها ..
مي ماكملتناش الحكاية
وجابتلوا خاوتها ول .....
=)


 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
الله غالب وين وصلت حالة تعيي صح يتهاوشوا هادي بين الدراري و نقولوا كيفاش خلي يا كي تدخل فيها طفلة و تبدا تداوس مع طفل عيب و الله
الله يصلح الاحوال
 

βǻŋǾừŧά ₡ǖŦё

:: عضو مُشارك ::
إنضم
5 أكتوبر 2011
المشاركات
409
النقاط
39
العمر
23
واااااااااااه انا كي يعودو يتهاوشو وين الطفلة و وينو الطفل
مانعرفهمش من بعض مي راهي عادت حاجة يوميا نشوفوها
ربي يهدي ماخلق وماغسي على الموضوع
 

sali-sali

:: عضو مُتميز ::
إنضم
28 سبتمبر 2011
المشاركات
862
النقاط
17
مي عندي سؤال محيرني في ما يخص الاخوات
علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
ماشي الاغلبية فئة من ناس وكل وحدة وعقلها تلقى بعض المراهقات هكدا بصح البنت تكبر وتستعقل
وكاين لي مقلقة ماتحب حتى واحد يحكي معاها ولي يحكي معاها تردلو

وادا سبها واحد هوماشي مربي كيفاش يسب لوحدة
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟
والله والو بالعكس وليد الفاميليا بالعكس تلقاهم يقادروه ولي تقول معقد راهي غالطة
المهم اخي شكرا على الموضوع وربي يهدي الجميع

 
Top