قالك دزاير لباس عليها ؟؟

Y

Yacine333

:: عضو فعّال ::
أوفياء اللمة
السلام عليكم ورحمة الله
اول مرة ندير موضوع هنا
وش حالكم ان شاء لباس
تجي تسقسي في الناس تعين السياسية ووالا الناس الي زعما يفهمو
تقلهم وش راه احوال دزير يقلك لباس عليها ؟؟؟:scared:
ياااو منييييين لباس
لباس الواحد يشد في ليشين على لسونس
لباس الواحد يشد في لشين على الغاز
لباس الواحد يشد في لشين باه يخرج ورقة من البلدية
على بالكم الواحد باه يعبي لسونس لازم ينوضلها من الصبّاح
تقول مش يصلي لصبح ...
الى متى ونحن هكذاااااااا؟؟؟؟
ــــــــــــــــــــــــــــــــــــــــــــــــــــــــ
اقولي قولي هذا واستغفر الله العظيم :re_gards:
​
 
أهلا بيك خويا
عجبتني كلمة لشين ههههه
ليسونس المشكل في الشعب هوا ألي يهرب فيها
الدولة راهي موفراتو
حنا رحمة ربي 5 دقايق ونتا عبيت​
 
معاك الصح خويا
 
اهلا بيك الاخ في هذا القسم
الجزائر مليح يديرولها نشرة جوية تاع تقلبات حالتها العميقة سواءا الاقتصادية و الا الاجتماعية و لا السياسية ما يشقاش يعملوا تاع تقلبات الطقس هكدا باه يشوفوا وين راهي
مي كوماتما نقولوا لاباس عليها
مشكور على الطرح
 
قال ماكانش:
أهلا بيك خويا
عجبتني كلمة لشين ههههه
ليسونس المشكل في الشعب هوا ألي يهرب فيها
الدولة راهي موفراتو
حنا رحمة ربي 5 دقايق ونتا عبيت​
إضغط للتوسيع...

ممممم يدير فيها الشعب والدولة وين غاب طبها ؟؟
ياخي بلاك انتوما عايشن خير منا مي الحالة عدنا حنا
معادش يطيقها حتى واحد ..
مرسي للمرور خويا ..
:re_gards:
 
قال مابقاش بزاف.Dz:
اهلا بيك الاخ في هذا القسم
الجزائر مليح يديرولها نشرة جوية تاع تقلبات حالتها العميقة سواءا الاقتصادية و الا الاجتماعية و لا السياسية ما يشقاش يعملوا تاع تقلبات الطقس هكدا باه يشوفوا وين راهي
مي كوماتما نقولوا لاباس عليها
مشكور على الطرح
إضغط للتوسيع...

وبيك سهلا
هههههه الله غالب شاطرين عير في النشرة الجوية
مي اختي الحالة عدنا معادش طاق...
المشكل "الى متى وحنا نعانو"...
شكرا على المرور:re_gards:
 
والله يابلادنا ماهي لاباس طالما مازالو فيها هادوك الريسان، يا لاطيف من اللي خلقت وليت نعرف راني نشوف فيهم، طول النهار وهوما رايحين نحسنو من معيشة الفرد، رايحين نساعدو الشباب، ورايحين ورايحين............إلخ، هدرة في الهوا، جعجعة بدون طحين، وأملاك الدولة رايحة غير للروس الكبار وتقول حنا رانا أجانب، ربي يستر برك، باه تولي بلادنا لاباس لازم نتخلصو من هادوك الركايز اللي من كثرة قعودهم على الكراسي نبت الحشيش من حواليهم، ربي يحفظنا.​
 
صح هذى عندك الحق فيها.... لكن نبقاو احسن من غيرنا بكثير من الاشياء ...لوكان برك الوزراء يحن قلبهم على الشعب و يطبقو اقوالهم على ارض الواقع و يساعدو شباب الجزائرى حينها نكون احسن من الدول المتقدمة
 
مسكرة علينا من كل جيهة وجانب وحزب رانا ملاح مازلو راهم ملاح ربي يلحقنا ليهم نكون ملاح كيفهم
 
السلام عليكم
يا خويا والله غير مشكلة كبيرة
وما علاباليش الى متى نشوفوا وحد الظواهر العجيبة
وسياسة البريكولاج لا من طرف الشعب ولا الدولة ما علاباليشش وينتى تتنحى
الله يهدينا هذا ما نقول
وشكرا على الطرح
​
 
توقيع الصراحة راحة
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom