خذوها حتى لوكان غالطة

[ghezal32]

السلام عليكم و رحمة الله وبركاته
حاب اليوم نحكي على قصة صراتلي . كنت نقرى في واحد المادة المهم في وسط الكور هاداك الشيخ عطالنا واحد القيمة قاع نعرفوها (ثابت بلانك) بصح كان غالط في القيمة قالوا الشيخ هذي معروفة والله اعلم راك غالط . انا خلعني:scared: كي تبدل ولا يعيط :busted_red:قاللهم القيم اللي نمدهم خذوهم حتى اذا كانوا غالطين :sad: انا لي نحاسبكم في الاختبار . يرحم وادليكم كيفاه بغاونا نقراو ......................

 

[ماكانش]

الأساتذة يحشمو كي ينعتولهم التلاميذ
وعندك نهار الإمتحان تلعبها تصصح السيجي هههههه​

 

[sali-sali]

ههههههههههه
هدا ماشي استاد
نورمالمو الاستاد كي مايعرفش يستعرف ويقوللكم كي نتاكد من المعلومة نثبتها
انا من رايي تحاولوا تقنعوه بلي راهو غالط

​

 

[محـ أمين مد]

هههه كاين شي اساتذة تجيهم حاجة طايحة مين كاش تلميذ يصحيلو سيرتو لكان استاذ قديم

و الله يا التعليم ف الجزائر ماراك داير
​

 

[كمايا]

ياخويا جيتني فالصميم

انا راني خايفة من حاجة

لبروف يعطينا الدرس غالط وtd تصلح لغلاط بلغلاط

وديفوا يكون الحل الصحيح باين وهوما في زوج يقنعو فينا بالغالط

فلكونترول راني حايرة نكتب الغالط ولا الصحيح

والله يدوخوك

التعليم الجامعي منحط لدرجة ماتتصوروش

 

[homework]

سبحان الله العباد كامل يغلطوا مافيهاش مشكل اذا صححتولوا بطبع يعتز لأن التلميذ راه يتبع معه

 

[NIZAR.DZ]

؟؟؟؟؟؟؟؟؟؟؟؟؟؟؟
راسي حبس
والله شي يدوخ ياصاحبي
​

 

[مرام التيبازية]

سلام شكرا على الموضوع..
حتى احنا عندنا استاذة هكا المهم الله يهديهم منهدرش عليهم انقصلهم الذنوب ههههههه...
الله يهدي ماخلق امييييين...

 

[أمازيغي]

هاذاك وسمو ثابت بلانك وهاذا وسمو ثابت الشيخ يعني كي تجي طالع في المستوى دير ثابت بلانك وكي جي هابط في المستوى دير ثابت الشيخ واشيهوا قوة الانفجار راح تكون كثر من مليون قنبلة نووية.

 

[ghezal32]

شكرا لمروركم بصح وين راه الحل . انا كرهت منكذبش عليكم

 

[مسيلية فوور]

ههههه
والله مهزلة
منحبش الاستاذ اللي ميحبش يستعرف بلي راه غالط
يا اخي نتا تاني انسان كيفنا وتغلط كيفنا ولا جاي من المريخ؟
ربي يهدي ما خلق
واصبر يا خويا واش رايح دير اذا كانو الكبار روسهم غلاظ كيفاه حبيتو يكون
مرسي على الموضوع
+تقييم
​

 

[مابقاش بزاف.Dz]

يخي حالة يخي
الاستاذ كيما هكدا ما يشقاش تكمل تقرا عندو الكور

 

[الورد الأحمر]

كان يقريني واحد تاع المحاسبة في الجامعة ...
كنا احنا مجموعة صحاب باك محاسبة ومعانا جماعة
لي طيشوهم خاطي الطريق من تاع العلوم أصحاب المعدلات
المرنكة لي كيفهم بعد ... هيا طاح يخرط عليهم صلحنالو احنا
تاع المحاسبة بلي راهي غالطة العفسة لي دارها ... كان هو الشاف
ديباغتومون تاعنا دار قرار لي جابو باك محاسبة وتسيير واقتصاد
ما يزيدوش يدخلو محاضرة المحاسبة نهائيا ... طبعا احنا عجبتنا
روحنا وبقينا في راحة طول العام كوم لي يقري فيه كامل ديجا قريناه
وعارفينو وجنون فيه ... نوغمال مالا راك في الدزاير خويا ...
سلام
​