ربي يخليكم ساعدوني

[ميمي87]

السلام عليكم ورحمة الله وبركاته

وش راكم خاوتي انشاالله تكونو بخير كامل توحشتكم بزاف
حبيت اليوم نستشيركم ياخي يقولو ما خاب من استشار وقررت نحكيلكم على مشكلة واقعة فيها ومحتارة وانتوما تشيرو عليا وش ندير
من مدة تعرفت على شاب وحبينا بعض كيما يقولو والحمد لله تقدم لخطبتي صراحة هو شاب طيب وملتزم لكن مشكلتو هي العصبية الزايدة لدرجة لا تطاق وفي المدة اللي عرفتو فيها كانت تصرا بيناتنا بزاف خلافات ومشاكل لدرجة اني كل مرة نقرر نخليه لكن مع اصرارو هو وتمسكو بيا نرجع.
والله منكذبش عليكم انا تاني متعلقة بيه بزاف ومنتخيلش نرتبط مع وحد اخر لكني كرهت من المشاكل وخايفة بصراحة من مستقبل علاقتي بيه خاصة بعد الزواج.وهنا وقعت حيرتي قلبي يقول منقدرش نخليه وعقلي يقول بلي مانيش راح نرتاح ونتفاهم معاه ومانيش قادرة نتخذ قرار.
ربي يخليكم ساعدوني وقولولي واش ندير.
تقبلوا تحياتي.
​

 

[ماكانش]

أهلا بيك أختي
الجواب عليك لقيتو في طرحك للمشكلة
قلتي حايرة بين قلبي وعقلي
عقلي يقلي هكذا وقلبي يقلي هكذا
وفي هذ الأمور يا ختي تبعي عقلك وماتبعيش قلبك
قلبك راهو مغطي بالعاطفة
وعقلك صافي يعطيك الرسمي ...​

 

[nawal 88]

بالاك فيه طبيعة حاولي انت تتجنبي المشاكل معاه وحتى كي يكون يحكي معاك وهو مقلق تجنبيه
ربي يوفقك ختي ​

 

[nadin86]

انا ننصحك بالصلاة الاستخارة

 

[ramdan]

كون جيتي تحبيه صح ما يجيش هدا التخمام في راسك اصلا .. ما دامك تخطبتي ركزي روحك و ما تخليش الشيطان يلعب بيك ولكن تلهطي على الكامل فسبحانوا ربي ....ام قلال اللي يطبطبولهم على الباب ما بالك وحدة طبطبوا عليها من قبل خمي مليح قبل ما يفوت الاوان.
لازم تتعلمي تصبري و يكون في علمك اسهل رجل هو العصبي خاطر نقطة ضعفوا قلبوا كي تمشي معاه بالحنانة يديرلك واش تحبي

 

[ملكًة الاحسآس]

وعليــكم السلام
شوفي اختي مدامكـ راكي مخطوبــة دركـ لازم عليكـ تطلعي وتهبطي الحكاية مليـح في راسكـ
اول حاجة اهدري معاه في هدي المسألة ،وشوفي واش من نتيجة توصلولهــا
بلكـ كاين نقاط معينـة تدريهم يتنيرvــا فيهم فيساع
وحاولي تتجنبي الدخول في نقاشات الي تخليه يعصب
والا شفتيــه يتعصب بسبب وبدون سبب ، هنا عندكـ الحق تحكمي عقلكـ مليــح بويسكـ هدي حياة كامل رايحة تعديها معاه ان شاء الله ، ومش ممكن تكمليهــا غير فالزعاف والمشاكـل
+
ربي يوفقكـ ان شاء الله
ويسهـل الامور بيناتكم
​

 

[fati 2016]

ما دام هو تقدم لخطبتك هدا يدل على أنو يبغيك وباغي يكمل حياتو معاك والزواج ماشي لعبة وأنتي علاه ماتحاوليش تعرفي الأسباب اللي تخليه يتعصب وتتجنبيها......فالحقيقة انا صغيرة باش نعطيك نصيحة لكن هدي وجهة نظري برك.....ok

 

[hadda0425]

*طريقة التعامل مع الزوج العصبي :
بعض الأسباب والوسائل التي تعين الزوجة التي وقع حظّها ونصيبها مع ( زوج عصبي مزاجي ) يغضب لأتفه الأسباب ، وينقلب مزاجه من لا شيء ! فمن ذلك : :
1 - اعرفي ماهي الأشياء والأمور التي تثير عصبية زوجك أو مزاجيّته .
تجنبي كل ما يثير عصبيّته . . فإن كان زوجك - مثلاً - ممن ينقلب مزاجه عند تأخر الطعام عليه .. فاجتهدي أن يكون الطعام جاهزاً في حينه . .
2 - تجنّبي بعض الكلمات عندما يكون ( عصبيّاً ) .

لا تقولي له ( اهدأ ) ( الأمر ما يستاهل كذا ) ( حافظ على صحتك .. ) !!
في هذه اللحظة هو لا يريد أن يسمع توجيهات أو نصائح . .
فإمّأ أن تكوني هادئة . . أو تستخدمي بعض العبارات الفضفاضة كأن تقولي له ( إن شاء الله يتيغيّر الأمر ) ( زي ما تحب بيكون ) . .
3 - لا تكثري دائماً من الاعتذار له لسبب أو بدون سبب ..
سيما عندما يكون في لحظة انقلاب مزاجه .
4 - قد تستطيعين ضبط انفعالاتك . . لكن هذا لا يكفي !
حاولي ايضا أن تضبطي لغة جسدك . . لا تنظري إليه بطريقة ( الإزدراء ) أو تحرّكي شفتيك بطريقة تثير مزاجيّته !
5 - صارحيه في لحظات الهدوء .
لا ... لا تعاتبيه وإنما صارحيه بأنك تقبلينه كما هو .. لكن اطلبي منه أن يبين لك ما هي الأمور التي يكره أو تزيد من عصبيته إن فعلتيها عندما يكون غاضباً !
6 - كوني مرحة .
بعض المواقف . . يمكن أن تغيّري جوّها من المزاجيّة بطريقة مرحة ظريفة .
7 - تذكّري أن في حياتك مسؤوليات.
تحتّم عليك أن تتأقلمي مع مزاجيّة زوجك بطريقة إيجابيّة .
8 - التفتي إلى الصفات الجميلة في زوجك . .
فلإن كان زوجك عصبيّاً فقد يكون كريماً .. وهكذا . . ابحثي دائماً عن الأشياء الجميلة في صفات زوجك ولا تركّزي التفكير في هذه السلبيّة .
9 - اجتهدي في تثقيف زوجك بطريقة غير مباشرة .
هناك دورات تأهيلية أسرية تثقيفيّة مكتوبة ومسموعة ومرئيّة . . حاولي أن تكون في بيتك مكتبة تحوي شيئا من ذلك .

10 - احتسبي . . أنك تتقربين إلى الله بحسن مداراته وتبعّله .

زوجك يا أخيّة . . مهما كانت عصبيّته فلن يبلغ أن يكون ( فرعوناً ) !
ومع ذلك تأمّلي كيف كانت ( آسية ) امرأة فرعون تخاطب طاغوت الأرض " قرة عين لي ولك "
بعبارة لطيفة رقيقة . . إنها تعامل الله .

تذكّري أن زوجك ليس ( فرعوناً ) . .

اللهم أصلح بيوتنا وأصلح لنا في ذرياتنا وارزقنا الحياة الطيبة .

الكاتب : أ. منير بن فرحان الصالح​

​

 

[أم نعمة]

ختي غادي نقولك حاجة الزواج لا علاقة له بفترة الخطوبة على الاطلاق الزواج معاملة ما يبقاش هاداك الحب و الشغف يبقا الحب مي مشي كيما فترة الخطوبة يبقا نتي شاعندك في عقلك و هو تاني ويلا هادي صفة ما حملتيهاش و نتوما في اجمل فترة ما بالك مباعد كيتولي معاه خمي مليح مليح هادي نصيحة من واحدة متزوجة الزواج ماشي ساهل ختي

 

[souma z]

يا اختي ربي اعطانا الحل
الاستخارة ثم الاستخارة وماشي شرط تنامي شئ من بعد تقدري تعرفي من نفسيتك واحساسك بعدها وصلي وعاودي
انا في زواجي استاخرت مالغري انا تاني كنت نعرفو من قبل والحمد لله حتى وان صرا مشكل نقول ربي الي كتبهولي وديري مليح في بالك عمرك ماراح تلقاي راجل كامل كل واحد وعيوبه المهم تعرفي تتعاملي معاه
ربي ان شاء الله يكتبلك اللي فيه الخير ليك والمومنات .

 

[ميمي87]

شكرا على الردودربي يخليكم يا اغلى لمة
​

 

[ramdan]

واش درتي فيها

 

[فوفو الجميلة]

تبعي كلام قلبك ماشي عقلك

 

[13matmour]

بصراحة انا تاني ننصحك بصلاة الاستخارة هي اولى الامور
لكن لو كنت مكانك نتجنب هذه العلاقة خاصة في ظل الخلافات المتكررة قبل الارتباط و الخوف ان تبقى بعد الارتباط و تظهر لها انعكاسات تؤدي الى ما لا يحمد عقباه
والله اعلم و اعلم​

 

[NABILA NIHAL]

الله يهديكم يا بنات باكو ديروا لامان ف الراجل الا حبك لازم يجي لداركم و يخطبك من اهلك

 

[NABILA NIHAL]

الثقة اساس الزواج و الساس الصحيح عمرو ما يطيح