قصيدة مضحكة عن الزواج ^_^

Riyad Barça

:: عضو مُشارك ::
إنضم
24 جانفي 2012
المشاركات
132
نقاط التفاعل
1
النقاط
7
السلام عليكم ورحمة الله وبركاته

اليوم لقيت فقصيدة فووووور ^___^


وأحب أن أقول أن هذا هو واقع التشرطات على العرسان في كامل القطر العربي وليس الجزائري فقط
للأسف، ما ساهم في انتشار ظاهرة العنوسة بين الشباب
الله يعينهم ..




نصحوني مرة صحابي بالزواج *********و قالولي بركاك من التعواج


راهي رايحة تديك المواج************إذا بقيت في العزوبية


بقيت نطلع في الحساب ***********و لقيت كلامهم صواب


و في الغد بعثتهم نواب*********** يطرحوا لأهلي القضية


بابا وافق في الحال*********** و قال نجيبوا بنت الخال


و يما جاها في البال********** يخطبولي وحدة بدوية


تفاهمنا على بنت المدينة******* قالو فاهمة و رزينة


راهي تمخمخ في الكوزينة******* و تطبخ طبخات زينة[


عولنا و قصدنا الدار***********حاملين في يدينا النوار


و درنا و حنا زوار************** قاصدين بنت معينة


الراجل في بنتو شكر و يزيد******* قارية و ما تركتش المسيد


و صحيحة كي الحديد ************بنت العلم و التربية


قلت واش هي الشروط ********راني صرت ليكم مربوط


و مالي عندكم محطوط*********** و نزيدلكم الشهرية


قالي يا وليدي سجل ***********20 صباط باش تبدل


و 50 سروال مفصل ************ و يكونو ضيقين شوية


و زيد كيلو ذهب صافي ***********تجيبو و انت زاهي


و الشنتوف ما هو كافي ********** راني درت فيكم مزية


بنتي راهي غاية و شريفة ********* ما تتركش يدها خفيفة


20 خاتم في القفيفة ************* تحطهم في يدها هي


كرافاش بولحية ما تنساش *********و المليون لازم يكون معاك


و الحايك مرمة لازم تلقاه*************و تقدمو لبنتي هدية


قالي يا السي موووح************** بلاك تنسى خيط الروح


باش يزيد لبنتي الروح ************** تبقالك ديما حية


تشريلها عشر كباش************** و الجاج مشوي ما تنساش


و زيدلها منرا قماش******************** هادي حاجة رمزية


بنتي ما تضربش النشاف************* و من الحمام تخرج بالتلحاف


و ها جيبلو حفاف ***************و تزور sa mère كل عشية


الطفلة نطقت ملهيك *********************يا بابا لازم تنهيه


يتركني نحكم فيه **********************و يمشي معايا بالنية


قالي الشرط ما خلاص************** نقراو الفاتحة قدام الناس


قلتلو راني لباس *********************ومنين نهرب يا خويا


درنا العرس نهار الخميس ************و كثر فيه الهراج و التهراس


المطرب يخلط على الناس ************و الدرباكي يعفس تعفاس


و الجمهور راهو نعاس *******************و البراح يبرح شوية


جابو العروسة للبيت ************كي شفتها من الخوف بكيت


ها على الطابلة محطوط************* و راسها من ال مزبوط


رافدة معاها عشر قطوط******************** تلعب لعبة هزلية


لقيتها مركبة قطع غيار*************** ها و حواجبها و لشفار


و كي ضحكت كلشي طار***************** هادي ماركة عصرية


قالت لازم نبقى حرة****************** و يماك لازم ترميها برة


و ما تكثرش الهدرة ********************انا طفلة متحضر


قلت يا امرة لازم تفهمي****************** ترفدي حوايجك و ترنكي


منقول ^__^
 
شكراً على هذه القصيدة الساخرة،،
وهي للشاعر مولود حداد من العاصمة
 
يا يما شحا ل ضحكت يعطيك الصحة خويا
 
هههههههههههههه اتسمها هدا كامل عليه وفي الاخير زين مطرافيكي ههههه
تقبل مروري +ت
 
شكرا على المرور...صاحبي ألم ترى في أخير كلمة منقول..
سيدي أنا لم أقل أنك لم تذكر المصدر، فقط أحببتُ أَن أضيف للأعضاء معلومة وفقط، وقد سَمعتها يوما من الشاعر يُلقها بنفسه، ولعلهُ يكون هناا معنا يوماً يكتب لنا أشعاره.
 
سيدي أنا لم أقل أنك لم تذكر المصدر، فقط أحببتُ أَن أضيف للأعضاء معلومة وفقط، وقد سَمعتها يوما من الشاعر يُلقها بنفسه، ولعلهُ يكون هناا معنا يوماً يكتب لنا أشعاره.

لا أخي أنا لم أكن أقصد شيئا فقط للأهمية على كل حال إسمحلي تعبتك معايا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top