ضرك راك معوق .....ما نقدرش نكمل معاك

[serinee]

اهلا بك اختي
اولا ربي خلق و فرق يعني قادرة اي واحدة تتقبل العيش معاه وحدة اخرى تقلك لا
و هدا الجواب غير هي لي تقدر ترجعلك عليك ختاش يكونو عندها اسبابها باش فسخت الخطوبة
ممكن شافت روحها هدا الانسان ادا تزوجت بيه رايحة تظلمو
انا عندي صديقتي تشوفيها مشاء الله
تزوجت باعمى
هي الان راهي في واحد المشاكل اولا يشك فيها بزززاف و زيد عندهم عامين زواج مش حابها تجيب اطفال
مشكورة على الموضوع
​

 

[nanoche]

واحد ما يقدر يلومها فهي سيدة نفسها وهي وحدها اللي تقدر تقرر حياتها
يا أختي الزواج هذا حياة كاملة ونتحدى أي واحدة تقول أنا في بلاصتها نكمل أي واحدة كي تحب تتزوج تروح لواحد هي تكون مسؤولة منو ماشي من أول يوم تلقى المسؤوليه كلها فوق راسها
لوكان كانو متزوجين وطلبت الطلاق بعدما صرالو الحادث أنا نقول قليلة أصل مي كانو برك مخطوبين في هذا واحد ما يقدر يلومها و هو ربي يجيبلو بنت حلال تقبل بيه ومن البداية تكون مهيئة نفسها لهاذيك الحالة
شكرا على الموضوع و تقبلي مروري
​

 

[أم أمين23]

ممكن بقراءة الموضوع وبالتعاطف نقولو مسكين وكون جات هي في بلاصتو وغيرو بصح انا من رأي الي عملاتو هو الصح هي شايفة روحها مش قادرة على انها تكمل معاه وهو هكا يتفاقو من ضرك افضل الا كملت الله يباركلها والا ما قدرتش الله غالب لو كانت من الاول اداتو هكاك ممكن نقولو ونقولو بصح هي تعرف شخص والي راه ضرك شخص اخر حتى هو اكيد راه تغيرت عقليتو وممكن راه ولى انسان اخر على بيها لا لوم عليها وهو ربي يخلف عليه ويعوضو

 

[־●ـ‗غمــــوض ــالــورد_ـ●־]

اهليـــــــــــــــــــــن بيك اختي،،
وش تحبي هدي هي الدنيا تمد وتنحيلك في فرد وقت ،،
وفي الدنيا هذيا كل واحد وليسونتيموا وكل واحد وطريقة تفكيروا،،
وتاني مش كي تعيشي الموقف كيما تسمعي بيه ،،
اكيد انا سمعت هاد ليستوار تقطع قلبي وغاضني الراجل زيماه صراتلوا،،
الحادث كان قاوي عليه وموقف خطيبتوا تاني كان صعيب،،
دركا اكيد راه متأتر مي وش يدير هدا ماكتبلوا ربي مسكين،،
وباش نحكم على الطفلة هذيا منقدرش نحكم بحاجة صحيحة نهدر غير وجهة نظري ليها كيفماه ،،
انا منقدرش نلومها دركا كل واحد وحياتي زيماه باغي يبنيها،،
منقدروش نظلموها ونقولوا بلي راها غالطة،،
باسكوا الطفلة اكيد مشها قادرة تتحمل تعيش معاه وهو هكداك،،
اكيد خممت مبعد وش راها يصرالها وتقلك باش نعيش متهنية نبقى غير نعاون فيه،،
هو كي قررت ضرك خير احسن من انها تتزوج بيه من ناحية انها شفقت عليه ومن بعدا تظهر فيها حوايج خلاف ويزيدوا ليبروبلام يكتروا وبعد تكره وكش مادير تاني وتولي قاست الراجل وحطمت حياتها،،
باسكوا راها باينة انا نشوف فيها كي متحملتش لاشوز هدي مشها راح تتحمل حوايج خلاف،،
-- انا من وجهة نظري انوا نورمال كان قبلت بيه ، يعني نقصد انوا لوحدة كي تبغي واحد من الول وتنفاهم معاه وتكون ناوية معاه بزاف حوايج وتحوس تتهنى والله ماما تديه ناقص لرجلين ويدين راح تعيش نورمال،، يعني ربي كان يكتب لوحدة تتهنى وتعيش نورمال وحاجة ماخصتها تعيشها مام مع معوق بعد ،، يعني هاد الطفلة بالاك راه يختابر فيها ربي برك على الصبر تاعها بالاك راح تدي واحد كامل مي معوق في راسوا يعني لاشوز لي تبغيها متلقاهاش معاه ومتعيشش متهنية،، مي الله غالب احنا ديما نحوسوا على المظاهر لخارجية جامي واحد مشى بعقلوا وحوس على المظاهر الداخلية تاع الانسان،، انا من لوجونر لي كي نبغي نخير شريك حياتي نحوس على اخلاقوا ولامونتاليتي تاعو كيفماه دايرة اسكوا راح نعيش متهنية معاه ولالا واسكوا رانا متفاهمين فديشوز ولالا هديك هي لحاجة لي تخلينا نقدروا نعيشوا حيتنا مش ندي لكور تاعوا ولادراهموا ولازينوا ولا منيش عارفة،، الله غالب والله بزاف ناس معوقة فالتفكير تاعها ،، انا منكدبش عليك ميعطينيش قلبي والله منقدر نتخلى على واحد عشت معاه وكنت ناوياتوا ومتفاهمة معاه ويعجبني على الول ومن بعد تصرالوا عفسة نكرهوا ونتخلى عليه وانا نكون عارفة بلي هديك لحاجة مشها راح تأتر على حياتنا ،، هو نورمالموا وحدة تحوس على لهنى قبل كلش مي وش انديروا ديما نبقاو عباد ولعبد جامي كان كامل صح ديفوا لواحد يكون يفكر هك مي الدنيا تخليه يتبدل وش راح اديري واحد يدير ربي في قلبوا ولي جابها ربي راها فالخير..راه كلش مجرد امتحان برك وكلش يروح حاجة ماتبقى..هدا الراجل بعد بالاك ربي شافلوا فيها خير واحد مايعلم بالاك شاف بلي هاد الطفلة مش راح يتهنى معاها مبعد وراح تضيع حياتوا وحياتها باطل وبالاك راهوا مخبيلوا اغلى من لحاجة لي فقدها فالله يمهل ولايهمل...
اواش راح نقولوا ربي يهدينا وربي يجيب ساعة الخير وخلاه احنا ولا حاجة بيدينا كلش يجي من عند ربي....
--ومشكورة اختي على الموضوع يعطيك الصحة--
​

 

[سمسم السمسومة]

فسخت الخطوبة خير ما تدير حاجة من بعد أكثر ضررا و لي هي الخيانة

 

[nihade.off]

صحا اختي راكي تفكري في الراجل مسكين و راه تزوج شتي

مي تاني حطي روحك في بلاصة الطفلة عاد صغيرة وووووو تاني عارفة موش ساهلة عليه هوا تاني و عارفاتك واش راكي تقولي

مي واحد يفكر بمنطق موش تقولي انانية و لكن هادو في فترة الخطوبة برك لربما انا و لو كنت مكانها نفسخ الخطوبة و ربما ما نفسخش القلب و واش يهوى و تاني قكري كون هيا لي تقطعو رجليها واش راح يقبل بيها ؟؟؟؟؟ ما شكيتش اختي

نزيد نقولك يا اختي هيا من حقها تفسخ مادامو خطيبها برك مي موش حق عليها لو كان زوجها تمة هادي حاجة اخرى



سلام

صح اختي
ربي يجيب الخير

​

 

[nihade.off]

اهلا بك اختي
اولا ربي خلق و فرق يعني قادرة اي واحدة تتقبل العيش معاه وحدة اخرى تقلك لا
و هدا الجواب غير هي لي تقدر ترجعلك عليك ختاش يكونو عندها اسبابها باش فسخت الخطوبة
ممكن شافت روحها هدا الانسان ادا تزوجت بيه رايحة تظلمو
انا عندي صديقتي تشوفيها مشاء الله
تزوجت باعمى
هي الان راهي في واحد المشاكل اولا يشك فيها بزززاف و زيد عندهم عامين زواج مش حابها تجيب اطفال
مشكورة على الموضوع
​

صح اختي
بعض الناس اللي مثلا معوقين او مايشوفوش تلقايهم ديما يحسو بالنقص حتى لو كان مرتو ديرو في عينيها بصح يدير المشاكل

ويحسسها ​

بلي هي اللي مش مليحة ​