المولود بين البارح واليوم *ادخل احكيلنا موقف طريف صرالك في المولود

[امورة المنتدى]

السلامـ عليكمـ خاوتي وخواتاتي
كيـــــف الأحوآآل

​

نشالله بخير ​

تحية اولا للاخ Barça232​

الاخ مكانش ​

اختي ISMA.dz​

وحبوبتي ​

مروة ​

بنــــــ Ma Pa ـت

وماماتي

العضوة في المنتدى

نخليكم نتوما تكتشفوا شكون هي ؟

ههعهع

​

المهمـ​

كآآش محارق كاش نوالات

​

ياخاوتي راه قرّب المولود ​

انا مع ماما قعدت زعما تحكيلي في زمانهم كيفاه كانو يحتفلو بيه

​

قاتلي بلي بكري كانو بالدربوكة يغنو (آوجا مولودنا يفرح بينا يفرح بينا في المكة والمدينة
صلوا عليه صلوا عليه ..) اندمجتو مع الغنية؟

​

وكانو يجيبو بواطات تع طوماطيش فارغين يحطو فيهم شمع ​

كان المولد النبوي في وقتهم هااايل

بدون عنف

​

يعني تمشي بحرية ​

ماتخافش يديروها بيك ويطرطقوا عليك محيرقة

​

لكــــــــن في وقتنا الحالي ​

فرق كبيييييير ​

وللأسف

​

اليوم وين تروح تلقى الطوابل ​

تمشي تعس موراك ​

والاسوأ من ذلك كي تكون تمشي يررموا علليك محيرقة

​

والاسوأ من ذلك بكثير ماتكونش محيرقة تكون دوبل بومب

​

تبا تبا

​

العامـ اللي فات شريت دراهمي كامل محارق ​

خلاص المولود

​

طاحتلي الدمعة

​

مول الطابلة قاعدة نشوف فيه كحل ​

رغم انو كان ابيض البشرة

​

وزيد بالزيادة​

كاين ​

اللي عندو عدو ​

يستنى المولود ​

ويخلـــــف فيه الثار

​

ياللشر

​

-نصيحة ​

اعقد جلسة صلح مع عدوك قبل المولود ​

كل الناس اجتمعوا على هذي النصيحة

​

المهمـ خاوتي ​

نتمنى عجبكمـ موضوعي ​

ونتمنى تاني

​

تشاركوني رايكمـ​

وكل واحد يحكي

​

كيفاه يجوز المولود ​

ويحكيلنا على مواقف طريفة ​

صراتلو فيه ​

اليكم الخط ​

خلاصو دراهمكم ​

ايا بقاو على خير

​

by AMOURA ​

 

[ماكانش]

أهلا بيك امورة
يعطيك الصحة على موضوعك الباهي
وعلى التحية الخاصة
حنا بكري في وقتنا يعني ماشي بزاف مي كاين شوي براكة وكاين غير لمحارق لحنان هذوك تاع الخيط ههههه
مام تحطيها في عينيك ماتضركش
وشوي نشعلو نار ونحطو شمعة في قوطي طماطم زعما موطو هذا ، وشوي سينيال هذا ماكان ه
درك يالطيف بومبات ماكانش مولد مايعماوش خرين ومايتحرقوش ديار ...
يعطيك الصحة على موضوعك الباهي

+ تقييم​

 

[iman la brune]

احنا كنا نوجدو القوطيات تلقاي كل واحد جاب مسمار وقوطي تاع طماطم ونخرقوهم ونهار يجي المولد نجبدوهم

ونحطو شمعة ونمشيو في الظلمة زعمة عندنا مصابيح سحرية ونغنو طلع البدر وهكذا

وولد عمي الله يرحمو دار فكرة باش القوطي يدير كما السنيال جاب الليسانس ودار كواغط في القوطي وشعل النار ويدور يدور حتى يدير دائرة تاع نجوم اما كي رحلنا عدنا نديرو مع ولاد الجيران نتلمو و نشريو محارق والسنيال والليل كامل بوم بوم هههه وساعات نطلعو لسطح ونديرو ثم

بصح كانت يدير خسائر شعرية وجلدية هههه كان روعة

اما ضرك صايي مللي قالو بدعة بطلنا
​

 

[homework]

مشكورة اختي الكريمة على الموضوع الباهي
بكري ليس ببعيد كنا نحن البنات نفرح و نزهاوا بالعيد المولد هذي محارق وهذا شموع ونحنيوا يدينا كانت تحنيلنا جارتنا عجوزة ونبداوا ندزوا في بعضنا شكون تحني الاولى
وكانت النساء طيب مؤكولات تقليدية ونبعثوا للجيران يتذوقوا عشانا و نديروا خليط من المكسرات والحلويات يفرقوا على لولاد صغار ونبقاوا نلعبوا ونفرحوا
حاجة لي درناها انوا كنا مشعلين شموع ولينا هزيناهم في يدينا كانت طفلة معنا شعرها شوية احرش و اختي قعدت تلعب ودور بالشمعة نتاعها حتي جابتها في شعر المخلوقة حرقتلها كمية معتبرة منوا

 

[امورة المنتدى]

مشكورة اختي الكريمة على الموضوع الباهي
بكري ليس ببعيد كنا نحن البنات نفرح و نزهاوا بالعيد المولد هذي محارق وهذا شموع ونحنيوا يدينا كانت تحنيلنا جارتنا عجوزة ونبداوا ندزوا في بعضنا شكون تحني الاولى
وكانت النساء طيب مؤكولات تقليدية ونبعثوا للجيران يتذوقوا عشانا و نديروا خليط من المكسرات والحلويات يفرقوا على لولاد صغار ونبقاوا نلعبوا ونفرحوا
حاجة لي درناها انوا كنا مشعلين شموع ولينا هزيناهم في يدينا كانت طفلة معنا شعرها شوية احرش و اختي قعدت تلعب ودور بالشمعة نتاعها حتي جابتها في شعر المخلوقة حرقتلها كمية معتبرة منوا

اولا صحيتي ختيتي على الرد الباهي
ههههه غاضتني مسكينة الطفلة اللي تحرقلها شعرها ربي يعوضها خير منو ههههههه
ايه انا معشتش ياماتكم بصح نتمنى يولوا ونعيشهم
مشكووووورة ختيتو على المرور الباهي ​

احنا كنا نوجدو القوطيات تلقاي كل واحد جاب مسمار وقوطي تاع طماطم ونخرقوهم ونهار يجي المولد نجبدوهم

ونحطو شمعة ونمشيو في الظلمة زعمة عندنا مصابيح سحرية ونغنو طلع البدر وهكذا

وولد عمي الله يرحمو دار فكرة باش القوطي يدير كما السنيال جاب الليسانس ودار كواغط في القوطي وشعل النار ويدور يدور حتى يدير دائرة تاع نجوم اما كي رحلنا عدنا نديرو مع ولاد الجيران نتلمو و نشريو محارق والسنيال والليل كامل بوم بوم هههه وساعات نطلعو لسطح ونديرو ثم

بصح كانت يدير خسائر شعرية وجلدية هههه كان روعة

اما ضرك صايي مللي قالو بدعة بطلنا
​

هههههه خسائر جلدية وشعرية ايه يادرا شحال من ضحية
كي ماكاش قتلى رحمتك ياربي
ربي يرحم ولد عمك ويسكنه فسيح جنانه
مشكووووووووووورة ختيتي ايمان نووووووورتي:shay:

أهلا بيك امورة
يعطيك الصحة على موضوعك الباهي
وعلى التحية الخاصة
حنا بكري في وقتنا يعني ماشي بزاف مي كاين شوي براكة وكاين غير لمحارق لحنان هذوك تاع الخيط ههههه
مام تحطيها في عينيك ماتضركش
وشوي نشعلو نار ونحطو شمعة في قوطي طماطم زعما موطو هذا ، وشوي سينيال هذا ماكان ه
درك يالطيف بومبات ماكانش مولد مايعماوش خرين ومايتحرقوش ديار ...
يعطيك الصحة على موضوعك الباهي

+ تقييم​

اولا مشكوووور على التقييم :shay: خويا
ولو العفو نتا كامل مانديرلكش تحية هههه :shay:
والله يا خويا سفيان يامات كل غير يولوا :shay:
وش تحب هاد الجيل تقرا غير في الجرنال هادا اتحرق هادا مات
الله يسترنا
ايا مشكوووووور خيو سفيان نووووووورت

 

[simou11]

مام حنا كنا نديروها تاع القوطيات تاع الطماطم
و كانت عندنا جارتنا هي الكبيرة فينا
( كنا كامل نخافو منها )
تديرلنا زعما مسابقة تاع دين
و لي يربح يدي باكي سينيال ^^
و نحنيو و نديرو الشموع ادوكا المزينين و نغنيو تاع طلع البدر
مي درك تقول في غزة تعود ماشي ماتعرفش لابومب مين تجيك !

مرة جارتنا جات تغير فينا بالشمعة تاعها غوز زعما كيما تاع العرايس
شوية حرقتلها قشها
مانكدبش عليكم دحكت عليها حتى شبعت
كنت غايرة منها انا بويسك الشمعة تيعي كانت بلونش ^^
سلآآآآآآآآمو

Miss Simou​

 

[امورة المنتدى]

مام حنا كنا نديروها تاع القوطيات تاع الطماطم
و كانت عندنا جارتنا هي الكبيرة فينا
( كنا كامل نخافو منها )
تديرلنا زعما مسابقة تاع دين
و لي يربح يدي باكي سينيال ^^
و نحنيو و نديرو الشموع ادوكا المزينين و نغنيو تاع طلع البدر
مي درك تقول في غزة تعود ماشي ماتعرفش لابومب مين تجيك !

مرة جارتنا جات تغير فينا بالشمعة تاعها غوز زعما كيما تاع العرايس
شوية حرقتلها قشها
مانكدبش عليكم دحكت عليها حتى شبعت
كنت غايرة منها انا بويسك الشمعة تيعي كانت بلونش ^^
سلآآآآآآآآمو

Miss Simou​

هههه تع ياللي كانت تزوخ تحرقلها قشها
والله غير هادي تع القوطيات كامل يعرفوها غير انا
نشالله هدا المولود نديرها هههه
مشكووووووووورة ختيتو
نوووووووووووووووورتي:shay:​

 

[BARCA232]

وعليكم السلام ورحمة الله تعالى وبركاته
أيه اميرة فكرتيني بأحلى الأيام
والله يحضرني وحد الموقف عمري لاأنساه
وهو كنا في ذاك النهار ننقاسمو قسمين
القسم الأول الكفار والثاني المسلمين
أيا وطاg على من طاg
يعني حرب بكل شراسة وأضرب على روحك وانا كنت كل مرة نتقسمس ضخصية مرة معاهم ومرة ضدهم
وكي ترجع للدار نلقى جداتي ربي يرحمها ذيك الاغنية الطيبة على سيدنا
والصلاة على النبي والله حتى الليلة ذيك كان عندها وحد الطابع خاص غير الليالي الأخرى
كنا ننتاظروها بفارغ الصبر البنات وحدهم يغنو على سيد الخلق احلى الأغاني
التلفزة تنشد احلى الأغاني وأحلى الافلام للتذكير بالهادي محمد صلى الله عليه وسلم
وكنا نشعلو نار هادئة على شموع بسيطة
على الرغم من خروجنا بعض المرات على الخط
مي ماشي لهذه الدرجة وانتظري المستشفيات شحال راه تستقبل مصابين
أيه الله يرحم أيام زمان
أيام رائعة وهايلة
الله يخليك امورة فكرتينا باحلى الايام اليوم حتى نسينا وقته سبحان الله
وعيد الحب هو الاول نتفكروه عيش تشوف المعجووووب والمكسوف والمخسوف
بارك الله فيك
​

 

[امورة المنتدى]

وعليكم السلام ورحمة الله تعالى وبركاته
أيه اميرة فكرتيني بأحلى الأيام
والله يحضرني وحد الموقف عمري لاأنساه
وهو كنا في ذاك النهار ننقاسمو قسمين
القسم الأول الكفار والثاني المسلمين
أيا وطاg على من طاg
يعني حرب بكل شراسة وأضرب على روحك وانا كنت كل مرة نتقسمس ضخصية مرة معاهم ومرة ضدهم
وكي ترجع للدار نلقى جداتي ربي يرحمها ذيك الاغنية الطيبة على سيدنا
والصلاة على النبي والله حتى الليلة ذيك كان عندها وحد الطابع خاص غير الليالي الأخرى
كنا ننتاظروها بفارغ الصبر البنات وحدهم يغنو على سيد الخلق احلى الأغاني
التلفزة تنشد احلى الأغاني وأحلى الافلام للتذكير بالهادي محمد صلى الله عليه وسلم
وكنا نشعلو نار هادئة على شموع بسيطة
على الرغم من خروجنا بعض المرات على الخط
مي ماشي لهذه الدرجة وانتظري المستشفيات شحال راه تستقبل مصابين
أيه الله يرحم أيام زمان
أيام رائعة وهايلة
الله يخليك امورة فكرتينا باحلى الايام اليوم حتى نسينا وقته سبحان الله
وعيد الحب هو الاول نتفكروه عيش تشوف المعجووووب والمكسوف والمخسوف
بارك الله فيك
​

السلام عليكم اخي محمد
عاش من شافك في موضوعو :shiny:
هههه هاديك تع اضرب على روحك فوووور اللي يكون زعفان يجي يفرغ زعافو
والله غير عابالك ميـــــتة باش نولي ليامات زمان
الله غالب نسمع عليهم برك
انا جيت في عصر الدوبل بومب :schmoll:
والله ياخويا محمد غير الزمان تبدل
عيد الحب يتفكروه
بصح ذكرى مولد الرسول ولا على بالهم
ربي يهدي الشبيبة i-o:
نوووووووووووورت خويا محمــــــــــ:sheer:ــــــــد :sheer:​

 

[*ليديا*]

السلام عليكم ورحمة الله وبركاته
اهلا امورة انا تفاعلت مع الغناية ورحت نجيب الدربوكة وانتي قصيتيها:schmoll:هههههههه
المولود انا كي نسمع هاك نتفكر غير المحارق في الليسيات والبنات تتعايط :cra_zy:
وفي كل عام وكل ما يقرب المولود يديرو عليه خطبة في المسجد راو الاحتفال تاعو ما يكونش بالعنف
راو لازم نقراو القرآن ونتفكرو السيرة النبوية ونديرو عشاء ونبعثو للاحباب وما ننساوش صلة الرحم
احنا يجي المولود الذراري طيرو للزنقة ويلعبو بالمحارق وطايرين ومن غدوة تبداي تسمعي واحد طارت عينو ، واحد طارت وذنو ، واحد تخلع مات ، واحد تخلع جاه الصفير :scared:
ايا ماعليش يلعبو ويحتفلو مي بالشوي وفي حدود المعقول
طولت عليكم الهدرة
يعطيك الصحة على الموضوع فووووووووووور :sheer:
كل عام وانتم بخير يتعاد عليكم بالصحة والهناء
+ تقييم
​

 

[souhila_95]

والله العظيم في وقتنا الحالي ولينا نخافو من مولود بسبة المحيرقات حنايا غير يقرب مولود على بالك تولي حروب بين الشوارع كل حي يأسس عصابة ولوحو في بعضهم المحيرقات وعلى بالك البنات حنا الضحايا بالدرجة الأولى ههههه بصح هذا العام الحمد لله حنا في ولايتنا نقصو عليهم نسبة المحيرقات بزاااااف هههه شح فيهم **بسبة هذاك المرسوم الوزاري لي خرج قالك زوج تلاميذ ماتو بسبة المحيرقات يخي لابوليس هذه ليام مسركلين الشوارع وغير يشوفو طابلة يخملوه هههههه ياحصراه على مولود بكري وجيلنا شوهلو سمعتو بالعوض يقراو لسيرة النبوية ويديرو ختمات نتع قرآن ويمدحو شوية فسدوه بهذك الخطة اليهودية لي تعمدت تشويه هذا اليوم العزيز على قلوبنا
أما الموقف الطريف صرالي العام لي قدام ليفات لاحو فيا محيرقة نتع دوبل كانو تحت كرعيا في الكلاصا ومافقتش حتى طرطقت ونوض جبتها جري حتى دار المدير ههههه لي ضحك ضحك ولي هرب هرب ياتل أيام تخلع وتضحك في نفس الوقت ههههههه
​

 

[βŁąčĶ & ẄħîŤę]

موضوع شباب يعطيك الصحة

انا منين نشفى في ميلود يكون تما شحان اي رهان يتمثل في
- وشكون يطرطق محيرقة في يدو ( زعما كوغاج )
- وشكون لي يقدر يهف واحد والا يكلحو ويديرهالو في قارو والا تحت تريكوه
- وشكون لي يخدم محارقة تقليدية صوتها اكثر من نتاع صاحبو​

 

[EL General]

هههههههههههههه
و الله يا أمورة وحدك نتي ... ان و الله أكثر موقف صرالي غفلوني العام لي فات و حطولي دوبل كانو في الجيب تع السروال علابالك رجلي كامل تحرقت داك الوقت و السروال تقطعلي ياا و الله وليت مانضويش على جماعة الكرتي قلت لهم هادي ماهيش عملة يا جماعة و ماشي هكا الناس تتعامل هههه و انا راني شايخ على روحي بالضحك كي روحت للدار
المهم ربي يصلح أحوالنا
و فكرتيني بهاديك اللقطة تع القوطي تع الطماطم و تحط فيه الشمعة و تبدا تدور في الحومة
ااااه يا زماني وينك
شكرا جزيلا
​

 

[أمازيغي]

نبداو بالصلاة على سيدنا محمد صلى الله عليه وآله وسلم.......... اسمعوا راهو عندي حكايات وحكايات مع المولود....أجملها أنو قبل المولود الشريف جينا للمدرسة واحد لمرا ماشي عجوزا وتديرنا الحنا.... وحنا رانا نغنيو
http://www.youtube.com/watch?v=6JuXY2FihVo&feature=related
ولاّ
http://www.youtube.com/watch?v=v0TEmDkb8Oc&feature=related

واللي يغني مليح تعطيلو جائزة. ونروحو فرحانين طايرين من الفرحة.
كي يلحق المولد نلقاو الأم دارتنا الطمينة و الركاك (الرقاق عند المشارقة). ومن بعد صلاة العصر نروحو للمسجد ونبداو نغنيو البردة المباركة
http://www.youtube.com/watch?v=3vECXkpCUh4&feature=related
ومن بعد صلاة العشاء نروحو نلعبو نشعلو السينيال ونديرو الزربوط والمحارق حنا لنخدموهم بالرصاص وهاذاك الغوطي نتاع الطوماطيش نثقبوه ملتحت ونعلقوه بالسيلان ونعمروه بالكاغط نديرو فيه الزيت ونشعلوه ونبقاو ندورو حتان يشعل ونجريو بيه .....آيااه على أيامات زمان ضرك والو راح كلش حرمو علينا كلش.
نشاء الله يعاودو علينا سيدي ربي بالخير والبركات .
هديتي لكم
http://www.youtube.com/watch?v=a6UTIAxSJJc&feature=related
و
http://www.youtube.com/watch?v=MRWOvSMDFmQ&feature=related
فائق الاحترام والتقدير

 

[sali-sali]

اييييييييه فكرتينا بيامات كنا صغار
وشحال كنت نحب المولد ونحب نغني
خوتي وصحاباتي كامل يسمعولي وانا نشدلهم
خطرة في المولد خسرت البيانو على جال الغنا ديت تبهديلا كحلة
وكنا نديرو شمع ومحيرقات والحنة
شكرا لك

​

 

[زهرة2012]

اولا نشكرك على الموضوع الهايل
ياحسراه على المولود تاع الزمان ..كنا نحتفلو بالشان والطبع ..نحكمو باطا شموع نشعلوهم كاملونغنو طلع البدر علينا :sheer:
بلا ما ننى الاجاكس:shiny: نشعلوه وندورو يدينا باه نديروا كي شغل العاب نارية ..ومرة درته من البالكون وبدت ندور في يدي حتى طاح طرف منو حامي يزلق وحرقني:cra_zy: وليت نتوغ:sad:
بصح خفت نول لماما تزيدني بسوطة:shiny:
كمدتها وسكتت حتى بريت ..ولدورك مازالت فيا سيكاتخيس ومين نشوفها نتفكر المولود
بصح دورك ولاو يحتفلوا بلبومبات_o: ولي جات فيه رحمة الله عليه:cra_zy:
المهم كل عام وانتم بالف خير​

 

[امورة المنتدى]

السلام عليكم ورحمة الله وبركاته
اهلا امورة انا تفاعلت مع الغناية ورحت نجيب الدربوكة وانتي قصيتيها:schmoll:هههههههه
المولود انا كي نسمع هاك نتفكر غير المحارق في الليسيات والبنات تتعايط :cra_zy:
وفي كل عام وكل ما يقرب المولود يديرو عليه خطبة في المسجد راو الاحتفال تاعو ما يكونش بالعنف
راو لازم نقراو القرآن ونتفكرو السيرة النبوية ونديرو عشاء ونبعثو للاحباب وما ننساوش صلة الرحم
احنا يجي المولود الذراري طيرو للزنقة ويلعبو بالمحارق وطايرين ومن غدوة تبداي تسمعي واحد طارت عينو ، واحد طارت وذنو ، واحد تخلع مات ، واحد تخلع جاه الصفير :scared:
ايا ماعليش يلعبو ويحتفلو مي بالشوي وفي حدود المعقول
طولت عليكم الهدرة
يعطيك الصحة على الموضوع فووووووووووور :sheer:
كل عام وانتم بخير يتعاد عليكم بالصحة والهناء
+ تقييم
​

اولا مشكووووورة ختيتو ليديا على التقييم
هههههه ايا مليح كي تفاعلتي مع الاغنية :shiny: المولود الجاي نكمل النص لوخر ديالها :shay:
ههه ربي يهدي الشبيبة طايرين غير بالمحارق من بعد كي يخلاص المولود نقعدو نحصو في عدد الضحايا ههههههه
مشكووووووووووورة ليديا نووووووورتي موضوعي حنونة
+تقييم على ردك الحلو

5803]

والله العظيم في وقتنا الحالي ولينا نخافو من مولود بسبة المحيرقات حنايا غير يقرب مولود على بالك تولي حروب بين الشوارع كل حي يأسس عصابة ولوحو في بعضهم المحيرقات وعلى بالك البنات حنا الضحايا بالدرجة الأولى ههههه بصح هذا العام الحمد لله حنا في ولايتنا نقصو عليهم نسبة المحيرقات بزاااااف هههه شح فيهم **بسبة هذاك المرسوم الوزاري لي خرج قالك زوج تلاميذ ماتو بسبة المحيرقات يخي لابوليس هذه ليام مسركلين الشوارع وغير يشوفو طابلة يخملوه هههههه ياحصراه على مولود بكري وجيلنا شوهلو سمعتو بالعوض يقراو لسيرة النبوية ويديرو ختمات نتع قرآن ويمدحو شوية فسدوه بهذك الخطة اليهودية لي تعمدت تشويه هذا اليوم العزيز على قلوبنا
أما الموقف الطريف صرالي العام لي قدام ليفات لاحو فيا محيرقة نتع دوبل كانو تحت كرعيا في الكلاصا ومافقتش حتى طرطقت ونوض جبتها جري حتى دار المدير ههههه لي ضحك ضحك ولي هرب هرب ياتل أيام تخلع وتضحك في نفس الوقت ههههههه
​

هههههه عجبني الموقف اللي صرالك ههه لوكان كنت قدامك نديرلك السمير هههه
ايا كي ماصرالكش انعكاسات ربي سترك الحمدلله
نشالله المولود هادا يجوز بخير وعلى خير
صحيتي سهييييلة حنونة
نووورتي

 

[امورة المنتدى]

نبداو بالصلاة على سيدنا محمد صلى الله عليه وآله وسلم.......... اسمعوا راهو عندي حكايات وحكايات مع المولود....أجملها أنو قبل المولود الشريف جينا للمدرسة واحد لمرا ماشي عجوزا وتديرنا الحنا.... وحنا رانا نغنيو
http://www.youtube.com/watch?v=6JuXY2FihVo&feature=related
ولاّ
http://www.youtube.com/watch?v=v0TEmDkb8Oc&feature=related

واللي يغني مليح تعطيلو جائزة. ونروحو فرحانين طايرين من الفرحة.
كي يلحق المولد نلقاو الأم دارتنا الطمينة و الركاك (الرقاق عند المشارقة). ومن بعد صلاة العصر نروحو للمسجد ونبداو نغنيو البردة المباركة
http://www.youtube.com/watch?v=3vECXkpCUh4&feature=related
ومن بعد صلاة العشاء نروحو نلعبو نشعلو السينيال ونديرو الزربوط والمحارق حنا لنخدموهم بالرصاص وهاذاك الغوطي نتاع الطوماطيش نثقبوه ملتحت ونعلقوه بالسيلان ونعمروه بالكاغط نديرو فيه الزيت ونشعلوه ونبقاو ندورو حتان يشعل ونجريو بيه .....آيااه على أيامات زمان ضرك والو راح كلش حرمو علينا كلش.
نشاء الله يعاودو علينا سيدي ربي بالخير والبركات .
هديتي لكم
http://www.youtube.com/watch?v=a6UTIAxSJJc&feature=related
و
http://www.youtube.com/watch?v=MRWOvSMDFmQ&feature=related
فائق الاحترام والتقدير

اولا اخي امازيغي نووووورت موضوعي بردك الباهي
والله يا اخي فيديوهات هايلة صحيت
والله غير يامات :sadwalk: غفلنا الزمان وراح بيها
مشكوووور خويا امازيغي
نشالله يعاودو عليك ربي بالفرحة والهنا :shay:

اييييييييه فكرتينا بيامات كنا صغار
وشحال كنت نحب المولد ونحب نغني
خوتي وصحاباتي كامل يسمعولي وانا نشدلهم
خطرة في المولد خسرت البيانو على جال الغنا ديت تبهديلا كحلة
وكنا نديرو شمع ومحيرقات والحنة
شكرا لك

​

امالا صوتك شباب سالي
ههههه علاه ماشراكتيش في اراب ايدول ههه
راني غير نتمسخر
مشكووووووووورة حنونة على الرد الباهي نورتي

هههههههههههههه
و الله يا أمورة وحدك نتي ... ان و الله أكثر موقف صرالي غفلوني العام لي فات و حطولي دوبل كانو في الجيب تع السروال علابالك رجلي كامل تحرقت داك الوقت و السروال تقطعلي ياا و الله وليت مانضويش على جماعة الكرتي قلت لهم هادي ماهيش عملة يا جماعة و ماشي هكا الناس تتعامل هههه و انا راني شايخ على روحي بالضحك كي روحت للدار
المهم ربي يصلح أحوالنا
و فكرتيني بهاديك اللقطة تع القوطي تع الطماطم و تحط فيه الشمعة و تبدا تدور في الحومة
ااااه يا زماني وينك
شكرا جزيلا
​

صحيت جنرال
اليوم ماتتلعبليش نعرفك شكون ههههه مارادونا كيف الحال
والله غير حكمني الضحك عليك من الموقف اللي صرالك
ربي يحبك وماحضرتش الموقف سي نو ندير حالة بالضحك
بلا مانحكي على السمير
ختك تحب السمير
ههه بصح خلعتني نورمالمون الناس مايلعبوش هكدا
ايا الحمدلله كي راك حي
المرة الجاية مايلعبوهالكش برك :shiny:
صح مولودك مارادونا
نوووووووووووووووووورت موضوعي

موضوع شباب يعطيك الصحة

انا منين نشفى في ميلود يكون تما شحان اي رهان يتمثل في
- وشكون يطرطق محيرقة في يدو ( زعما كوغاج )
- وشكون لي يقدر يهف واحد والا يكلحو ويديرهالو في قارو والا تحت تريكوه
- وشكون لي يخدم محارقة تقليدية صوتها اكثر من نتاع صاحبو​

هههه عجبني الرهان ديالكم بزااف
صحيتي اختي نووووووووووووووووووووورتي حنونتي :shay:

 

[حالمة بالجنة]

أيييييييييييه واش يصرا على المحارق
ولمولود والله في الجزائر وحدو
زعما اللي سترو ربي او عندو الزهر مطرطق ههه
مجربتهم ههههه مرة كنت صغيرة وكان عندي 10 سنين هاكا
طرطقوا عليا دوبل بومب في رجلي هههههه
واش دار ابي داك النهار ههههه راح يديبوزي بلانت هههه
وحلف يشوف عند واحد من خواتي محيرقة يحرقو بيها ههههه =)
ومرة عند جدتي...عندها البالكو وكانت ناشرة الحوايج...ايا ويرمو محيرقة زربوط هههه
لهبت النار ولات حالتنا حالة مزية اللي ما وصلتش للدار =)
والله المولود ولا حاجة خطيرة..ربي يسترنا هاد ليامات ما وليتش ابدا نمشي في لوسط هههه غير من لحيط للحيط هههه
.....
موضوع زوييييون =)
تقيييم
​

 

[مابقاش بزاف.Dz]

يعطيك الصحة على طرح الموضوع و كي ذكرتي المحارق و اخواتها
ربي يقدرنا على طاعتو فهاد المناسبة الكريمة و ربي يبعد من يتاعبون بمفاهيم هاته المناسبات الدينية المباركة هوما عندهم المولد النبوي راهو مفرقعات و اعمال تاع طيش و عشاء و شموع .....الخ .....
الله يهدينا
سلامو
+++تقييم