التلاميذ ولاساتذة ....

[Yacine333]

السلام
وش حالكم خاوتي ..
ان شاء الله ديما مريقليين

عدنا استاذ في لعلوم متقادرين حنا واياه هو كان يقري فوووور

مي ليامات هذه بدا يرخ في خدمتو وبدا يقول " الي يقرا يقرا روحو "
" والي موووش عاجبو الحااال ينطح راسو "!!!:scared:

مي معرفتش المشكل من واش رحتلو الاستاذ تاعنا قتلو وش بيك يالشيخ
وليت تليكيدي فينا ..
قالي روووح اخطاني ومنزيدش نقريكم وكذا وكذا ...:scared:
ايه جانا ليوم وهو ولا يشرشي لينا ...
دخل ...وشووويا دخلت بعدو طفلة تغشش قأل كيفاه تدخلو بعدي وراكم مش محترمين الاستاذ والمادة !! وكذا وكذا ..
خرج راه للمدير والناظر وهو وجهووو مدخن .. :cra_zy:"قلت في قلبي خلات علينا اليوم ههه" i-o:
جا وبهلدنا قدام المدير والناظر وانتم وانتم .. وبداء يهز ويهط ..
وعيب عليكم وانتوما ماش حابين تقراو وكذا وكذا... " مافهمت في مخووو والو "

أيا جيت ليكم خاوتي ..

زعما العيب فينا والعيب فيه ؟؟

اليكم الميكرفووون ..

​

 

[homework]

منقدروش خويا نحكموا لكل شخص ظروفه لعل ظروف نتاعوا ماش ملاح وزدت نتوما عليها بالهدرة والتشويش

 

[iktimel]

hhhhhhhhhhhhhhh
rahoum hablou chyoukha
hna tani ndalou m3a lmachakl wach rah ngoul
b1 Sur lha9 m3akoum hta wkèn ntouma li dalmin hhhhhhhhhhhhhhhhhhhh
jamais ykoun lha9 m3a chikh hh
​

 

[simou11]

بالاك عندو ظروف برك
مادام تبدل بيزارمو لازم تكون عندو ظروف
لانو مستحيل يكون معاكم بالانتيك و فيساع يقلب الفيستا
اسناو شوية ادا مرجعش سييو تحكيو معاه بالاك تلقاو حل
ان شاء الله يرجع كيما كان اختي
سلآآآآآآمو

Miss Simou​

 

[بيّاع الورد]

ياو خلي البير بغطاه

ما نخبركمش واش راه صاري عندنا خيرررر

 

[hiba14]

شوف ما نكدبش عليك انا وحد القيس كنت نقول شبعو دراهم و راهم يخدمو المنكر في ولاد الناس بصح كي خدمت معاهم الله يحسن العونو الله ما تخدم يالوكان تحس يغنوك ني تربية ني فهامة ني والدين مسقمين تقول ماشي مؤسسات تربوية تقول يخدمو في البلدية الديشي تاع لي بارو راهم ملمدينو حاشا اللي ما يستاهلوش بيان سير بصح الله يحسن العون يانامار
و نزيدك كون جاو متربيين الله لا قراو بصح تصيب بنك و فمو 10 ميترات و دروك نورمال الطياح شوف طحتلي في الجرح و ما نلوم حتى استاد مهما يدير لاخاطر ماشي حالة قاع

 

[assinat]

ممكن هو عندو مشاكل برا في حياتو علابيها راه شوية خشن المعاملة معاكم نتوما
و الله اعلم
ان شاء الله تنجحوا في الباك هاد العام ان شاء الله
....

 

[nassira23]

منقدروش نحكموا على الاستاذ مرات من الاستاذ و مرات من التلاميذ اذا كان المعلم يتعب و يسهر و التلاميذ يشوشو و ميقراوش هو تاني يكره .
إذن لي يخدموا يخدم معاهم و لي حبوا يلعبوا يلعب معاهوم.

 

[*ليديا*]

السلام عليكم ورحمة الله وبركاته
مام احنا تاني العام الي فات استاذ العلوم هكا( ممكن انفلونزا تاع استاذة العلوم ههههه)
مي تاع الصح احنا الي غالطين العام الي فات
يعني هو يولي يشرح وياك باك كامل نقراو ليكور
نكونو فاهمين هو يشرح واحنا نعلقو ولا مش متبعين معاه
انتم تاني بلاك راكم تشيخو ومش تقراو مليح
ولا لي نوط تاوعكم ناقصين راه يدير هاك على جالكم
ولا بلاك عندو ظروف في الدار
ربي يهدينا كامل
ويوفقكم ان شاء الله
​

 

[sali-sali]

سلام عليكم
والله انا تاني كنت تلميذة وتاني امتهنت التعليم وعرفت واش يعانو الاساتدة
تلقاه يتعب ويحضر الدروس وحتى وادا كان مايعرفش يقري بصح يدير مجهودو
يدخل لقسم مايلقاش جو الدراسة الفوضى اللعب الضحك والفهامة والو
يعيي روحو باطل كي مايلقاش تلاميذ محتارمينو بسيف يزعف ويبهدلكم
نهار تولو اساتدة تعرف واش معناه الجهد لي يقوم بيه استاد
​

 

[saida skikdia]

شكرا موضوعك مليح

 

[الخيزران]

لو كان جيت استاذ ودخلت طفلة ورايا بلا عذر مقنع نستدعي وليها ونفطنوا ان البنت راهي تدخل بعد الاستاذ
والاولياء الله يسهل ,اللهم اني قد بلغت
اخي المشكل في التلميذ من ناحية طلب العلم ايه لي حب يقرا يقرا
صح بعض الاساتذة ربي يهديهم لكن كي ترسبوا حتى واحد ما يقول الاستاذ , يقولولك ما تعدمش الوسيلة واقرا ابل مجهودك
الاستاذ انسان وعندو حياتو وفيها ما فيها
ربي ينجحكم
​

 

[السلطانة]

يمكن للاستاذ ضغوطات خارج العمل
وماننساوش انو التلاميذ يكثروا من الهفوات لي تقلق الاستاذ
سيرتو لما يحذر وينبه انو كيما هاد التصرفات متتكررش
ربي ينجحك
تقبل مروري
​

 

[Bissan-sisil]

ربي يهديهم قاع الاساتذة

 

[Yacine333]

منقدروش خويا نحكموا لكل شخص ظروفه لعل ظروف نتاعوا ماش ملاح وزدت نتوما عليها بالهدرة والتشويش

اهلا اختي
ربي يسهل عليه اختي وقت الخدمة الخدمة
وزيد في الدراسة وسيرتو حنا في الباك ..
انشغالاتو والا مشاكلو ميجيش تحطها فوق روسنا ..
شكرا على الرد
​

hhhhhhhhhhhhhhh
rahoum hablou chyoukha
hna tani ndalou m3a lmachakl wach rah ngoul
b1 sur lha9 m3akoum hta wkèn ntouma li dalmin hhhhhhhhhhhhhhhhhhhh
jamais ykoun lha9 m3a chikh hh
​

عندك الحق اختي وقيلا هبلو هههه
ايه الحق راهو ديما معنا ...
شكرا لك على الرد
​

بالاك عندو ظروف برك
مادام تبدل بيزارمو لازم تكون عندو ظروف
لانو مستحيل يكون معاكم بالانتيك و فيساع يقلب الفيستا
اسناو شوية ادا مرجعش سييو تحكيو معاه بالاك تلقاو حل
ان شاء الله يرجع كيما كان اختي
سلآآآآآآمو

miss simou​

ايه اختي ..ظروفوو والا اي حاجة
يخليها بجانب الدراسة ..
مي مش يحطها علينا ويبدا يبهدل فيها
حتى المخ تاع الحيوان "حشاك" متقبلهاش ..
مرسي على المرور
​

ياو خلي البير بغطاه

ما نخبركمش واش راه صاري عندنا خيرررر

الله يعنينكم
ههه هذه غير المغطة عدنا
ملا كي نجبدلك البير معادش تفرا
مرسي شريكي
​

شوف ما نكدبش عليك انا وحد القيس كنت نقول شبعو دراهم و راهم يخدمو المنكر في ولاد الناس بصح كي خدمت معاهم الله يحسن العونو الله ما تخدم يالوكان تحس يغنوك ني تربية ني فهامة ني والدين مسقمين تقول ماشي مؤسسات تربوية تقول يخدمو في البلدية الديشي تاع لي بارو راهم ملمدينو حاشا اللي ما يستاهلوش بيان سير بصح الله يحسن العون يانامار
و نزيدك كون جاو متربيين الله لا قراو بصح تصيب بنك و فمو 10 ميترات و دروك نورمال الطياح شوف طحتلي في الجرح و ما نلوم حتى استاد مهما يدير لاخاطر ماشي حالة قاع

شوفي اختي هذه تلقيها عد كامل الطلبة والتلاميذ بلاك حتى الطلبة الجامعة
الاستاذ كي يولي يحترم في الطلاب ويعرف يتعامل معاهم اكيييييد الطلاب كامل
يحترموه ويحطوه فوق الراس مي استاذ يبدا يبهدل في الذراري ..وتقول يقري بالمزية
هذه معندي مانقول فيها !!
شكرا لكـ
​

ممكن هو عندو مشاكل برا في حياتو علابيها راه شوية خشن المعاملة معاكم نتوما
و الله اعلم
ان شاء الله تنجحوا في الباك هاد العام ان شاء الله
....

الله اعلم اختي بلاك عندو مشاكلو
مي مش يحطها على حسبنا

مرسي على المرور

منقدروش نحكموا على الاستاذ مرات من الاستاذ و مرات من التلاميذ اذا كان المعلم يتعب و يسهر و التلاميذ يشوشو و ميقراوش هو تاني يكره .
إذن لي يخدموا يخدم معاهم و لي حبوا يلعبوا يلعب معاهوم.

ايه بصح الخطرة هذه من الاستاذ مش من الطلاب ..
انا غاطتني التبهديلة .....
مرسي على المرور

السلام عليكم ورحمة الله وبركاته
مام احنا تاني العام الي فات استاذ العلوم هكا( ممكن انفلونزا تاع استاذة العلوم ههههه)
مي تاع الصح احنا الي غالطين العام الي فات
يعني هو يولي يشرح وياك باك كامل نقراو ليكور
نكونو فاهمين هو يشرح واحنا نعلقو ولا مش متبعين معاه
انتم تاني بلاك راكم تشيخو ومش تقراو مليح
ولا لي نوط تاوعكم ناقصين راه يدير هاك على جالكم
ولا بلاك عندو ظروف في الدار
ربي يهدينا كامل
ويوفقكم ان شاء الله
​

ههههههه كلشي ممكن
والله اللعب والتعليق هذه تلقيها في جميع المدارس تقول
ساريا في الدم بصح مش نقلك ديما هذه مكاش منها ..
وقت لقرايا يقرو ويحبسو كلش مع اصدقائي الي نعرفهم .
شكرا لك اختي ..
وربي يفقنا كامل
​

سلام عليكم
والله انا تاني كنت تلميذة وتاني امتهنت التعليم وعرفت واش يعانو الاساتدة
تلقاه يتعب ويحضر الدروس وحتى وادا كان مايعرفش يقري بصح يدير مجهودو
يدخل لقسم مايلقاش جو الدراسة الفوضى اللعب الضحك والفهامة والو
يعيي روحو باطل كي مايلقاش تلاميذ محتارمينو بسيف يزعف ويبهدلكم
نهار تولو اساتدة تعرف واش معناه الجهد لي يقوم بيه استاد
​

وعليكم السلام ..
اييه والله شي يغيظ كيما راكي تقولي صح الاستاذ تعب ويشقى ..
بصح ماشي لاساتذة كامل كيف كيف كل واحد ومخو بلاك الاستاذ اتعنا
لايحضر درس لا يكسر راسو حسب الجاست الي داروو...
مرسي على الرد
​