حكاية اللي حرق روحو في تيارت

A

assinat

:: عضو متألق ::
أوفياء اللمة
السلام عليكم
واش راكم لاباس ان شاء الله دايما بخير
كاول موضوع ليا في قسم واش راك تهدر حبيت نهدر على # قاسم هشام #
الشاب اللي حرق روحو في تيارت بسكو =غاضتو عمرو كي رفدولو طابلتو=
المهم البارح كانت دفينتو و انا كنت خارجة من الليسي تلاقيتهم جايين من كل جهة تقول الماغول
ركبولي الخلعة ههههههه
مفهمتش لراهي جنازة و لا مشعارف مدابزين .العياط .البوليس الحالة مخلطة
رافدين الميت و دارو بيه المدينة كاملة شوفوا هدا راه ضحية الدولة و النظام :scared:
زعما مظلوم ..... و هوما يقولو و يعاودوا فيها =لا اله الا الله و الشهيد حبيب الله ==
دوكا من وين جاته الشهادة يا ناس هدا قاتل روح لوكان مات بالجوع نقولو عليه شهيد
بصح هدا هو بغاها على روحو
و ممبعد راهو عند الوالي و حطو الميت عند الشاطو و بداو يعيطو = الوالي عدو الله = :o_o:
كملوا الدفينة خلاص جاهم الهبال يكسروا و يحرقوا كل شي جا في طريقهم
و تقول واحد فيهم يسكن في المدينة كامل منا و منا من برا حاجة مبقات على حالهتا :cra_zy:
خونوا حتى و ضربوا حتى و كسروا مااااااغول
در صغير دراري الواحد يحير هدوا والديهم وين راهم

لللللللللللللللكم التعليق
سلام
:re_gards:

​
 
توقيع assinat
والله ماعرفت واش نقوول أختي
الله يرحمو ويوسع عليه

وتوقيعك هو ملخص للقصة كامل
عيش تشوف
يا خي كوارث يا خي !!!!!!!! ​

​
 
وي يا اختي راني حايرة فيهم و مقتنعين بشا راهم يديرو المشكل الكبير فيهم 16 سنة
نهار اللي حرق روحو كنت في دمرجي حتى جابوه انا خلعني و غاضني ما نكدبش سيرتو كي بداو يداو فيه و هو يزقي بصح من بعد كي جاو خاوتو وكترو الفوضى ديقوتيت يضربي في لابوليس
المهم نرجعو للموضوع تاع الشهيد يا ربي اغفرلنا و مانيش نحاسب فيهم هي بينو و بين خالقو لكن هل العمر هادي تاعو ماهيش تاعو كيفاش يحرقها نقولو البوعزيزي كان في حالة غضب و دارها و ربي يغفرلو هادا راه سن سنة سيئة ماشي ساهل بصح تاع دروك حاط ليسونس غي حداه تقولو لز كرعيك يحرق روحو
و تاع اللي كسرو و الله غي جارنا يحلف قالنا جاوني جماعة تاع لي جون لابسين 10 كيلو حوايح و يقولولو اعطينا ساشيات غي باش يخونو و زيد لاميزو تاع الجي علاه يكسروها و الاداعة علاه و فو غوج علاه و علاه و علاه و علاه ربي يهديهم لاخاطر شبعو كسرة
 
معندهمش ثقافة يسمعوا كاش حاجة خلاص نيشان يروحوا يكسروا ربي يهديهم و خلاص
 
توقيع assinat
rabi yjib lkhir
​
 
وعلى هاذي خايفة نديرو ثورة يعرفو غير التكسار والظرب

وزيد يا زمان الانتحار ولا شهادة واش بقى


الله يرحمو على كل حال




​
 
اللي يقتل النفس اللي حرم الله قتلها
في جهنم خالدا
اعوذ بالله
رب يهدي الجميع ونسال الله له المغفرة
 
طبعا انه لا يجوز رمي النفس الى التهلكة ولكن
الشيء الوحيد الممكن قوله هو الدعاء له بالرحمة والمغفرة
فلا يمكن قول اي شيء اخر لان امره بيد الله وحده​
 
اولا كاينة حاجة ممنوع عليه يحط طابلة لان ذلك يضر الاقتصاد الوطني زيد الدخان حرام معناها صاحبنا اموالو مشكوك فيها وزيد قتل روحو مع ان النفس تاعو مش ملك ليه الله يهدي
 
قال iman la brune:
وعلى هاذي خايفة نديرو ثورة يعرفو غير التكسار والظرب​


وزيد يا زمان الانتحار ولا شهادة واش بقى​

الله يرحمو على كل حال​
إضغط للتوسيع...
بارك الله فيك ختي
ربي يحفظك :re_gards:​
 
الله يهدي ماخلق يا سبحان الله حاملين الجثة ويدورو بيها ؟ حق الميت على الحي التعجيل في الدفن الله المستعان .

اما عن انو شهيد او لا فالله اعلم هو عالم الغيب والشهادة فليس لنا ان نخوض في هذا ابدا وماعلينا سوى ان نقول اللهم ثبتنا على القول الثابت في الدنيا والاخرة وتوفنا مسلمين .
ربي يرحم الميت ويصبر اهلوا يا رب.

والله يداوي لحوال لاحول ولا قوة الا بالله.
 
قال وصال:
الله يهدي ماخلق يا سبحان الله حاملين الجثة ويدورو بيها ؟ حق الميت على الحي التعجيل في الدفن الله المستعان .

اما عن انو شهيد او لا فالله اعلم هو عالم الغيب والشهادة فليس لنا ان نخوض في هذا ابدا وماعلينا سوى ان نقول اللهم ثبتنا على القول الثابت في الدنيا والاخرة وتوفنا مسلمين .
ربي يرحم الميت ويصبر اهلوا يا رب.

والله يداوي لحوال لاحول ولا قوة الا بالله.
إضغط للتوسيع...
أمين
نسأل الله حسن الخاتمة
بارك الله فيك أختي​
 
حرق روحو على حاجة مكاش
ربي يهدي الشعب غير تهدر معاه يقولك ننتاحر
ويزيدو يتسبو ويكسرو
هدا في غياب الدين
انا ماحبيتش نخرج كامل خوفونا
​
 
قال sali-sali:
حرق روحو على حاجة مكاش
ربي يهدي الشعب غير تهدر معاه يقولك ننتاحر
ويزيدو يتسبو ويكسرو
هدا في غياب الدين
انا ماحبيتش نخرج كامل خوفونا
​
إضغط للتوسيع...

السلام عليكم
حبيت نعلق على كلامك اختي
ماتقوليش على حاجة مكاش , والله اعلم بظروف هذا اللي حرق روحو , وعلى حساب ماسمعت
السيد مقفولة في وجهو من جميع الجوانب
صح عندنا نقص فالوازع الديني بزااف وهو ربي يغفرلو , بالصح تاني الظلم والحقرة طغاااو
 
ما تردوش كاع المشكل في لي مات بل ايضا في الحكومة لي ماوفراتش مناصب شغل للبطالييين
لو كان عندو دخل قار مايحطش طبلة باش يبيع السجاير
الوازع الديني لوحده ماكفيش باش يوعي هدا الشباب لي صار عندو الانتحار شيء عادي بل لازم ايضا على الحكومة تعمل دورها و تحد من ظاهرة البطالة المستفحلة و غلاء المعيشة و الاسعار لي دايما في ارتفاع !!!!

الله يرحمو و رغم كل الظروف ابدا ما يقتل الانسان روحو لان الرزاق هو الله
​
 
قال aya2009:
ما تردوش كاع المشكل في لي مات بل ايضا في الحكومة لي ماوفراتش مناصب شغل للبطالييين
لو كان عندو دخل قار مايحطش طبلة باش يبيع السجاير
الوازع الديني لوحده ماكفيش باش يوعي هدا الشباب لي صار عندو الانتحار شيء عادي بل لازم ايضا على الحكومة تعمل دورها و تحد من ظاهرة البطالة المستفحلة و غلاء المعيشة و الاسعار لي دايما في ارتفاع !!!!

الله يرحمو و رغم كل الظروف ابدا ما يقتل الانسان روحو لان الرزاق هو الله
​
إضغط للتوسيع...

يعطيك الصحة اختي على ردك , والله غي راني حايرة فالناس اللي ردت كل اللوم على الشاب
وكأنه الحكومة ملااااااك , صح الطفل غلط فالتصرف هذا بالصح احنا مانعرفوش ظروفو , ومانظنش لوكان ليه بديل يحرق روحو وفي هاذ السن , أستغفر الله العظيم لاحول ولا قوة الا بالله
ربي يهدي الاحوال ويهدي ماخلق
 
لا يا أختي لا يا أختي **الا في هذه مانقدروش نفتو ...هذه الحوايج علمها عند الله ..ربي سبحانو هو اللي يفصل الأمر مش حنا لي نقولو قاتل روح ولا شهيد ....على كل كون ما عوج الدولة والفضائح والتلاعبات ....لوكان ماصرى لي صرى ....ربي يغفرلو ويصلح جميع احوال المسلمين قولو آآآآآآآمين
​
 
بصراحة احوالنا يندى لها الجبين
علاه يديرو هكا أكيد دولتن اناقصة حوايج
علاه ؟
المهم ربي يرحمو و يكون عونا له في آخرته
شكرا
و بالتوفيق لكل مؤمن
​
 
توقيع EL General
ان شاء الله تبقى بلادنا بخير مخصناش ناقصين عقل نروحوا فيها معاهم .............
 
توقيع assinat
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom