الفايسبوك القاتل .............

[wafa peace 2011]

السلام عليكم جمعة مباركة للجميع
اليوم حبيت نهدر على جرائم الفايسبوك اللي راهو داير حالة في المجتمع ديالنا بصح هاد الفيروس انتشر بكثرة واللي عندو سلبياتو اكثر من الايجابيات
وبلا ماننسا الطفلة اللي دير الصور تاوعها ياطفلة ربي يهديييييييييييييييييييييييييك مازالك تامني العلاقات الخرافية الفايسبوكية ؟والله غير تاع الصح ربي يهديك
الفايسبوك يجبد ويدي الوقت وبزززاف راحو ضحايا وعندو مشاكل بزززاف
مايخليك تقرا مايخليك تندمج مع الاسرة مايخليك مهني والله غير اكبر مشكل
انا نقول لبنات بلادي بلاكي واجبدي روحك خاطراكش الوقت مايرحمش ويلا راني غالطة اسمحولي ايا هيا نخليكم وادعولي بالخير سلام ربي يحفظكم

 

[ماكانش]

أهلا بيك وفاء
يعطيك الصحة على موضوعك وعلى غيرتك على بنات بلادك
تلقايهم كامل علابالهم ويعرفو بصح علاه راهم يديرو هكذا مانعرف ؟؟؟​

 

[Jeune Sghir Mc]

اختي هذا الفايس
لازم انا لي نتحكم فيه ماشي هو يتحكم فيا
صافي لوكان كل واحد يعرف واش يدير ووين يدور فيه
وواش من لي باج يجاميلهم
راح يلقاه ايجابي اكثر منو سلبي



صحيتووو
​

 

[lamia-constantine]

يعطيك الصحة اختي
و كيما قلتي ربي يهدي هاداك النوع من لبنات ​

 

[MĺŹǾ žĕĥÔŖ]

wéééééééééé hanona 3andak sah wlah ylahi bazaf w ydir ls prbl bzf
rabi yahdina w yahmina wyastorna baaaark​

 

[lili23]

مرسي ختي عندك الحق
مي اذا تعرفي كيفاه تتحكمي فيه بعقلانية راح تعرفي كيفاه تعيشي فبه

 

[wafa peace 2011]

مارسي صاحيتو ربي يحفظكم

 

[إيمان قلب]

الفايس بوك موقع اجتماعي كيما غيره من المواقع الاجتماعية
وكل واحد وعقلو والشخص هو اللي يتحكم فيه

 

[wafa peace 2011]

عندك الحق اختي ايمان

 

[ghali17]

الفايسبوك سبب من اسباب ضياع شباب
انا غلقتو نهائيا وليت نشوف اشياء الله يحفظ ويستر من كلام الي صور

 

[أم عبد الله]

السلام عليكم
شكرا اختي ع النصيحة الي ان شاء الله تلقى آذانا صاغية لها
ربي يهديهم برك

 

[جزائرية كوول]

واااااااااااااااااااااااو معنديش فيسبوك

شكرا اختي
​

 

[الخيزران]

مساء الخير عليكم كامل
صاحبتي تسنيم الهنا تعيطلو بالعربية وجه الكتاب ,
وهو صح لي حب يجعل منو كتاب يقدر وانا الفايس بوك بوجادية فيه راني غير نتعلم ههههه
شكرا وفاء يعطيك الصحة
ويزيك من الفايس بوك جيبي الباك اك؟

 

[JIJEL88]

انا نظن بلي الفيسبوك فيه وعليه وهو احسن بالنسبة للدكور باسكو مارايح تقضيلو والو
اما بالنسبة للبنات لازم يستعملوه بانتباه باسكو قواو المتطفلين اللدين يغيرون الجنس من الطرفين
وزيد علاش طفلة تضع صور اتاعا فيه, حابة الشهرة ولا واش
على كل حال المتربية مكلاش نعيدلها ونصحوها​

 

[SaRa MosTa]

oui 3andek sah
ana brouhi netchoka ki nelkahom dayrine les photo tawa3hom w jayathom normaaaal
rabi yahdihom
merci pour le sujet ​

 

[ErdoGan]

واش تحبي هذي يسموها قلة ادب

تلقى طفلة مدايرة تصاورها !! واش عاجبك زينك ولا كيفاه ؟
​

 

[wafa peace 2011]

يعطيكم الصحة على المرور وان شاء الله ربي يهدينا ويسترنا

 

[kariim]

يعطيكم الصحة ختاتي البنات والله انا واحد من الناس نتمان كل خير لي بنات بلادي
هذي نصيحة من اختكم الطيبة وطلب من الله يحفظه لكم على انه تخاف عليكم يالبنات
​

 

[13matmour]

اولا موضوع في قمة التميز و الرقي
ثانيا في مرات يتسائل الفرد عن الفتاة التي تنجر وراء الكلام المعسول و اكاذيب الشباب
و الفايس بوك لا ينحصر فقط على العلاقات المشينة و لكن سلبياته لا تعد ولا تحصى من صور مخالفة و اساءة للناس و وجود كل هذا لا يمنع من وجود ايجابيات للفايس بوك
و انا لا انصح الفتيات بمقاطعة الفايس بوك انما انصحهن باختيار الاصدقاء الصالحين و المشاركة في المجموعات الاسلامية و الخيرية و هذا رابط لمجموعة اسلامية انشاتها لمن اراد او ارادت ان تشاركنا في النشاط الاسلامي و اجركم على الله و الله لا يضيع اجر المحسنين​

http://www.facebook.com/groups/183190751765040/

 

[wafa peace 2011]

يعطيكم الصحة ختاتي البنات والله انا واحد من الناس نتمان كل خير لي بنات بلادي
هذي نصيحة من اختكم الطيبة وطلب من الله يحفظه لكم على انه تخاف عليكم يالبنات
​

بيانسور نخاف على بنات بلادي وكيما قلت نتا نتمناولهم الخير والربح