واش بيك يا صاحبي الدراهم عمرها ما تغلط .... ؟؟؟؟

السوفي

:: عضو مُتميز ::
إنضم
19 ماي 2009
المشاركات
1,336
النقاط
43
السلام عليكم ورحمة الله وبركاته

أسال الله العلي القدير ان يلقى موضوعي هذا أعضاء اللمة وزوارها بالصحة والعافية وقلوب لوجهه متحابة
دائما ما اسمع الدراهم ماتكذبش الدراهم متغلطش الدراهم مفتاح وحل لكل مشكله فهل حقا هي كذلك ؟؟؟
إذا اشتريت شوي حوايج ( اشياء ) ولقاك صاحبك قالك بقداش تقله بكذا وكذا فيضحك ويقلك فولان شراها بكذا وكذا بمببلغ اكثر منك وربما ضعف مبلغك ثم يقلك الدراهم ماتكذبش يعني أي حاجه سومتها غاليا راهي بروميال شوى وحاجه دوروجين والدليل سومتها .... ياخي الدراهم ماتكذبش؟؟؟؟
إذا زارك صاحبك وضيفته وشاف تلفاز عندك قالك بقداش شريته قلته بكذا وكذا يضحك ويقلك الدراهم مش غالطه عمرها ماتغلط حاجه مليحه ليكس يعني دراهم كثيره ودليله ان الجهاز مليح هو غلاء سعره وقلك الدراهم عمرها ماتغلط ... شوف ازاي ؟؟؟
إذا حكمك البوليسي حارق لنتردي او تسير في عكس اتجاه السير دير روحك ماعالابالكش ( يعني سك ) وحط ورقه خضرة في البرملي ورحم على دراهمك اللي حلتك المشكل .. اشكون قال الدراهم مفتاح المشاكل ؟؟
مش عارف واش نقول صار كل شيء في نظر المجتمع بقيمته المادية حتى الصبي الصغير حين يسأله صديقة راك تقرى يجاوبه ويقول نكمل قرايتي حتى نوصل للدكتورة باش نعود نخلص 15 مليون مريح وتشوف واش ندير مجتمع مادي
شكرا وأسف على الإزعاج
السلام عليكم
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
أهلا بيك خويا السوفي
عندك لا يسمعوك لبنات الزينونات ويوليو يشرطو في المهر تاعهم 50 مليون وطلع
يقلك الدراهم مايكذبوش هههههههههه
 

حالمة بالجنة

:: عضو مُتميز ::
إنضم
12 ديسمبر 2009
المشاركات
1,020
النقاط
37
السلاآم عليكم
والله الدراهم ما تشريش كلشي
ما تشري لا راحة البال..لا الصحة ...ولا السعادة
لكن الناس دروك راهي تهتم للمادة أكثر من أي شي
ربي يهدينا..وقت وصلنا ليه والله =)
صح يمكن الحاجة الغالية هيا المليحة لكن ماش في كل الامور =)

.........
شوكرن على الموضوع الباهي
ربي يهنيك أخي
 

محبة الورد

:: عضو مُتميز ::
إنضم
5 سبتمبر 2011
المشاركات
734
النقاط
37
السلام عليكم اخي السوفي
ثانيا الدراهم ولات كل شي في مجتمعنا سيرتو في هاذ الوقت ولاو عندك الدراهم تقدر دير كل شي معندكش ماتفري والو
يعني ذركا ولا جيبك هو لي يحكي ماشي انت وجيبك هو لي يبين بلاصتك بين الناس
مي الدراهم ماشي كل شي .انا من راي الاخلاق هي لي تخليلك المكانة بين الناس ماشي الدراهم
مي المجتمع تعنا يفهم بالمقلوب ..وقادر على الدراهم يدير كل شي
تقبل مروري المتواضع اخي السوفي كانت معك محبة الورد من وراء ليكرون هههههه
 

*ليديا*

:: عضو مُتميز ::
إنضم
24 جانفي 2009
المشاركات
1,418
النقاط
77
السلام عليكم ورحمة الله وبركاته
تحكي في الواقع خويا
درك الي يحب يشري حاجة شابة الشرط تكون غالية
في مجتمع تاع دراهم كلش بالدراهم
خايفة يجي وقت نولو نتنفسو بيها
موضوع فوووووووور
يعطيك الصحة
لي عودة
 

أم عبد الله

:: عضو شرفي ::
إنضم
20 مارس 2010
المشاركات
8,913
النقاط
351
محل الإقامة
Zeralda
الجنس
أنثى
أهلا بيك خويا السوفي
عندك لا يسمعوك لبنات الزينونات ويوليو يشرطو في المهر تاعهم 50 مليون وطلع
يقلك الدراهم مايكذبوش هههههههههه
هههههههههههههههههههههه وانت علاه تهدر خليها في ستر ربي :shiny:
 

لاجودان شاف

:: عضو شرفي ::
إنضم
6 جويلية 2011
المشاركات
2,427
النقاط
91
السلام عليكم
يعطيك الصحة خويا السوفي
الدراهم ملاح دير بيهم كلش في هاذ الزمان
تزوج شكوون حبيت
تاكل وش حبيت
تسكن وين حبيت
تحوس وين حبيت
مام المورال تاعك يعود ملح وتتفرغ لعبادة ربي
ههههه
ربي يرزقنا
 

أم عبد الله

:: عضو شرفي ::
إنضم
20 مارس 2010
المشاركات
8,913
النقاط
351
محل الإقامة
Zeralda
الجنس
أنثى
السلام عليكم
ياخويا هذي هي الحالة ضرك يعني كاين مثل جزائري يقول لي عجبك رخسو في السوق يبقى نصويعني الرخيس ماشي مليح
مي في الحقيقة حاجات بزاف تلقاها رخيسة وتدوم اكثر من الحاجة الغالية
والناس هبلو ولاو يتبعو الغالي ويقولك لامودا ولا ماعلاباليش واش
ربي يهدي برك
سلام
 

JIJEL88

:: عضو منتسِب ::
إنضم
8 أكتوبر 2011
المشاركات
76
النقاط
3
وعليكم السلام
موضوع جيد خونا ولازملو هدرة بزاف لاسيما الموضوع يحكي على الدراهم
كما تعلم يا اخي رانا في عصر الحديدة (الماثريال والمادة)
ولهدا كنتكلمو واقعيا الناس راهي كامل تجري غير على الدراهم
والهدرة بالدراهم كلشي بالدراهم حتى اصبحت قيمة الفرد تقدر برصيده البنكي
فكم من حب انتهى بسبب الدراهم وكم من شاب تحgر بسبب الدراه وكم من واحد
انتحر بسبب الدراهم اصلا الثورات العربية سببها الفقر اي الدراهم


علابالي كاين لي يقول الدراهم هما وسخ الدنيا ومايدوموش وتموت وتخليهم
مي يا اخي الواقع راهو يقول بلي عندك الحبات تعيش. هدا لا يعني اني ميت على الدراهم
الواحد راه قد روحو وما عندناش مي مايخصناش


طبعا اخي الدراهم ماشي كلش فالدين والصحة والهناء لا تتحقق فقط بــ $$$$$
 

ghali17

:: عضو منتسِب ::
إنضم
10 جوان 2011
المشاركات
70
النقاط
3
غلاء السلعة دليل علي جودتها
قارن بين بورش و r4

وشوف سومة يلا هنا دراهم يكذبو ولا.... لا لا

موضوع رائع

بارك الله فيك
 

homework

:: عضو شرفي ::
إنضم
30 ماي 2008
المشاركات
1,332
النقاط
39
طبعا خويا السوفي ذورك ولينا في زمان الدراهم كل شيئ يتحسب بدراهم حتي الانسان أصبح ثمنه قدر الدراهم لي عندوا
كي تضيفوا تقول مرفه يعني الوليمة لازم تكون قدر دراهم لي يملكهم
كي تزوروا كيفكيف و كي تشري حاجة اذا كانت غالية تحكم عليه بالجودة واذا ر خيصة تحكم بيها بلي ماش مليح
لوكان نفكروا مليح ان الدراهم راهي نقمة على الانسان لان يوم الاخرة تتحاسب عليه لان هذوك الدراهم عندهم ماليها وانت حتكرتها
 

ملكًة الاحسآس

:: عضو شرفي ::
إنضم
30 ماي 2009
المشاركات
5,835
النقاط
351
محل الإقامة
جيجلية بسطيف
الجنس
أنثى
وعليكم السلام
موضوعكـ جاي من الواقع الي رنا نعيشوه ، وعجبتني الامثلة الي وضحت بيها الموضوع
mais نقولكـ بالمختصر بلا دراهم مكانش معيشة ، وبلا بيهم ماتقدر تدير والو
أبسط حاجة بلا بيهم متقدرش تاكل وماتقدرش تسكــن
وصح بالدراهم تقدر تدير كلش ،أpـــار حوايج انت الي لازمكـ تديرهم يبديكـ وتجيكـ من عند ربي مش بالدراهم كما الهنا وراحة البال
ياكـ يقولو الدراهم وراحة البال قليل وين تلقاهم يتلقاو في عبد واحد ، كما تقولنــا ماما ربي يمدلكـ من جهة وينحيلكـ من جهة اخرى
+
يعطيكـ الصحــة على الموضوع




 

bachboucha

:: عضو مُتميز ::
إنضم
10 أكتوبر 2011
المشاركات
1,056
النقاط
37
كلشي بالدراهم ماكانش حاجة باطل فهاد الدنيا .. مام كي تدخل الدار بيديك فارغين ولادك يقولولك ماجبت والو و يروحو يخليوك مي نهار تجي بيدك معمرة يقولولك نشتيوك ويهزو معاك و يبوسوك و ...... راك تشوف خويا كيفاه مي الغلطة فالنفسيات اللي تحب الدراهم ولا اللي تخمامها مادي اكثر من اللازم يعني ولا غاية ماش وسيلة للراحة شكرا موضوع هايل​
 
Top