علاه هدرتنا نص بالنص فرنسي ؟؟؟؟

[بيّاع الورد]

يالاخت قبل متتساءل على هدي شوفي قبل

الجامعة بالفرنسية
الفرنسية من السنة الثالثة ابتدائي
عندك مثلا مشكل اداري ولا في الولاية تكتب الطلب بالفرنسي
الوزراء كامل يهدرو بالفرنسي
كلش بالفرنسي
وزيد التبعية الثقافية وفي كل شئ تقريبا لفرنسا
ولهدا بالضرورة راهم يهدرو نص عربي نص فرنسي

وبارك الله فيك على الموضوع​

نفس الكلام

شششكراً

 

[متألقة بحجابي]

البلدان المغاربية كلها تعيش نفس الظاهرة و الامر يعود الى تاخر التعريب في المدرسة الجزائرية خاصة ازدواجية اللغة ظاهرة حتمية في الجزائر لابد لنا من عقود و عقود ​

نعم ولكن ليس مثلنا على ما أضن فنحن حطمنا الرقم القياسي

وحصوصا من ناحية المسؤلين

في نظري هذه الضاهرة نحن من حتمناها على أنفسنا

شكرا على المرور

 

[iman la brune]

زعما اللي يهدر بيها مثقف بصح هذا فقط في راس المتخلف


​

 

[MIMY22]

ماشي كامل نهدروا فرنسي كاين لي يستغناو عليها يهدروا عربية
لكن دولتنا فرونكوفونية حتمت علينا نبقاو تابعين لفرنسا حتى بعد الاستقلال
والدليل الجامعات الجزائرية التي الدستورها الذي يثبت عروبتها
والتدريس الان في الجاميعة بأي لغة الفرنسية ؟؟؟؟ طبعا وليست عربية
هل لانا العربية لاتخدم المواد العلمة؟؟؟؟؟
ان انجح طب في الطب العربي هوى الطب السوري (فك الله اسرها)
هل تعلمون ان طب السوري يدرس بالغة العربية وليس الفرنسية​

 

[متألقة بحجابي]

لي عودة للمشاركة في موضوعك الباهي

مرحبا بيك

 

[متألقة بحجابي]

ه

يالاخت قبل متتساءل على هدي شوفي قبل

الجامعة بالفرنسية
الفرنسية من السنة الثالثة ابتدائي
عندك مثلا مشكل اداري ولا في الولاية تكتب الطلب بالفرنسي
الوزراء كامل يهدرو بالفرنسي
كلش بالفرنسي
وزيد التبعية الثقافية وفي كل شئ تقريبا لفرنسا
ولهدا بالضرورة راهم يهدرو نص عربي نص فرنسي

وبارك الله فيك على الموضوع​

عتدك الحق

و مع إحترامي لرأيك

ولكن الفرنسي مافرضوهاش علينا في ديارنا ولا بيناتنا

 

[Ice Queen]

المشكلة في المنهج التعليمي تاعنا وفي الاولياء بالدرجة الاولى
انا معاك اللغة الفرنسية لغة لازم نتعلموها خاطرش نسحقوها ممبعد لكن ماشي للدرجة تاع الاولياء يعلمو ولادهم التكلم باللغة الفرنسية قبل ما يعلموهم اللغة العربية وهادي حقيقة
ومن جهة المنهج التعليمي تاعنا يطغي عليه اللغة الفرنسية كنا نقراوها من السنة الرابعة ابتدائي ولات من السنة الثانية يعني تقريبا ساواوها مع اللغة العربية
وما ننساوش الاستعمار لي خلف فينا هادي الظاهرة وزيد الغلطة حتى في الدولة كل الادارات تتعامل في تعاملاتها اليومية باللغة الفرنيسية خاصة الورقية منها
والله تبهديلة حتى الوزراء تاعنا واحد فيهم ما يعرف يهدر اللغة العربية مليح
والله عيب
شكرا لك على الموضوع+++++
​

 

[متألقة بحجابي]

باختصار
ماناش مأصلين
نتكبرو على لغة الدين والقرآن

ربي يهدي



صحيتووو
​

لا حنا مأصلين ومأصلين

بصح مراناش متمسكين بأصولنا ونا نعتزوش بأصولنا

 

[متألقة بحجابي]

ميرسي على الموضوع ختي
الله غالب ماوزالنا مقيدين فكريا و هادي ماشي راح تنحيها للناس درك الي والف راحت فيه ما يقدرش يبدل هدرتو
ربي يهدي و يصلح الاحوال

يقدر يبدلها وعلاش لا

و علاه ما بدلش هدرتوا بالفرانسي

تخصوا شوية عزيمة برك



الله يصلح الاحوال

 

[largo19]

للأسف .. عملت فرنسا على طمس الهوية الإسلامية و العربية في الجزائر بكل قوّتها أثناء الإستعمار لكنها لم تنجح لكنها و للأسف استطاعت أن تهدم قيمنا الجزائرية العربية بعد الإستقلال بإعانة من أبناء هذا الوطن من الفرنكوفونيين الذين أمسكوا زمام السلطة منذ الإستقلال .... و الكارثة الكبرى ليست في اللغة في حد ذاتها لكن الكارثة في القيم الغربية الكفريّة التي تسرّبت لنا مع هذه اللغة ... فنحن الآن عندما نتجوّل في مدننا لا نلاحظ أي شيء يميّزنا عن الغرب إلاّ الأذان .... ربي يهدينا

 

[متألقة بحجابي]

لانن مازلنا مستعمرين فكريا
والدول هي متسبب في ذالك
اخرجنا فرنسا من باب واسع ولان لان دخلت فرنسا من باب ضيق
​

عندك حق بصح الدولة ليست المسبب الوحيد حنا تاني رانا مشاركين فيها وأغلب الناس عاجبتهم هذي السياسة ويقولك تحضر ومواكبة العصر كون نديروا على هذي الهدرة راهم غالطين لخطرش الإنجليزية ولات هي اللغة الأولى في العالم لمواكبة العصر

هذي تبعية لا غير

 

[largo19]

عندك حق بصح الدولة ليست المسبب الوحيد حنا تاني رانا مشاركين فيها وأغلب الناس عاجبتهم هذي السياسة ويقولك تحضر ومواكبة العصر كون نديروا على هذي الهدرة راهم غالطين لخطرش الإنجليزية ولات هي اللغة الأولى في العالم لمواكبة العصر

هذي تبعية لا غير

تصحيح ... لم أتّهم الدولة وحدها..و إنما قلت ( الفرنكوفونيين) بكل انتماءاتهم .... و نسبة كبيرة من الشعب فرنكوفوني اللسان و الثقافة

 

[متألقة بحجابي]

يااختي باختصار لخاطر مازالت فرنسا مستعمرتنا , لكن استعمار من نوع آخر فقط

كانت فرنسا باغية ترجع الجزائر فرنسية بالسلاح من غير رضى الجزائرين بصح ما طاقش
ودروك حنا رنا معاونينها برضاوتنا

وفي الأخير هذي سياسة

 

[متألقة بحجابي]

وعليكم السلام خيتو
الخطــأ فينا ماحوسناش نعتزو بلغتنا
وخلينا روحنا غارقين في لغة ناس غراب علينا
وتعلمناها ودك ماناش نستعملوها لأغراض نافعة
طبعا ماشي قاع
بصح كاين الي يزوخ بيها ...زعما شوفوني اني نعرف لفخونسي
سلااامو
​

صح لسانك

 

[متألقة بحجابي]

آآآه يالسوكري , انتي اختي كي تلقاي معلم فالابتدائي كي يكون يشرح فالدرس يدخل عليه كلمات تاع فرونسي كيفاش تحوسينا نعتزو باللغة , طفل لسع حليب امو في فمو يقروه lila va a l'ecol ومازال ماهوش حافظ سورة من القرآن الكريم كيفاش تحوسينا نعتزو بيها ؟؟؟ + الرياضيات تاع سنة اولى ابتدائي داخلة فيها الفرونسي , ومازال ماناش مستعمرين ؟؟؟ والله غي نضحكو على رواحنا
نقولك حاجة الحالة عوجااء من القاعدة ... من لبااااز اون فخونسي

عندك الحق للاسف هذا هو لي رنا عايشيته

بصح لازم متكونش على حساب لغتنا وين راه دور البيت هنا

 

[متألقة بحجابي]

ايه حبوبتي شفتي الموصيبة فاين ؟؟ راهي في اساس الدولة الجزائرية
وتلقاي تاني عائلات يتجنبو يهدرو فالدار بالعربية :scared:
يقولك باش هكا وليدي يطلع يتقن الفرنسية :sadwalk:
وهكا تولي لغتنا في مهب الريح
ونحقق مبتغى فرنسا وتولي جزائرية فرانكفونية 100%
​

والله كاين بزاف عائلات يديروا هذا الشي

 

[إيمان قلب]

عندك الحق للاسف هذا هو لي رنا عايشيته

بصح لازم متكونش على حساب لغتنا وين راه دور البيت هنا

ماكيش تشوفي باللي دوركا البيت هو الاول اللي يحوس يعلم ولاده الفرونسي ؟؟؟
الا القلة القليلة وكيما قالت سوكري دو كور قبلي , باللي كاين اللي يتفاداو يهدرو العربية باش يتعلمو ولادهم الفرنسية خاصة هذوك الفرنكفونيون

 

[متألقة بحجابي]

زعما اللي يهدر بيها مثقف بصح هذا فقط في راس المتخلف


​

عجبتني بزاف

الله يعطيك الصحة

 

[متألقة بحجابي]

ماشي كامل نهدروا فرنسي كاين لي يستغناو عليها يهدروا عربية
لكن دولتنا فرونكوفونية حتمت علينا نبقاو تابعين لفرنسا حتى بعد الاستقلال
والدليل الجامعات الجزائرية التي الدستورها الذي يثبت عروبتها
والتدريس الان في الجاميعة بأي لغة الفرنسية ؟؟؟؟ طبعا وليست عربية
هل لانا العربية لاتخدم المواد العلمة؟؟؟؟؟
ان انجح طب في الطب العربي هوى الطب السوري (فك الله اسرها)
هل تعلمون ان طب السوري يدرس بالغة العربية وليس الفرنسية​

أكيد

الله يحقن دمائهم وينصرهم على من طغى عليهم

الطب باللغة العربية واحد من محاسن ذلك الطاغية

لأن الطب ومعظم العلوم الأخرى أصلها عربي نبع من عند العرب

 

[متألقة بحجابي]

المشكلة في المنهج التعليمي تاعنا وفي الاولياء بالدرجة الاولى
انا معاك اللغة الفرنسية لغة لازم نتعلموها خاطرش نسحقوها ممبعد لكن ماشي للدرجة تاع الاولياء يعلمو ولادهم التكلم باللغة الفرنسية قبل ما يعلموهم اللغة العربية وهادي حقيقة
ومن جهة المنهج التعليمي تاعنا يطغي عليه اللغة الفرنسية كنا نقراوها من السنة الرابعة ابتدائي ولات من السنة الثانية يعني تقريبا ساواوها مع اللغة العربية
وما ننساوش الاستعمار لي خلف فينا هادي الظاهرة وزيد الغلطة حتى في الدولة كل الادارات تتعامل في تعاملاتها اليومية باللغة الفرنيسية خاصة الورقية منها
والله تبهديلة حتى الوزراء تاعنا واحد فيهم ما يعرف يهدر اللغة العربية مليح
والله عيب
شكرا لك على الموضوع+++++
​

عندك الحق مئة بالمئة

يعني المسؤولية مشتركة بين الدولة والشعب