رايحة تشريلو في الخبز باش يتغدى

[yasmine_1993]

مساء الخير عليكم يا ناس اللمة
واشراكم بخير
عايشين
الحمد لله
المهم جيت نحكيلكم على الصباح شفت حاجة :no_no: والله تبكي
ايا جيينا خارجيين من الليسي ان:re_gards:انا و البنات ورايحين نحو المنزل حتى سمعنا وحدة مرا كبيييرة تقولو رايحة نجيبلك فالخبز باش تتغدى و هو يقولها انا نقولك امشي روحي لدار _o:_o: واش مخرجك ظرك نظرب ك:cursing::cursing: ارجعي تشوف و هي تقولو رايحة نجيب فالخبز باش تاكل وقعدوا متسابييين حتى خلاتوا يهدر وكملت طريقها تبكي وقالتنا ردوا بالكم تتزجوا رايحة نجيبلو فالخبز و يزيد يهدر
انا :re_gards: الصح غاضتني مسكينة علاه يديرلها هك رايحة تشريلو باش يتغدىيزقي عليها مشي حرام عليه والله كون جيت فبلاصتها والله مايضوقها ياكل الرهج :santa_1: ان شاء الله بصح هي مسكينة:sad: كملت طريقها و راحت تشري
ايا المهم ان شاء الله يقبلولي الموضوع ...

و ماتنساوش تدعيولي نجيب الباك :re_gards:...

هايا علقو على لحكاية براحتكم ...

تحياتي...

 

[homework]

الباك مافيهش نقاش لازم ولازم والا راح تتعاقبي نضحك معاك نشاء الله تجيبي الباك ونفرحوا معا
هذا ماوصل اليه عجائزناوشيوخنا يجريوا على ولادهم حتي يموتوا والأولاد كالذي ينقش في الحجر لا يستجيبوا
لوكان كان راجل راه هو لي يروح يجيب الخبز و يوكل ماماه بيديه

 

[MIMY22]

ادى كانت هادي المرى يماه هاد شي عيب كبير نورمالمون يبوسلها يديها ويرجعها الدار و ميخليش يماه تروح تشريلو الخبز
​

 

[AWDIESL]

رجولة مريضة .......
و أنوثة ضائعة .......

هي مالازمش تشريلو الخبز خاطر هو الراجل
و هو مالازمش يبهدلها مادام هو الراجل تاع الدار و ماجابش الخبز .....

تقلبت الاية
المرا تشري و الراجل قاعد فالدار و يزيد يعيط
يلعبها رجلة غير كي يعيط زعما
روح نوض جيب الخبز هههه
صحيتي
​

 

[لاجودان شاف]

السلام عليكم ورحمة الله وبركاته
هيه كاين كيما هاك بزاف
ربي يسترنا برك
وشكرا لك ياسمين
​

 

[ملك اللمة]

و الله ياذيك الرجلة كيفاش دايرا هههههههههه غيربت قالك تعيش تشوف

 

[حفيد هواري بومدين]

الرجلة العاية

 

[السلطانة]

اووو شي ناس الله يهديهم
لمرا ماهي مرا والراجل ماهورجل
الله يهدي
شكرا على الموضوع تقبلي مروري
​