عيش يا الgـــــــليل - السكن -

[barca.moha]

السلام عليكم
تحية لصحابي وحبابي وكامل نآس اللمة
وتحية لحليم خويا في الغيبية

عندي مدة طويلة و طويلة
مارقبت من لهنا ومكتبتش موضوع



بسم الله



مليح الواحد كي يقعد يتأمل في الفوارق الإجتماعية ، ياك التأمل فيه فايدة وحكمة والواحد منا كي يتأمل يتعلم حكايتنا في هاد المرة راهي على





السكن


الك بلي الجزائرأكبر دولة في إفريقيا بعدما انقسمت السودان
بما انو نقولو اكبر دولة بمعنى اكبر مساحة
اكبر مساحة وأزمة السكن فيها
كاين ناس ساكنة في بيوت القصدير
كاين ناس ساكنة على برا
كاين 3 عايلات في سكنة وحدة
كاين لي عندو دار في شومبر وحدة
كاين لي ساكن في خيمة
وكاين وكاين

قالك نصها صحرا مي لوكان في يد ليزامريك ولا جوابنة لوكان رجعوها جنة
مي جزايريين طالقين وضاربينها بطالون وديما مشاكل على السكن
زوالي مسكين ديما لاحقينو لي ريش
يكثر في لي دوسيات من بلدية لبلدية من دايرة لدايرة من ولاية لولاية
وفي التالية يجي عمك الريش لي يسكنو في القصور والفيلات يدفع 100 مليون للخاوة يشوفولو سكنة كالسلام عليكم
ووقت لي قسموهم تنوض مدابزة عليهم
وهدا وجه نشوفوه مع أزمة السكن مع كاين اسباب بزاف


عيش يا الgـــــــليل



نهدرو حاجة قليلة ونفهمو بزآف

​

 

[Jeune Sghir Mc]

واش صديقي صافا ولا
راك ادير مواضيع من ورا ظهري اه
خخخـ
شوووووووف
هنا في لبلاد
نهار يجو يوزعو السكنى
يمدوها للي عندو زوج فيلات و7 ليزاpـارتومو
وعلابالك كيفاه
وخونا الزوالي
يعطولو قرعة Gـازوز علابالك واش يدير بيها
فهمت
تبا وين راه مشروع 5 مليون سكن




صحيــــــــــــــت

​

 

[07 _H@yThm]

ياو والله غير هرمنا من صنايع هادو سكن هداك يديه غير مولا لكتاف
لي في نشرة 1 ولا8 يجووووو يزغرتو ويقولو تحيااااا رايس ربي يخلهونا
تبا شعب جاهل

 

[EL General]

و عليكم السلام
صحا خويا راك عجبتني في حاجة وحدة كي قلت في ميضوعك
بمئة مليون كالسلام عليكم
هههه
فريمو هنا ما عندي ما نقول سوى الله يهدي كل مؤمن للطريق الصحيح

​

 

[Black heart]

موضوع باهي
حقيقة راك تشوف بلي الجزائر تعيش في كابوس .
رجعو اكل يشوفو بلي لي ريش هما كلش والزاوالي ينساوه
كيما قلت هنا فالبلاد الي عندو يعطيوه فيلات ولي ماعندوش يعطيوه قرعة زيت و شكارة سميد
ويقولو صايي رانا عاوناهم.
في هذا البلد الكل يعاني

وربي يكون مع المحرومين من السكن ويسهل لهم الأمر في حل هذا المشكل العويص
**​

 

[ضو العش]

مرسي خويا موضوع مليح وتستاهل التقدير صح الجزائر كيبرة مي مهش كان السكن كاين برشة حوايج وعلى كل حال نشكر وننتظر المزيد منك

 

[أمير الجمال]

لي عودة إلى موضوعك القيم​