- الأوسمة
- 2
بسم الله الرحمن الرحيم
السلام عليكم ورحمة الله
أهلا بيكم ناس اللمة كامل .. بصحتكم الثلج للناس لي صب عندهم الثلج
ولي ما صبش عندهم نقولهم خيرها في غيرها
إن شاء الله راكم كامل لاباس
اليوم حبيت نحكي على وحد النَّاس بما أننا كامل نعيشو هاذ الأيامات الباردة ولي وصلت فيها درجة الحرارة إلى أقل مستوياتها. ومانعرف إذا راكم تتفكرو هاذ النَّاس ولالا.
حبيت نتكلم على فئة تعيش معانا، وممكن يكونو من أهالينا ولا أقاربنا ولا جيراننا بصح قليل لي يتفكرهم ولا يخمم عليهم لأننا ولينا كيما تقول الوالدة -ربي يحفظها- كيما صحاب الآخرة؛ نفسي نفسي.
هاذ الناس هوما هاذو:
الفقراء:
والناس لي بلا مأوى:
لو نشوفو مع أنفسنا نلقاو رواحنا الحمد لله، ساكنين في بيوت فيها وسائل التدفئة، ومتغطيين مليح وراقدين في فراشات مليحة، ولابسين مليح، وحتى كي تقطع الخبز والمخابز ما خدموش عندنا الدقيق في الدار ودرنا الكسرة، وعندنا الريزيرف كيما يقولو. ومع ذلك طايرين وما تحملناش البرد، ونهار كامل وحنا نشكيو؛ قتلنا البرد قتلنا البرد.
وهاذوك الناس يا تُرى كيفاه فات عليهم هاذ البرد؟؟؟ كيفاه تحملو قساوة البرد؟؟ وش كلو؟؟؟ ولادهم الصغار وش لبسوهم؟؟؟
علاه ما نحمدوش ربي ودايما نشوفو لي خير منا وما نشوفوش للناس لي أقل منَّا؟؟ علاه دايما طايرين ومش راضيين بواش قسم لينا رب العالمين؟؟ علاه حنا طماعين؟؟ علاه ماتت الرحمة في قلوبنا وأصبح الجار ما يحوسش على جارو ولا القريب يحوس على قريبو ويشوف إذا مخصوص كانش حاجة ولا لا؟؟
هاذي كامل أسئلة قاعدة دور في راسي، فهل دارت في راسكم أنتم ثاني ولا لا؟؟ وهذا كيما يقولو أضعف الإيمان.
والله العظيم كي نتفكرهم الهدرة تتلفلي وما نلقى وش نقول إلاَّ أنِّي نحمد رب العالمين على النعمة لي راني فيها. ونقول ربي يرزق كل فقير ويغنيه من فضله.
نخليلكم المجال للكلام، وإذا كانت عندكم شهادات حيَّة شفتوها ياريت لو تتفضلو وتطرحوها.
ما تنسوش تحمدو ربي على النعمة
:re_gards:
السلام عليكم ورحمة الله
أهلا بيكم ناس اللمة كامل .. بصحتكم الثلج للناس لي صب عندهم الثلج
ولي ما صبش عندهم نقولهم خيرها في غيرها
إن شاء الله راكم كامل لاباس
اليوم حبيت نحكي على وحد النَّاس بما أننا كامل نعيشو هاذ الأيامات الباردة ولي وصلت فيها درجة الحرارة إلى أقل مستوياتها. ومانعرف إذا راكم تتفكرو هاذ النَّاس ولالا.
حبيت نتكلم على فئة تعيش معانا، وممكن يكونو من أهالينا ولا أقاربنا ولا جيراننا بصح قليل لي يتفكرهم ولا يخمم عليهم لأننا ولينا كيما تقول الوالدة -ربي يحفظها- كيما صحاب الآخرة؛ نفسي نفسي.
هاذ الناس هوما هاذو:
الفقراء:
والناس لي بلا مأوى:
لو نشوفو مع أنفسنا نلقاو رواحنا الحمد لله، ساكنين في بيوت فيها وسائل التدفئة، ومتغطيين مليح وراقدين في فراشات مليحة، ولابسين مليح، وحتى كي تقطع الخبز والمخابز ما خدموش عندنا الدقيق في الدار ودرنا الكسرة، وعندنا الريزيرف كيما يقولو. ومع ذلك طايرين وما تحملناش البرد، ونهار كامل وحنا نشكيو؛ قتلنا البرد قتلنا البرد.
وهاذوك الناس يا تُرى كيفاه فات عليهم هاذ البرد؟؟؟ كيفاه تحملو قساوة البرد؟؟ وش كلو؟؟؟ ولادهم الصغار وش لبسوهم؟؟؟
علاه ما نحمدوش ربي ودايما نشوفو لي خير منا وما نشوفوش للناس لي أقل منَّا؟؟ علاه دايما طايرين ومش راضيين بواش قسم لينا رب العالمين؟؟ علاه حنا طماعين؟؟ علاه ماتت الرحمة في قلوبنا وأصبح الجار ما يحوسش على جارو ولا القريب يحوس على قريبو ويشوف إذا مخصوص كانش حاجة ولا لا؟؟
هاذي كامل أسئلة قاعدة دور في راسي، فهل دارت في راسكم أنتم ثاني ولا لا؟؟ وهذا كيما يقولو أضعف الإيمان.
والله العظيم كي نتفكرهم الهدرة تتلفلي وما نلقى وش نقول إلاَّ أنِّي نحمد رب العالمين على النعمة لي راني فيها. ونقول ربي يرزق كل فقير ويغنيه من فضله.
نخليلكم المجال للكلام، وإذا كانت عندكم شهادات حيَّة شفتوها ياريت لو تتفضلو وتطرحوها.
ما تنسوش تحمدو ربي على النعمة
:re_gards:
آخر تعديل:
